ಮೈದಾ-ಹಾಲು ಇದ್ರೆ ರುಮಾಲ್ ರೋಟಿ ಮನೆಯಲ್ಲೇ ಮಾಡಿ..! ಇಲ್ಲಿದೆ ಸುಲಭದ ವಿಧಾನ!

ಮನೆಯಲ್ಲಿ ರೊಟ್ಟಿ ಮಾಡಿ ಸವಿಯೋದು ಎಲ್ಲರಿಗೂ ಇಷ್ಟವಾಗುತ್ತೆ. ಹಾಗೆ ರೊಟ್ಟಿಯಲ್ಲಿ ಹತ್ತು ಹಲವು ವಿಧಗಳಿವೆ. ರೊಟ್ಟಿ ಅಂದಾಗ ಅಕ್ಕಿ ರೊಟ್ಟಿ, ಜೋಳದ ರೊಟ್ಟಿ, ರಾಗಿ ರೊಟ್ಟಿ ಹೀಗೆ ಹಲವು ಬಗೆ ನಿಮ್ಮ ನೆನಪಿಗೆ ಬರಬಹುದು. ಹಾಗೆ ರುಮಾಲ್ ರೋಟಿ ಅಂದ್ರೆ ಕೂಡ ಎಲ್ಲರಿಗು ಅಚ್ಚುಮೆಚ್ಚು. ಹಾಗೆ ಇದನ್ನು ಮಾಡೋದು ಕೂಡ ಬಹಳ ಸುಲಭವೇ.

ಶುಭ ಸಮಾರಂಭಗಳಲ್ಲಿ ನೀವು ಕೂಡ ರುಮಾಲ್ ರೋಟಿ ಮಾಡೋದು ನೋಡಿರಬಹುದು. ಬಹಳ ತೆಳುವಾದ ಮೃದುವಾದ ಈ ರೋಟಿಯನ್ನು ಸವಿಯುತ್ತಿದ್ದರೆ ಮತ್ತೆ ಮತ್ತೆ ಕೇಳಿ ಸವಿಯುತ್ತೀರಿ. ಆದ್ರೆ ಈ ರೋಟಿ, ಮನೆಯಲ್ಲೇ ಮಾಡಿ ಸವಿಯೋದು ಹೇಗೆ ಅನ್ನೋದು ನಿಮಗೆ ಗೊತ್ತಾ?

ಮನೆಯಲ್ಲಿ ರುಮಾಲ್ ರೋಟಿ ಮಾಡಿ ಸವಿಯುವುದು ಬಹಳ ಸುಲಭ. ಬೆಳಗ್ಗೆ ತಿಂಡಿಯೊಂದಿಗೆ ಹಾಗೆ ರಾತ್ರಿ ಊಟದೊಂದಿಗೂ ಇದನ್ನು ಸವಿಯಬಹುದು. ತೆಳುವಾಗಿ ರುಚಿಯಾಗಿ ಮಾಡಿದರೆ ಎಲ್ಲರಿಗೂ ಇಷ್ಟವಾಗುತ್ತೆ. ಹಾಗಾದ್ರೆ ಮನೆಯಲ್ಲಿ ರುಚಿಯಾಗಿ ರುಮಾಲ್ ರೋಟಿ ಮಾಡೋದು ಹೇಗೆ? ಮಾಡಲು ಯಾವೆಲ್ಲಾ ಪದಾರ್ಥಗಳು ಬೇಕು? ಮಾಡಲು ಎಷ್ಟು ಸಮಯ ಹಿಡಿಯಲಿದೆ ಎಂಬುದನ್ನು ನೋಡೋಣ.

ರುಮಾಲ್ ರೋಟಿ ಮಾಡಲು ಯಾವೆಲ್ಲಾ ವಸ್ತುಗಳು ಬೇಕು?

• ಮೈದಾ ಹಿಟ್ಟು
• ಹಾಲು
• ತುಪ್ಪ
• ರುಚಿಗೆ ತಕ್ಕಷ್ಟು ಉಪ್ಪು

ರುಮಾಲ್ ರೋಟಿ ಮಾಡುವ ವಿಧಾನವೇನು?

ಮೊದಲು ಒಂದು ಕಪ್‌ನಲ್ಲಿ ಮೈದಾ ತೆಗೆದುಕೊಂಡು ಒಂದು ಬೌಲ್‌ಗೆ ಹಾಗೆ ಉಪ್ಪು ಹಾಕಿಕೊಂಡು ಹಾಲು ಹಾಕಿ ಮಿಶ್ರಣ ಮಾಡಿ. ಸ್ವಲ್ಪ ಸ್ವಲ್ಪ ನೀರು ಹಾಕಿಕೊಳ್ಳುತ್ತಾ ಮಿಕ್ಸ್ ಮಾಡಬೇಕು. ಇದು ಚಪಾತಿ ಹಿಟ್ಟಿನಂತೆ ಹದಕ್ಕೆ ಈ ಹಿಟ್ಟು ಬರುವವರೆಗೂ ಮಿಕ್ಸ್ ಮಾಡಿ. ಹಾಗೆ ಇದನ್ನು ಮುಚ್ಚಳ ಮುಚ್ಚಿ 20 ನಿಮಿಷ ಹಾಗೆಯೇ ಬಿಡಿ. ನಂತರ ಮತ್ತೆ ಹಿಟ್ಟನ್ನು ನಾದುಕೊಳ್ಳಬೇಕು.

