Just In
- 6 hrs ago ಮೀನ ರಾಶಿಗೆ ಮಂಗಳ ಸಂಚಾರ: ಈ 5 ರಾಶಿಯವರು ವೃತ್ತಿ ಬದುಕಿನಲ್ಲಿ ಜಾಗ್ರತೆ
- 7 hrs ago ಬೇಸಿಗೆಗೆ ಈ 3 ಸೊಪ್ಪಿನ ಚಟ್ನಿ ಆರೋಗ್ಯಕ್ಕೆ ತುಂಬಾನೇ ಒಳ್ಳೆಯದು
- 7 hrs ago ಬಿಲ್ಗೇಟ್ಸ್ ಟೀ ಕೇಳಿದ್ದಕ್ಕೆ ಟೀ ಮಾಡುತ್ತಿರುವ ನಾಯಿ: ಕ್ಯೂಟ್ ವೀಡಿಯೋ ವೈರಲ್
- 9 hrs ago ಬದಲಾಯ್ತು ಡಿಡಿ ಲೋಗೋ: ಕೇಸರಿ ಬಣ್ಣಕ್ಕೆ ತಿರುಗಿರುವುದಕ್ಕೆ ಕೆಲವರ ಮೆಚ್ಚುಗೆ, ಕೆಲವರ ಟೀಕೆ
Don't Miss
- Movies Srirasthu Shubhamasthu ; ಶಾರ್ವರಿ ಹಿನ್ನೆಲೆ ಹೇಳಿದ ಮಹೇಶ : ಅತ್ತೆಯನ್ನು ಅನಾಥೆ ಎಂದ ದೀಪಿಕಾ..!
- News ತೊಳೆಯೋದಕ್ಕೂ ನೀರು ಇಲ್ಲ ಗುರೂ: ಜನ ಹಿಂಗೆ ಕೇಳ್ತಿದ್ದಾರೆ!
- Sports GT vs DC: ಐಪಿಎಲ್ನಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ದೊಡ್ಡ ಗೆಲುವು: ಗುಜರಾತ್ಗೆ ತವರಿನಲ್ಲಿ ಸೋಲು
- Automobiles ಸುಜುಕಿ ಹಯಬುಸಾ 25ನೇ ಆನಿವರ್ಸರಿ ಎಡಿಷನ್ ಬಿಡುಗಡೆ: ಬೆಲೆ ಎಷ್ಟು?
- Finance ಇನ್ಮುಂದೆ EMI ಕಟ್ಟೋದು ತಡವಾದ್ರೆ ಚಿಂತಿಸೋಹಾಗಿಲ್ಲ, ಫೈನ್ ಕೂಡ ಕಟ್ಟುವಂತಿಲ್ಲ!
- Technology ಸದ್ಯ ಎಂಟ್ರಿ ಲೆವೆಲ್ನಲ್ಲಿ ಇವೇ ಬೆಸ್ಟ್ ಸ್ಮಾರ್ಟ್ಫೋನ್ಗಳು!..ಫೀಚರ್ಸ್ ಏನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ರೆಸಿಪಿ: ಬಾಣಂತಿಯರ ಆರೋಗ್ಯ ವೃದ್ಧಿಸುವ ಕಿಸುಕಾರೆ ಹೂವಿನ ತಂಬಳಿ
ಕಿಸುಕಾರೆ ಅಥವಾ ಹೊಳೆ ದಾಸವಾಳ ಎಂದು ಕರೆಯಲ್ಪಡುವ ಹೂವು ಗುಡ್ಡಗಾಡುಗಳಲ್ಲಿ ಸಾಮಾನ್ಯವಾಗಿ ಸಹಜವಾಗಿಯೇ ಬೆಳೆದಿರುತ್ತದೆ. ಇದರ ಸಸ್ಯಶಾಸ್ತ್ರೀಯ ಹೆಸರು ಇಕ್ಸೋರ ಕೊಸಿನಿಯಾ(ಲಿನ್) ಎನ್ನಲಾಗುತ್ತದೆ. ಇಂಗ್ಲೀಷಿನಲ್ಲಿ ಇದನ್ನು ಜಂಗಲ್ ಫ್ಲೇಮ್ ಎಂದು ಗುರುತಿಸಲಾಗುತ್ತದೆ. ರುಬಿಯಾಸಿಯೇ ಕುಟುಂಬಕ್ಕೆ ಸೇರಿದ ಹೂವು ಇದು. ಕನ್ನಡದಲ್ಲೂ ಬೇರೆಬೇರೆ ಪ್ರದೇಶಗಳಲ್ಲಿ ಈ ಹೂವಿಗೆ ಹಲವು ಹೆಸರುಗಳಿಂದ ಕರೆಯುತ್ತಾರೆ. ಕುಸುಮಾಲೆ, ಕೇಪಳ, ಕಿಸುಕಾರೆ, ಹೊಳೆ ದಾಸವಾಳ ಇತ್ಯಾದಿ ಹೆಸರುಗಳು ಕೂಡ ಇದೆ.
