ಹಲಸಿನ ಬೀಜದ ಸಾಂಬಾರ್ ಹೀಗೆ ಮಾಡಿ ನೋಡಿ..! ಎಂತಹ ರುಚಿ ಇದು!

ಊಟದ ಜೊತೆಗೆ ಸಾಂಬಾರ್ ಮಾಡಿ ಸವಿಯುವುದು ಕಾಮನ್. ಬೇಳೆ ಸಾಂಬಾರ್ ಅಂದರೆ ಬಹುತೇಕರಿಗೆ ಇಷ್ಟವಾಗುತ್ತೆ. ಹಾಗೆ ಎಲ್ಲರಿಗೂ ಸಾಂಬಾರ್ ಇದ್ದತೆ ಊಟದ ರುಚಿ ಮತ್ತಷ್ಟು ಹೆಚ್ಚಾಗೋದು ನೋಡಬಹುದು. ಹಾಗೆ ವಿಶೇಷ ಸಾಂಬಾರ್‌ಗಳನ್ನು ಮಾಡಿಯೂ ನೀವು ಸವಿದಿರುತ್ತೀರಿ. ಅದರಲ್ಲೂ ವಿಭಿನ್ನ ತರಕಾರಿಗಳ ಬಳಸಿಕೊಂಡು ಈ ಸಾಂಬಾರ್ ಮಾಡಿದರೆ ರುಚಿಯೂ ಅದ್ಭುತವಾಗಿರುತ್ತೆ.

ಆದ್ರೆ ನಾವಿಂದು ಸುಲಭವಾಗಿ ಹಾಗೆ ವಿಶೇವಾಗಿ ಹಲಸಿನ ಹಣ್ಣಿನ ಬೀಜದಿಂದ ಮಾಡುವ ಸಾಂಬಾರ್ ಕುರಿತು ತಿಳಿದುಕೊಳ್ಳೋಣ. ಹಲಸಿನ ಹಣ್ಣು ಸವಿದ ಬಳಿಕ ಉಳಿಯುವ ಬೀಜವು ಸಾಂಬಾರ್ ಮಾಡಲು ಅದ್ಭುತ ವಸ್ತು. ಈಗ ಮಾರುಕಟ್ಟೆಯಲ್ಲಿ ಹಲಸಿ ಹಣ್ಣುಗಳು ಸಿಗುತ್ತಿವೆ. ಹಾಗೆ ಮರಗಳಲ್ಲೂ ಹಲಸಿನ ಹಣ್ಣಗಳಾಗಿವೆ. ಅದರ ಬೀಜದಿಂದ ಅದ್ಭುತ ರುಚಿಯ ಈ ಬೇಳೆ ಸಾಂಬಾರ್ ಮಾಡಬಹುದು.

ಹಲಸಿನ ಹಣ್ಣಿನ ಬೀಜವನ್ನು ಒಣಗಿಸಿ ಅದರನ್ನು ಸಾಂಬಾರ್‌ಗೆ ಬಳಸುತ್ತಾರೆ. ಹಾಗೆ ಅದನ್ನು ಬೇಯಿಸಿ ಕೂಡ ಸಾಂಬಾರ್ ಮಾಡಿ ಸವಿಯುತ್ತಾರೆ. ಈ ರುಚಿ ರುಚಿಯ ಹಲಸಿನ ಬೀಜದ ಸಾಂಬಾರ್ ಮಾಡುವ ಕುರಿತಾಗಿ ನಾವಿಂದು ತಿಳಿದುಕೊಳ್ಳೋಣ. ಹಲಸಿನ ಹಣ್ಣಿನ ಬೀಜದ ಸಾಂಬಾರ್ ಮಾಡುವುದು ಹೇಗೆ? ಮಾಡಲು ಯಾವೆಲ್ಲಾ ಪದಾರ್ಥಗಳ ಬೇಕು? ಮಾಡಲು ಎಷ್ಟು ಸಮಯ ಹಿಡಿಯಲಿದೆ ಎಂಬುದನ್ನು ನಾವಿಂದು ತಿಳಿದುಕೊಳ್ಳೋಣ.

ಹಲಸಿನ ಹಣ್ಣಿನ ಬೀಜದಿಂದ ಸಾಂಬಾರ್ ಮಾಡಲು ಯಾವೆಲ್ಲಾ ಪದಾರ್ಥಗಳು ಬೇಕು?

• ಹಲಸಿನ ಹಣ್ಣಿನ ಬೀಜ
• ಬೇಳೆ
• ಟೊಮೆಟೋ
• ಎಣ್ಣೆ
• ಉಪ್ಪು
• ಹಸಿ ಮೆಣಸು
• ಖಾರದ ಪುಡಿ
• ದನಿಯಾ ಪುಡಿ
• ಸಾಂಬಾರ್ ಪುಡಿ
• ಹುಣಸೆ ಹುಳಿ
• ಹಸಿ ಶುಂಠಿ
• ಬೆಳ್ಳಳ್ಳಿ
• ಸಾಸಿವೆ
• ಜೀರಿಗೆ
• ಕರಿಬೇವು
• ಕೊತ್ತಂಬರಿ
• ತೆಂಗಿನಕಾಯಿ ತುರಿ
• ಇಂಗು

ಹಲಸಿನ ಹಣ್ಣಿನ ಬೀಜದಿಂದ ಸಾಂಬಾರ್ ಮಾಡುವುದು ಹೇಗೆ?