20 ನಿಮಿಷದ ಬಳಿಕ ಹಿಟ್ಟನ್ನು ಉಂಡೆಗಳಾಗಿ ಮಾಡಿಟ್ಟುಕೊಳ್ಳಿ. ಚಪಾತಿ ಹಾಗೂ ಪೂರಿಯ ಗಾತ್ರಕ್ಕೆ ಬೇಕಾಗುವಷ್ಟು ಉಂಡೆಗಳ ಮಾಡಿಡಿ. ಚಪಾತಿ ಪೂರಿ ಲಟ್ಟಿಸುವಂತೆ ನಿಧಾನವಾಗಿ ಪೂರಿಯನ್ನು ಲಟ್ಟಿಸಿಕೊಳ್ಳಬೇಕು. ಒಮ್ಮೆ ಅಷ್ಟು ಹಿಟ್ಟನ್ನು ಲಟ್ಟಿಸಿಕೊಂಡು ಇಟ್ಟುಕೊಳ್ಳಿ. ಈಗ ಒಲೆ ಮೇಲೆ ಕಾವಲಿ ಇಟ್ಟು ರೊಟ್ಟಿಗಳನ್ನು ಒಂದೊಂದಾಗಿ ಬೇಯಿಸಲು ಹಾಕಿಕೊಳ್ಳಿ.

ಕಾವಲಿ ಬಿಸಿಯಾದಾಗ ತುಪ್ಪ ಇಲ್ಲವೆ ಎಣ್ಣೆಯನ್ನು ಹಾಕಿಕೊಂಡು ಬೇಯಸಿಬಹುದು. ಇಲ್ಲವೆ ಹಾಗೆಯೇ ಡ್ರೈ ರೊಟ್ಟಿಯನ್ನಾಗಿಯೂ ಇದನ್ನು ಕಾಯಿಸಿಕೊಳ್ಳಬಹುದು. ರುಮಾಲ್ ರೋಟಿಯನ್ನು ದೊಡ್ಡ ಬಾಣಲೆಯನ್ನು ತಿರುಗಿಸಿ ಇಟ್ಟು ಅದರ ಮೇಲೆ ಹಾಕಿ ಕಾಯಿಸಿವುದು ನೀವು ನೋಡಿರಬಹುದು. ಈ ರೀತಿಯಾಗಿಯೂ ಮಾಡಬಹುದು.

ಆದ್ರೆ ಮನೆಯಲ್ಲಿ ಮಾಡೋದ್ರಿಂದ ಈ ವಿಧಾನದಲ್ಲಿ ಮಾಡಿ. ಬಾಣಲೆ ಮೇಲೆ ಕಾಯಿಸುವುದು ವಿಶೇಷ ರುಚಿ ಬರಲಿದೆ. ಹಾಗೆ ಬೆಳಗ್ಗೆ ಈ ರೀತಿಯ ರುಮಾಲ್ ರೋಟಿ ಮಾಡಿ ಸವಿದು ನೋಡಿ. ಹಾಗೆ ಈ ರೋಟಿಯನ್ನು ವೆಜ್ ಕುರ್ಮ, ಬದನೆಕಾಯಿ ಪಲ್ಯ, ಎಣ್ಣೆಗಾಯಿ ಪಲ್ಯ, ಹುರಿಗಡಲೆ, ಶೇಂಗಾ ಚಟ್ನಿ ಹೀಗೆ ಹಲವು ಖಾದ್ಯಗಳ ಜೊತೆಗೂ ಸವಿಯಬಹುದು. ನೀವು ಕೂಡ ಮನೆಯಲ್ಲಿ ಇದನ್ನೊಮ್ಮೆ ಟ್ರೈ ಮಾಡಿ ನೋಡಿ. ಅದರ ರುಚಿ ಒಮ್ಮೆ ಸವಿದು ನೋಡಿದರೆ ಪದೇ ಪದೇ ಮಾಡಿ ಸವಿಯಲು ಮುಂದಾಗುತ್ತೀರಿ. ಇದನ್ನು ಮಾಡಲು 2 ವಸ್ತು ಇದ್ದರೆ ಸಾಕು. ಹೀಗಾಗಿ ಕಡಿಮೆ ಖರ್ಚಿನಲ್ಲಿ ಕಡಿಮೆ ಸಮಯದಲ್ಲಿ ಮಾಡಬಹುದು.