ಬೇಸಿಗೆಯ ಬೆಸ್ಟ್‌ ಫ್ರೆಂಡ್ ಈ ಸಾಬುದಾನಿ ಮೊಸರನ್ನ: ದೇಹಕ್ಕೆ ತಂಪು, ಕಣ್ತುಂಬ ನಿದ್ದೆ!!

ಬೇಸಿಗೆಯ ಸಮಯದಲ್ಲಿ ನೀವು ಊಟದ ತಿಂಡಿಯ ವಿಚಾರದಲ್ಲಿ ಬಹಳ ಜಾಗರೂಕರಾಗಿರುತ್ತೀರಿ. ಅದ್ರಲ್ಲೂ ವಿಶೇಷ ಖಾದ್ಯಗಳಿಗಿಂತಲೂ ದೇಹಕ್ಕೆ ತಂಪು ಎನಿಸುವಂತಹ ಹಲವು ರುಚಿಯ ಖಾದ್ಯಗಳ ಸವಿಯಲು ಇಷ್ಟಪಡುತ್ತೀರಿ. ಮಸಾಲೆ ಭರಿತ ತಿಂಡಿ, ಊಟವೆಂದರೆ ಬೇಸಿಗೆಯಲ್ಲಿ ನಿಮ್ಮ ದೇಹಕ್ಕೆ ದೊಡ್ಡ ಸಮಸ್ಯೆ ಉಂಟುಮಾಡಲು ಸಾಕು. ಹೀಗಾಗಿ ಈ ಸಮಯದಲ್ಲಿ ಬಹಳ ದ್ರಾವಣ ಇರುವ ಆಹಾರ ಪದಾರ್ಥ ಸವಿಯುವುದು ನೋಡಬಹುದು.

ಹಾಗೆ ಮಸಾಲೆಗಳಿಗಿಂತ ದೇಹಕ್ಕೆ ತಂಪು ನೀಡುವ ಹಲವು ಖಾದ್ಯಗಳ ಇಷ್ಟಪಡುವವರು ನೀವಾಗಿರಬಹುದು. ಹಾಗೆ ಮೊಸರು, ಮಜ್ಜಿಗೆ, ಜ್ಯೂಸ್‌ನಂತಹ ಖಾದ್ಯ ಹೆಚ್ಚಾಗಿ ಸೇವಿಸುವುದು ಕಾಮನ್. ಇನ್ನು ಈ ಖಾದ್ಯಗಳ ಸೇವನೆಯಿಂದ ದೇಹ ತಂಪಾಗಿಸಬಹುದು. ಹಾಗೆ ಎಲ್ಲರಿಗೂ ಇದು ಇಷ್ಟವಾಗುವ ಖಾದ್ಯ.

ನಾವಿಂದು ದೇಹಕ್ಕೆ ತಂಪು ನೀಡುವ ಹಾಗೆ ಹಲವು ಖಾದ್ಯಗಳ ಮಾಡುವುದು ಸಹ ಇದೆ. ನಾವಿಂದು ಬೆಳಗ್ಗೆ ತಿಂಡಿಯ ಸಮಯಕ್ಕೆ ದೇಹವು ತಂಪಾಗುವಂತಹ ರುಚಿ ರುಚಿಯ ಸಾಬುದಾನಿ ಮೊಸರನ್ನ ಮಾಡುವ ಕುರಿತು ತಿಳಿದುಕೊಳ್ಳೋಣ. ಈ ಸಾಬುದಾನಿ ಮೊಸರನ್ನವು ಎಲ್ಲರಿಗೂ ಅದ್ಭುತ ರುಚಿ ನೀಡಲಿದೆ.

ಹಾಗೆ ಈ ಸಾಬುದಾನಿಯಿಂದ ಹಲವು ಖಾದ್ಯ ಮಾಡಬಹುದಾದರು ಈ ಮೊಸರನ್ನ ನಿಮ್ಮ ದೇಹಕ್ಕೆ ತಂಪು ನೀಡಲಿದೆ. ಹಾಗಾದ್ರೆ ಇದನ್ನು ಮಾಡುವುದು ಹೇಗೆ, ಈ ಸಾಬುದಾನಿ ಮೊಸರನ್ನ ಮಾಡಲು ಯಾವೆಲ್ಲಾ ಪದಾರ್ಥಗಳು ಬೇಕು? ಎಷ್ಟು ಸಮಯ ಹಿಡಿಯಲಿದೆ ಎಂಬುದನ್ನು ನಾವಿಂದು ತಿಳಿದುಕೊಳ್ಳೋಣ.

