ಮಾದಲ ಕಾಯಿ ಚಿತ್ರಾನ್ನ ಎಂದಾದರು ಮಾಡಿದ್ದೀರಾ? ಅದರ ರುಚಿ ಸವಿದು ನೋಡಿ!

ಬೆಳಗ್ಗೆ ತಿಂಡಿಗೆ ನೀವು ಸುಲವಾಗಿ ಮಾಡುವ ಹಲವು ತಿಂಡಿಗಳನ್ನು ಟ್ರೈ ಮಾಡಿರುತ್ತೀರಿ. ಅದರಲ್ಲೂ ಅನ್ನ ಬಳಸಿ ಮಾಡುವ ಹಲವು ಖಾದ್ಯಗಳೆಂದರೆ ಬಹಳ ಇಷ್ಟಪಡುತ್ತಾರೆ. ನೀವು ರೈಸ್‌ನಿಂದ ಮಾಡುವ ಚಿತ್ರಾನ್ನ, ಪಲಾವ್, ರೈಸ್ ಬಾತ್, ಪುಳಿಯೋಗರೆ ಮಾಡುವುದು ನೋಡಬಹುದು. ಅದರಲ್ಲೂ ಹಿಂದಿನ ದಿನ ಅನ್ನ ಉಳಿದರೆ ಅದನ್ನು ಚಿತ್ರಾನ್ನ ಮಾಡುವುದು ಕಾಮನ್.

ಈ ಚಿತ್ರಾನ್ನ ಹಲವು ರೀತಿಯಲ್ಲಿ ಮಾಡಬಹುದು. ವಿವಿಧ ಬಗೆಯ ಚಿತ್ರಾನ್ನ ಎಲ್ಲರಿಗೂ ಇಷ್ಟವಾಗುತ್ತೆ. ಅದರಲ್ಲೂ ವಿಶೇಷ ಚಿತ್ರಾನ್ನಗಳು ಹಲವರ ಬಾಯಲ್ಲಿ ನೀರು ತರಿಸಲಿದೆ. ಅದರಲ್ಲೂ ನೀವು ಬಗೆ ಬಗೆಯ ಚಿತ್ರಾನ್ನಗಳ ಸವಿದಿರಬಹುದು. ಆದ್ರೆ ನಾವಿಂದು ಸುಲಭವಾಗಿ ಮಾಡುವಂತಹ ಹಾಗೆ ಮಾದಳ ಕಾಯಿ ಚಿತ್ರಾನ್ನ ಸವಿಯುವ ಕುರಿತು ತಿಳಿಯೋಣ.

ನಿಂಬೆ ಹಣ್ಣಿನ ಬದಲಾಗಿ ನಾವಿಂದು ಮಾದಳ ಕಾಯಿಯಲ್ಲಿ ಚಿತ್ರಾನ್ನ ಮಾಡುವ ಕುರಿತು ತಿಳಿಯೋಣ. ಚಿತ್ರಾನ್ನವನ್ನು ಮಾಡಲು ಹಲವು ರೀತಿ ವಿಧಗಳಿದ್ದರು ನೀವು ಈ ಮಾದಳ ಕಾಯಿಯ ಚಿತ್ರಾನ್ನ ಸವಿದರೆ ಅದರ ರುಚಿಗೆ ಮರುಳಾಗುತ್ತೀರಿ. ಈ ಕಾಯಿಯನ್ನು, ಹೇರಳೆಕಾಯಿ, ಮಹಾಫಲ, ಮಾದಲ ಹೀಗೆ ಹತ್ತಾರು ಹೆಸರಿನಿಂದ ಕರೆಯಲಾಗುತ್ತದೆ.

ಹಾಗಾದ್ರೆ ಮಾದಲ ಕಾಯಿ ಚಿತ್ರಾನ್ನ ಮಾಡುವುದು ಹೇಗೆ? ಮಾಡಲು ಯಾವೆಲ್ಲಾ ಪದಾರ್ಥಗಳು ಬೇಕು?, ಮಾಡುವ ವಿಧಾವೇನು? ಎಷ್ಟು ಸಮಯ ಹಿಡಿಯಲಿದೆ ಎಂಬುದನ್ನು ನಾವಿಂದು ತಿಳಿದುಕೊಳ್ಳೋಣ.

ಮಾದಲ ಕಾಯಿ ಚಿತ್ರಾನ್ನ ಮಾಡಲು ಯಾವೆಲ್ಲಾ ಪದಾರ್ಥಗಳು ಬೇಕು?

