ಮಾಮೂಲಿ ಅಲ್ಲ ರುಚಿ ರುಚಿಯ ಖಾರ ಚಪಾತಿ ಇದು: ಮಾಡೋದು ಕೂಡ ಬಹಳ ಸುಲಭ!

ಬೆಳಗ್ಗೆ ತಿಂಡಿಗೆ ಚಪಾತಿ ಮಾಡಿ ಸವಿಯೋದು ಕಾಮನ್, ಅದ್ರಲ್ಲೂ ಹಲವರಿಗೆ ಸುಲಭವಾಗಿ ಮಾಡಿ ಸವಿಯುವ ಖಾದ್ಯಗಳು, ತಿಂಡಿಗಳು ಅಂದ್ರೆ ಎಲ್ಲರಿಗೂ ಇಷ್ಟವಾಗುತ್ತೆ. ಚಪಾತಿ ಆರೋಗ್ಯಕ್ಕೂ ಬಹಳ ಉತ್ತಮ ಆಗಿರೋದ್ರಿಂದ ಎಲ್ಲರು ಸವಿಯಲು ಮುಂದಾಗುತ್ತಾರೆ. ಚಪಾತಿಯಲ್ಲು ಹಲವು ರೀತಿಯಲ್ಲಿ ಸವಿಯುವ ಬಗೆ ಇದೆ. ಇಂತಹ ಚಪಾತಿಯಲ್ಲಿ ನಾವಿಂದು ಹೊಸ ರೀತಿಯ ಚಪಾತಿ ಮಾಡುವ ಕುರಿತು ತಿಳಿಯೋಣ.

ಅದ್ರಲ್ಲೂ ಚಪಾತಿಯಲ್ಲಿ ನಾವಿಂದು ಖಾರ ಚಪಾತಿ ಮಾಡುವ ಕುರಿತು ತಿಳಿಯೋಣ. ಚಪಾತಿ ರುಚಿಯಾಗಿ ಇರುವುದಿಲ್ಲ, ಗೋಧಿ ಹಿಟ್ಟು ಮಾತ್ರ ಹಾಕಿ ಮಾಡುವುದರಿಂದ ಚಪಾತಿ ಸವಿಯಲು ಯಾವುದಾದರು ಖಾದ್ಯ ಬೇಕಾಗುತ್ತದೆ. ಆದ್ರೆ ನಾವಿಂದು ಸುಲಭವಾಗಿ ಮಾಡಿ ಸವಿಯಬಹುದಾದ ಖಾರ ಚಪಾತಿ ಕುರಿತು ತಿಳಿಯೋಣ.

ಖಾರ ಚಪಾತಿಯು ಎಲ್ಲರು ಒಷ್ಟಪಟ್ಟು ಸವಿಯುತ್ತಾರೆ. ಕೆಲ ಮಸಾಲೆಗಳ ಹಾಕಿ ಈ ಚಪಾತಿ ರೆಡಿ ಮಾಡಬಹುದು. ಹಾಗಾದ್ರೆ ಈ ಖಾರ ಚಪಾತಿ ಮಾಡುವುದು ಹೇಗೆ? ಈ ಚಪಾತಿ ಮಾಡಲು ಯಾವೆಲ್ಲಾ ವಸ್ತುಗಳು ಬೇಕು?, ಮಾಡಲು ಎಷ್ಟು ಸಮಯ ಹಿಡಿಯಲಿದೆ ಎಂಬುದನ್ನು ಇಲ್ಲಿ ತಿಳಿದುಕೊಳ್ಳೋಣ.

ಈ ಖಾರ ಚಪಾತಿ ಎಲ್ಲರಿಗೂ ರುಚಿ ತರುವ ಇಷ್ಟ ತಿಂಡಿಯಾಗಲಿದೆ. ನೀವು ಕೂಡ ಬೆಳಗ್ಗೆ ತಿಂಡಿಗೆ ಇದನ್ನು ಮಾಡಿ ಸವಿದು ನೋಡಿ.

ಖಾರ ಚಪಾತಿ ಮಾಡಲು ಯಾವೆಲ್ಲಾ ವಸ್ತುಗಳು ಬೇಕು?

• ಗೋಧಿ ಹಿಟ್ಟು
• ಉಪ್ಪು
• ಅರಶಿಣ
• ಖಾರದ ಪುಡಿ
• ಕರಿಬೇವು
• ಜೀರಿಗೆ ಪುಡಿ
• ಧನಿಯಾ ಪುಡಿ
• ಬಿಳಿ ಎಳ್ಳು

ಖಾರ ಚಪಾತಿ ಮಾಡುವ ವಿಧಾನವೇನು?