ಹಲವು ಬಣ್ಣಗಳಲ್ಲಿ ಈ ಹೂವನ್ನು ನೀವು ಕಾಣಬಹುದು. ಕೆಂಪು, ಬಿಳಿ, ಹಳದಿ,
ತುಪ್ಪದ ವರ್ಣ, ಗುಲಾಬಿ ವರ್ಣ ಸೇರಿದಂತೆ ಹಲವು ಬಣ್ಣಗಳ ಹೂವು ಗೊಂಚಲು ಗೊಂಚಲಾಗಿ
ಬಿಟ್ಟರೆ ನೋಡಲು ಬಲು ಸುಂದರ. ಕಣ್ಣಿಗೆ ಆಹ್ಲಾದ ನೀಡುವ ಈ ಹೂವುಗಳು ಕೇವಲ
ಸೌಂದರ್ಯಕ್ಕಷ್ಟೇ ಸೀಮಿತವಲ್ಲ ಬದಲಾಗಿ ಇದೊಂದು ಔಷಧೀಯ ಸಸ್ಯವೂ ಹೌದು.
ಈ ಹೂವುಗಳಿಂದ ಖಾಧ್ಯಗಳನ್ನೂ ಕೂಡ ತಯಾರಿಸಬಹುದು. ಅನೇಕ ಆರೋಗ್ಯ ಸಮಸ್ಯೆಗಳಿಗೆ
ಪರಿಹಾರ ನೀಡುವ ಸಾಮರ್ಥ್ಯವನ್ನು ಈ ಹೂವುಗಳು ಹೊಂದಿದೆ. ನಾವಿಂದು ಇಲ್ಲಿ ಹಳದಿ
ಬಣ್ಣದ ಕಿಸುಕಾರೆ ಹೂವುಗಳನ್ನು ಬಳಸಿ ತಂಬಳಿ ಮಾಡುವುದು ಹೇಗೆ ಎಂಬ ಬಗ್ಗೆ
ತಿಳಿಸಿಕೊಡುತ್ತಿದ್ದೇವೆ.
Recipe By: Sushma chatra
Recipe Type: Veg
Serves: 4
-
ಬೇಕಾಗುವ ಸಾಮಗ್ರಿಗಳು
• ಕಿಸುಕಾರೆ ಹೂವು - ಮೂರರಿಂದ ನಾಲ್ಕು ಗೊಂಚಲು
• ಜೀರಿಗೆ - ಅರ್ಧ ಟೀ ಸ್ಪೂನ್
• ಉಪ್ಪು - ರುಚಿಗೆ ತಕ್ಕಷ್ಟು
• ಮಜ್ಜಿಗೆ - ಕಾಲು ಲೀಟರ್
• ಕಾಳುಮೆಣಸು - ಎರಡರಿಂದ ಮೂರು
• ಬೆಲ್ಲ - ರುಚಿಗೆ ತಕ್ಕಷ್ಟು( ಖಾರ ಇಷ್ಟಪಡುವವರು ಹಾಕದೆಯೂ ಇರಬಹುದು)
• ತುಪ್ಪ - ಒಂದು ಚಮಚ
-
ಮಾಡುವ ವಿಧಾನ
• ಮೊದಲಿಗೆ ಹೂವುಗಳನ್ನು ಚೆನ್ನಾಗಿ ತೊಳೆದು ಸ್ವಚ್ಛ ಮಾಡಿಕೊಳ್ಳಿ.
• ಕಾಲು ಟೀ ಸ್ಪೂನ್ ಜೀರಿಗೆ ಮತ್ತು ಕಾಳುಮೆಣಸಿನ ಜೊತೆಗೆ ಹೂವುಗಳನ್ನು ಹುರಿದುಕೊಳ್ಳಿ.
• ಈ ಮಿಶ್ರಣವನ್ನು ಸ್ವಲ್ಪ ನೀರು ಸೇರಿಸಿ ಮಿಕ್ಸಿ ಮಾಡಿಕೊಳ್ಳಿ.
• ಮಿಕ್ಸಿ ಮಾಡಿದ ಮಿಶ್ರಣಕ್ಕೆ ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ.
• ಮಜ್ಜಿಗೆ ಮತ್ತು ಬೆಲ್ಲವನ್ನು ಸೇರಿಸಿ.
• ತುಪ್ಪದೊಂದಿಗೆ ಜೀರಿಗೆ ಹುರಿದು ಒಗ್ಗರಣೆ ಮಾಡಿದರೆ ರುಚಿರುಚಿಯಾದ ಕಿಸುಕಾರೆ ಹೂವಿನ ತಂಬಳಿ ಸವಿಯಲು ಸಿದ್ಧ.