ಸಾಬುದಾನಿ ಮೊಸರನ್ನು ಮಾಡಲು ಬೇಕಾಗುವ ಪದಾರ್ಥಗಳು

• ಸಾಬುದಾನಿ
• ಮೊಸರು
• ಜೀರಿಗೆ
• ಉಪ್ಪು
• ಎಣ್ಣೆ
• ಉದ್ದಿನ ಬೇಳೆ
• ಕಡಲೆ ಬೇಳೆ
• ಶೇಂಗಾ
• ಕರಿಬೇವು

ಸಾಬುದಾನಿ ಮೊಸರನ್ನು ಮಾಡುವ ಸರಿಯಾದ ವಿಧಾನವೇನು?

ಮೊದಲು ಒಂದು ಬಾಣಲೆ ಒಲೆ ಮೇಲೆ ಇಟ್ಟು ಅದಕ್ಕೆ ಅಳತೆ ಕಪ್‌ನಲ್ಲಿ ಸಾಬೂದಾನಿ ತೆಗೆದುಕೊಂಡು ಬಾಣಲೆಗೆ ಹಾಕಿ. ನಂತರ ಚೆನ್ನಾಗಿ ಫ್ರೈ ಮಾಡಿಕೊಳ್ಳಿ. ಸಣ್ಣ ಉರಿಯಲ್ಲು ಹುರಿದು ಬೌಲ್‌ಗೆ ಹಾಕಿಟ್ಟುಕೊಳ್ಳಿ. ಈಗ ಈ ಸಾಬುದಾನಿಗೆ ನೀರು ಹಾಕಿ ತೊಳೆದುಕೊಳ್ಳಿ. ನಂತರ ಒಂದು ಬೌಲ್‌ನಲ್ಲಿ ಸ್ವಲ್ಪ ಮೊಸರು ಹಾಕಿ ಉಪ್ಪು ಹಾಕಿ 1 ಕಪ್ ನೀರು ಹಾಕಿ ಮಿಕ್ಸ್ ಮಾಡಿಕೊಳ್ಳಿ.

ಈಗ ಮೊಸರು ಹಾಗೂ ಸಾಬುದಾನಿಯನ್ನು ಒಂದೇ ಪಾತ್ರೆಗೆ ಹಾಕಿ ಇಟ್ಟುಕೊಳ್ಳಿ. ಈ ರೀತಿ ಹಾಕಿ ಸುಮಾರು 5ರಿಂದ 6 ಗಂಟೆಯಾದರು ನೆನೆಯಲು ಬಿಡಬೇಕು. ಇದಕ್ಕೆ ಹಿಂದಿನ ದಿನ ರಾತ್ರಿಯೇ ನೆನೆಸಿಟ್ಟರೆ ಉತ್ತಮ. ನಂತರ ಈಗ ಬಾಣಲೆ ಒಲೆ ಮೇಲೆ ಇಟ್ಟು ಅದಕ್ಕೆ ಎಣ್ಣೆ ಹಾಕಿ ಕಾಯಲು ಬಿಡಿ. ನಂತರ ಇದಕ್ಕೆ ಸಾಸಿವೆ, ಜೀರಿಗೆ, ಉದ್ದಿನ ಬೇಳೆ, ಶೇಂಗಾ, ಕಡಲೆ ಬೇಳೆ ಹಾಕಿಕೊಂಡು ಫ್ರೈ ಮಾಡಿ.

ಹಾಗೆ ಹಸಿ ಮೆಣಸು, ಟೊಮೆಟೋ ಹಾಕಿ ಫ್ರೈ ಮಾಡಿಕೊಳ್ಳಿ. ಹಾಗೆ ಕರಿಬೇವು ಹಾಕಿ ಮಿಕ್ಸ್ ಮಾಡಿಕೊಳ್ಳಿ. ಈಗ ಈ ಒಗ್ಗರಣೆಯನ್ನು ಬೌಲ್‌ನಲ್ಲಿರುವ ಮೊಸರು ಸಾಬುದಾನಿಯೊಂದಿಗೆ ಮಿಕ್ಸ್ ಮಾಡಿಕೊಳ್ಳಿ. ಹಾಗೆ 1 ಸ್ಪೂನ್ ಸಕ್ಕರೆ ಹಾಕಿ ಮಿಕ್ಸ್ ಮಾಡಿ. ಹಾಗೆ ಉಪ್ಪು ರುಚಿ ನೋಡಿ ಕಡಿಮೆ ಇದ್ದರೆ ಹಾಕಿಕೊಳ್ಳಿ. ಇಷ್ಟಾದರೆ ರುಚಿ ರುಚಿಯ ಸಾಬುದಾನಿ ಮೊಸರನ್ನ ಸಿದ್ದವಾಗುತ್ತೆ. ನೀವು ಕೂಡ ಮನೆಯಲ್ಲಿ ಇದನ್ನೊಮ್ಮೆ ಮಾಡಿ ನೋಡಿ. ಅದರ ರುಚಿ ಸವಿದರೆ ನಿತ್ಯ ಇದನ್ನೇ ಸವಿಯಲು ಮುಂದಾಗುತ್ತೀರಿ.