ಮೊದಲಿಗೆ ಪ್ಲೇಟ್‌ಗೆ 2 ಕಪ್ ಗೋಧಿ ಹಿಟ್ಟು ಹಾಕಿಕೊಳ್ಳಿ. ನಂತರ ಇದಕ್ಕೆ ಕೆಂಪು ಖಾರದ ಪುಡಿ, ಅರಶಿಣ ಪುಡಿ, ಜೀರಿಗೆ ಪುಡಿ, ಧನಿಯಾ ಪುಡಿ, ಬಿಳಿ ಎಳ್ಳು, ಸಣ್ಣದಾಗಿ ಕತ್ತರಿಸಿಕೊಂಡ ಕರಿಬೇವು ಹಾಕಿ ಮೊದಲು ಡ್ರೈ ಮಿಕ್ಸ್ ಮಾಡಿಕೊಳ್ಳಿ. ನಂತರ ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಮಿಕ್ಸ್ ಮಾಡಿ. ಈಗ ಸ್ವಲ್ಪ ಸ್ವಲ್ಪವೇ ನೀರು ಹಾಕಿಕೊಂಡು ಮಿಶ್ರಣ ಮಾಡಿಕೊಳ್ಳಿ.

ಚಪಾತಿ ಹಿಟ್ಟು ಹದವಾಗಿ ಮೃದುವಾಗಿ ಬರಬೇಕು. ಅಷ್ಟರವರೆಗೂ ನಾದಿಕೊಂಡು ಮೃದುವಾಗಿಸಿ. ಕೊನೆಯಲ್ಲಿ 1 ಸ್ಪೂನ್ ಎಣ್ಣೆಯನ್ನು ಹಿಟ್ಟಿನ ಮೇಲೆ ಹಾಕಿ ಮುಚ್ಚಳ ಮುಚ್ಚಿ 10 ನಿಮಿಷ ಹಾಗೆಯೇ ಬಿಡಿ. ನಂತರ ಮತ್ತೆ ಈ ಹಿಟ್ಟನ್ನು ಮಿಕ್ಸ್ ಮಾಡಿಕೊಂಡು ಮತ್ತೆ ಹದ ಮಾಡಿಕೊಳ್ಳಿ. ಚೆನ್ನಾಗಿ ಮಿಶ್ರಣ ಮಾಡಿ ಹದ ಮಾಡಿ.

ಈಗ ಹಿಟ್ಟನ್ನು ತೆಗೆದುಕೊಂಡು ಒಂದು ನಿಂಬೆ ಗಾತ್ರದ ಉಂಡೆಗಳನ್ನಾಗಿ ಮಾಡಿಕೊಂಡು ಇಟ್ಟುಕೊಳ್ಳಬೇಕು. ನಂತರ ಲಟ್ಟಿಸಿಕೊಳ್ಳಲು ಮುಂದಾಗಬೇಕು. ನಂತರ ಸಾಮಾನ್ಯ ಚಪಾತಿಯಂತೆಯೇ ಕಾವಲಿಯಲ್ಲಿ ಹಾಕಿ ಕಾಯಿಸಿಕೊಳ್ಳಿ. ಎಣ್ಣೆ ಹಾಕಿಕೊಂಡು ಚೆನ್ನಾಗಿ ಕಾಯಿಸಿಕೊಂಡರೆ ನಿಮ್ಮ ಮುಂದೆ ಖಾರ ಚಪಾತಿ ರೆಡಿಯಾಗುತ್ತದೆ.

ಈ ಚಪಾತಿ ಸಾಮಾನ್ಯ ಚಪಾತಿಗಿಂತಲೂ ಸುಲಭವಾಗಿ ಮಾಡುವ, ಹಾಗೆ ರುಚಿ ರುಚಿಯಾಗಿರಲಿದೆ. ಈ ಚಪಾತಿ ಸವಿಯಲು ಬೇರೆ ಯಾವುದೇ ಚಟ್ನಿಯೂ ಬೇಕಾಗಿಲ್ಲ ಇದು ಖಾರ ಖಾರವಾಗಿ ರುಚಿ ರುಚಿಯಾಗಿ ಇರಲಿದೆ.