ಈ ದೋಸೆ ತಿಂದ್ರೆ ಸಕ್ಕರೆಯಂಶ ಹೆಚ್ಚಾಗಲ್ಲ, ರುಚಿಯೂ ಸೂಪರ್, ಪುಡಿ ಹೀಗೆ ಮಾಡಿಟ್ಟರೆ ಸಾಕು, ನಿಮಿಷಗಳಲ್ಲಿ ದೋಸೆ ರೆಡಿ

ಇದೊಂದು ಅತ್ಯಂತ ಆರೋಗ್ಯಕರವಾದ ದೋಸೆಯಾಗಿದೆ, ಏಕೆಂದರೆ ಮೆಂತೆ, ಗೋಧಿ, ಅಕ್ಕಿ, ಉದ್ದು ಹಾಕಿ ಮಾಡುವ ದೋಸೆಯಾಗಿದ್ದು, ನೀವು ಈ ದೋಸೆ ತಿನ್ನುವುದರಿಂದ ರಕ್ತದಲ್ಲಿ ಸಕ್ಕರೆಯಂಶ ಕೂಡ ನಿಯಂತ್ರಣದಲ್ಲಿಡಬಹುದು, ಅಲ್ಲದೆ ಇದನ್ನು ನೀವ್‌ ಯಾಆಗ ಬೇಕು ಆವಾಗ ತತ್‌ ತಕ್ಷಣ ಮಾಡಿ ಸವಿಯಬಹುದು, ಅಕ್ಕಿ ನೆನೆಹಾಕಬೇಕು ಅಂತೇನೂ ಇಲ್ಲ, ಬನ್ನಿ ಇದನ್ನು ಮಾಡುವುದು ಹೇಗೆ ಎಂದು ನೋಡೋಣ:

ಬೇಕಾಗುವ ಸಾಮಗ್ರಿ
1 ಕಪ್‌ ಗೋಧಿ
ಮುಕ್ಕಾಲು ಕಪ್‌ ಮೆಂತೆ ಬೀಜ
ಅರ್ಧ ಕಪ್‌ ಅಕ್ಕಿ
ಒಂದೂವರೆ ಕಪ್ ಉದ್ದು (ಸಿಪ್ಪೆ ಸಹಿತ)
ಸ್ವಲ್ಪ ಗೋಡಂಬಿ ದ್ರಾಕ್ಷಿ

ಒಂದು ಲೋಟ ಅಳತೆಯಲ್ಲಿ ಗೋಧಿ ತೆಗೆದು ಹುರಿಯಿರಿ
ಅರ್ಧ ತೊಳೆದು ಒಣಗಿಸಿ ಅಕ್ಕಿಯನ್ನು ತೆಗೆದು ಒಣಗಿಸಿ
ಮುಕ್ಕಾಲು ಲೋಟ ಮೆಂತೆಯನ್ನು ಹುರಿದಿಡಿ
ಒಂದೂವರೆ ಲೋಟ ಕಪ್ಪು ಸಿಪ್ಪೆ ಇರುವ ಉದ್ದನ್ನು ಹಾಕಿ ಹುರಿದುಕೊಳ್ಳಿ
8-10 ಗೋಡಂಬಿ-ದ್ರಾಕ್ಷಿ ಕೂಡ ಹುರಿದು ಇಡಿ.
ಈಗ ಈ ಎಲ್ಲಾ ಸಾಮಗ್ರಿ ತಣ್ಣಗಾಗಲು ಬಿಡಿ, ಸಂಪೂರ್ಣ ತಣ್ಣಗಾದ ಮೇಲೆ ಪುಡಿ
ಪುಡಿ ನೀವು ಮಿಕ್ಸಿಯಲ್ಲಿಯ ಮಾಡಬಹುದು, ಮಿಲ್‌ನಲ್ಲಿಯೂ ಮಾಡಿಸಬಹುದು.

ಈಗ ನೀಡಿರುವ ಸಾಮಗ್ರಿಯಷ್ಟೇ ಆದರೆ ಮಿಕ್ಸಿಯಲ್ಲಿಯೇ ಮಾಡಬಹುದು, ಇಲ್ಲಾ ನೀವು ಹೆಚ್ಚಿನ ಅಳತೆಯಲ್ಲಿ ಮಾಡುವುದಾದರೆ ಮಿಲ್‌ಗೆ ಹೋಗಿ ಪುಡಿ ಮಾಡಿ ಬನ್ನಿ.
ನಂತರ ಪುಡಿಯನ್ನು ಡಬ್ಬದಲ್ಲಿ ಹಾಕಿಡಿ, ನಂತರ ನೀವು ಮುದ್ದೆ ಅಥವಾ ದೋಸೆಯನ್ನು ಮಾಡುವಾಗ ಹಿಟ್ಟು ಬಳಸಿ

ದೋಸೆ ಮಾಡುವ ವಿಧಾನ:
ಈಗ ಹಿಟ್ಟನ್ನು ತೆಗೆದು ನೀರು ಹಾಕಿ ದೋಸೆ ಹದಕ್ಕೆ ಕಲೆಸಿ ದೋಸೆ ಹುಯ್ಯಿರಿ.
ದೋಸೆ ತುಂಬಾನೇ ರುಚಿಯಾಗಿರುತ್ತದೆ
ಇದನ್ನು ಇನ್‌ಸ್ಟಾಂಟ್‌ ದೋಸೆಯಂತೆ ಸವಿಯಬಹುದು.
ಮಧುಮೇಹಿಗಳಿಗೆ ಚಪಾತಿಗಿಂತಲೂ ಈ ದೋಸೆ ಅಥವಾ ಮುದ್ದೆ ತುಂಬಾನೇ ಒಳ್ಳೆಯದು.

ಇದೇ ಹಿಟ್ಟಿನಿಂದ ನೀವು ಮುದ್ದೆ ಮಾಡಿ
ಇದೇ ಹಿಟ್ಟಿನಿಂದ ನೀವು ಮುದ್ದೆ ಕೂಡ ಮಾಡಬಹುದು, ಮುದ್ದೆ ತುಂಬಾನೇ ರುಚಿಯಾಗಿರುತ್ತದೆ.
ಈ ಮುದ್ದೆ ಕೂಡ ರಾಗಿ ಮುದ್ದೆಗಿಂತಲೂ ತುಂಬಾ ಟೇಸ್ಟಿಯಾಗಿರುತ್ತದೆ.
ಮುದ್ದೆ ಸ್ವಲ್ಪ ಕಹಿ ಅನಿಸಿದರೂ ರುಚಿ ಸೂಪರ್‌, ಮಧುಮೇಹವನ್ನು ನಿಯಂತ್ರಿಸುವಲ್ಲಿ ತುಂಬಾನೇ ಸಹಕಾರಿ.