- ಜ್ವರ ಬಂದಾಗ ಬಾಯಿ ರುಚಿ ಇಲ್ಲದೆ ಇರುವವರು ಈ ತಂಬಳಿ ಸೇವನೆ ಮಾಡುವುದರಿಂದಾಗಿ ಜ್ವರ ಸಮಸ್ಯೆ ನಿವಾರಣೆಯಾಗಿ ಬಾಯಿ ರುಚಿಯೂ ಕೂಡ ಅಧಿಕವಾಗುತ್ತದೆ. ಸೂಪ್ ನಂತೆ ಊಟಕ್ಕೂ ಮುನ್ನ ಕುಡಿಯಲೂಬಹುದು ಅಥವಾ ಅನ್ನದೊಂದಿಗೆ ಕಲಸಿ ಸೇವಿಸುವುದಕ್ಕೂ ಕೂಡ ಅಧ್ಬುತವಾಗಿರುತ್ತದೆ.
ಮಾಡುವ ಹಂತ-ಹಂತದ ವಿಧಾನ
• ಮೊದಲಿಗೆ ಹೂವುಗಳನ್ನು ಚೆನ್ನಾಗಿ ತೊಳೆದು ಸ್ವಚ್ಛ ಮಾಡಿಕೊಳ್ಳಿ.
• ಕಾಲು ಟೀ ಸ್ಪೂನ್ ಜೀರಿಗೆ ಮತ್ತು ಕಾಳುಮೆಣಸಿನ ಜೊತೆಗೆ ಹೂವುಗಳನ್ನು ಹುರಿದುಕೊಳ್ಳಿ.
• ಈ ಮಿಶ್ರಣವನ್ನು ಸ್ವಲ್ಪ ನೀರು ಸೇರಿಸಿ ಮಿಕ್ಸಿ ಮಾಡಿಕೊಳ್ಳಿ.
• ಮಿಕ್ಸಿ ಮಾಡಿದ ಮಿಶ್ರಣಕ್ಕೆ ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ.
• ಮಜ್ಜಿಗೆ ಮತ್ತು ಬೆಲ್ಲವನ್ನು ಸೇರಿಸಿ.
• ತುಪ್ಪದೊಂದಿಗೆ ಜೀರಿಗೆ ಹುರಿದು ಒಗ್ಗರಣೆ ಮಾಡಿದರೆ ರುಚಿರುಚಿಯಾದ
ಕಿಸುಕಾರೆ ಹೂವಿನ ತಂಬಳಿ ಸವಿಯಲು ಸಿದ್ಧ.
ಆರೋಗ್ಯ ಲಾಭಗಳು
• ಬಾಣಂತಿಯರು ಈ ತಂಬಳಿ ಸೇವಿಸುವುದರಿಂದಾಗಿ ತಾಯಿ ಮತ್ತು ಮಗುವಿಗೆ ಆಗುವ ಚವಿ
ಸಮಸ್ಯೆಯನ್ನು ನಿವಾರಿಸಿಕೊಳ್ಳಬಹುದು
• ಈ ಹೂವುಗಳು ನೋವು ನಿವಾರಕ ಸಾಮರ್ಥ್ಯವನ್ನು ಹೊಂದಿರುವುದರಿಂದಾಗಿ ನಿಮಗೆ ದೇಹದ
ಯಾವುದೇ ಭಾಗದಲ್ಲಿ ನೋವು ಇದ್ದಲ್ಲಿ ಈ ತಂಬಳಿ ಸೇವನೆ ನಿಮ್ಮ ನೋವನ್ನು
ನಿವಾರಿಸುತ್ತದೆ.
• ತಲೆ ನೋವು ಸಮಸ್ಯೆಯಿಂದ ಆಗಾಗ ಬಳಲುತ್ತಿರುವವರು ವಾರಕ್ಕೊಮ್ಮೆ ಈ ತಂಬಳಿ ಸೇವನೆ
ಮಾಡಿದರೆ ಒಳ್ಳೆಯದು.
• ಹೊಟ್ಟೆಯ ಸಮಸ್ಯೆ ಎದುರಿಸುತ್ತಿರುವವರು ಕಿಸುಕಾರೆ ತಂಬಳಿಯನ್ನು ಕುಡಿಯಬಹದು
ಅಥವಾ ಮೆತ್ತನೆಯ ಅನ್ನದ ಜೊತೆಗೆ ಕಲಸಿಯೂ ಸೇವಿಸಬಹುದು.
• ಅತಿಸಾರ ಸಮಸ್ಯೆಯಿಂದ ಬಳಲುತ್ತಿರುವವರು ಈ ತಂಬಳಿ ಸೇವಿಸುವುದು ಒಳ್ಳೆಯದು.