ಮೊದಲು ಹಲಸಿನ ಬೀಜಗಳ ತೊಳೆದು ಬೌಲ್‌ಗೆ ಹಾಕಿಟ್ಟುಕೊಳ್ಳಿ. ಈಗ ಒಂದು ಕುಕ್ಕರ್‌ನಲ್ಲಿ ಬೇಳೆ ಹಾಕಿ ಅದಕ್ಕೆ ಟೊಮೆಟೋ, ನೀರು, ಎಣ್ಣೆ, ಹಾಕಿಕೊಂಡು 3 ಸೀಟಿ ಹೊಡೆಯಲು ಬಿಡಿ. ಈಗ ಹಲಸಿನ ಬೀಜದ ಸಿಪ್ಪೆಯನ್ನು ತೆಗೆದು ಇಟ್ಟುಕೊಳ್ಳಿ. ಒಮ್ಮೆ ಹಲಸಿನ ಬೀಜವನ್ನು ಜಜ್ಜಿ ಅದರ ಸಿಪ್ಪೆ ತೆಗೆದಿಟ್ಟುಕೊಳ್ಳಿ.

ಈಗ ಸೀಟಿ ಹೊಡೆದ ಕುಕ್ಕರ್ ಮುಚ್ಚಳ ತೆಗೆದು ಅದಕ್ಕೆ ಹಲಸಿನ ಬೀಜ, ಖಾರದ ಪುಡಿ, ಉಪ್ಪು, ಈರುಳ್ಳಿ, ಸಾಂಬಾರ್ ಪುಡಿ, ಹುಣಸೆ ಹುಳಿ ಹಾಕಿ ಮಿಕ್ಸ್ ಮಾಡಿಕೊಂಡು ಬಳಿಕ ಇದಕ್ಕೆ ಹಸಿ ಶುಂಠಿ ತುರಿ, ಬೆಳ್ಳುಳ್ಳಿ ಹಾಕಿ ಮುಚ್ಚಳ ಹಾಕಿ 1 ಸೀಟಿ ಹೊಡೆಯಲು ಬಿಡಿ. 1 ಸೀಟಿ ಹೊಡೆದ ಬಳಿಕ ಮುಚ್ಚಳ ತೆಗೆದು ಮತ್ತೆ ಕುದಿಯಲು ಬಿಡಿ.

ಈಗ ಇದಕ್ಕೆ ಹಸಿ ತೆಂಗಿನಕಾಯಿ ತುರಿ, ಕೊತ್ತಂಬರಿ ಸೊಪ್ಪು ಹಾಕಿಕೊಂಡು ಮಿಕ್ಸ್ ಮಾಡಿ ಮತ್ತೆ ಕುದಿಯಲು ಬಿಡಿ. ಕೊನೆಯದಾಗಿ ಹಲಸಿನ ಬೀಜ ಬೆಂದಿದೆಯೇ ಎಂಬುದನ್ನು ತೆಗೆದು ನೋಡಿ. ಗಟ್ಟಿಯಾಗಿದ್ದರೆ ಸ್ವಲ್ಪ ಹೊತ್ತು ಕುದಿಸಿಕೊಳ್ಳಿ. ಹಾಗೆ ಬೆಳೆ ಬಳಸುವುದರಿಂದ ಸಾಂಬಾರ್ ಗಟ್ಟಿಯಾಗಬಹುದು. ಹೀಗಾಗಿ ನೀರು ಬೇಕಿದ್ದರೆ ಹಾಕಿ.

ಈಗ ಮತ್ತೊಂದು ಕಡೆ ಬಾಣಲೆ ಇಟ್ಟು ಅದಕ್ಕೆ ಎಣ್ಣೆ, ಸಾಸಿವೆ, ಜೀರಿಗೆ, ಒಣ ಮೆಣಸು, ಇಂಗು, ಕರಿಬೇವು ಹಾಕಿ ಒಗ್ಗರಣೆ ಮಾಡಿಕೊಂಡು ಇದಕ್ಕೆ ಹಾಕಿ ಮಿಕ್ಸ್ ಮಾಡಿಕೊಳ್ಳಿ. ಇಷ್ಟಾದರೆ ನಿಮ್ಮ ಮುಂದೆ ರುಚಿ ರುಚಿಯ ಹಲಸಿನ ಬೀಜದ ಸಾಂಬಾರ್ ರೆಡಿಯಾಗುತ್ತದೆ. ನೀವು ಕೂಡ ಮಾಡಿ ನೋಡಿ. ಇದು ಊಟ ತಿಂಡಿ ಮುದ್ದೆಯ ಜೊತೆಗೆ ಒಂದೊಳ್ಳೆ ರುಚಿ ನೀಡಲಿದೆ.