• ಮಾದಲ ಕಾಯಿ
• ಉದ್ದಿನ ಬೇಳೆ
• ಕಡಲೆ ಬೇಳೆ
• ಸಾಸಿವೆ
• ಜೀರಿಗೆ
• ಇಂಗು
• ಕರಿಬೇವು
• ಹಸಿ ಮೆಣಸಿನಕಾಯಿ
• ಕೆಂಪು ಮೆಣಸು
• ಈರುಳ್ಳಿ
• ಅರಿಶಿನ ಪುಡಿ
• ತೆಂಗಿನ ಕಾಯಿ
• ಕೊತ್ತಂಬರಿ ಸೊಪ್ಪು
• ಸಕ್ಕರೆ
• ಎಣ್ಣೆ
• ಉಪ್ಪು

ಮಾದಲ ಕಾಯಿ ಚಿತ್ರಾನ್ನ ಮಾಡುವ ವಿಧಾನವೇನು?

ಮೊದಲು ಬಾಣಲೆ ಒಲೆ ಮೇಲೆ ಇಟ್ಟು ಅದಕ್ಕೆ ಎಣ್ಣೆ ಹಾಕಿಕೊಂಡು ಕಡಲೆ ಬೀಜ ಹಾಕಿಕೊಂಡು ಫ್ರೈ ಮಾಡಿಕೊಳ್ಳಿ. ನಂತರ ಕಡಲೆ ಬೀಜ ಎತ್ತಿಟ್ಟುಕೊಂಡು ಅದೇ ಬಾಣಲೆಗೆ ಕಡಲೆ ಬೇಳೆ, ಉದ್ದಿನ ಬೇಳೆ, ಸಾಸಿವೆ, ಜೀರಿಗೆ ಹಾಕಿಕೊಂಡು ಬಳಿಕ ಇಂಗು ಹಾಕಿ ಫ್ರೈ ಮಾಡಿ. 30 ಸೆಕೆಂಡ್ ಬಳಿಕ ಇದಕ್ಕೆ ಕರಿಬೇವು, ಈರುಳ್ಳಿ ಹಾಕಿ ಫ್ರೈ ಮಾಡಿಕೊಳ್ಳಿ.

ನಂತರ ಉಪ್ಪು, ಮೆಣಸಿನ ಪುಡಿ, ಅರಶಿಣ ಹಾಕಿಕೊಂಡು ಸಣ್ಣ ಉರಿಯಲ್ಲಿ ಫ್ರೈ ಮಾಡಲು ಬಿಡಿ. ಈಗ ಶುಂಠಿ ತುರಿದುಕೊಂಡು ಇದಕ್ಕೆ ಹಾಕಿಕೊಳ್ಳಿ. ಇಷ್ಟಾದರೆ ಗೊಜ್ಜು ರೆಡಿಯಾಗುತ್ತದೆ. ನೀವು ಈ ಗೊಜ್ಜನ್ನು ರೆಡಿ ಮಾಡಿ ಒಲೆ ಆಫ್ ಮಾಡಿಕೊಂಡು ಕೆಳಗೆ ಇಳಿಸಿಕೊಳ್ಳಿ. ಈಗ ಮಾದಲ ಕಾಯಿಯ ರಸವನ್ನು ನಿಮಗೆ ಎಷ್ಟು ಅಷ್ಟನ್ನು ಹಿಂಡಿಕೊಂಡು ಮಿಕ್ಸ್ ಮಾಡಿ.

ಹಾಗೆ ಮೊದಲು ಹುರಿದುಕೊಂಡಿದ್ದ ಕಡಲೆ ಬೀಜವನ್ನು ಕೂಡ ಇದಕ್ಕೆ ಹಾಕಿ ಮಿಕ್ಸ್ ಮಾಡಿ. ಈಗ ಕೊನೆಯದಾಗಿ ಮೊದಲು ಮಾಡಿಟ್ಟ ಅನ್ನವನ್ನು ಇದಕ್ಕೆ ಹಾಕಿಕೊಂಡು ಮಿಕ್ಸ್ ಮಾಡಿಕೊಳ್ಳಿ. ಇಷ್ಟಾದರೆ ನಿಮ್ಮ ಮುಂದೆ ಈ ರುಚಿ ರುಚಿಯ ಮಾದಲ ಕಾಯಿ ಚಿತ್ರಾನ್ನ ರೆಡಿಯಾಗುತ್ತದೆ. ನೀವು ಕೂಡ ಬೆಳಗ್ಗೆ ತಿಂಡಿಗೆ ಇದನ್ನು ಮಾಡಿ ನೋಡಿ. ಬೆಳಗ್ಗೆ ತಿಂಡಿಗೆ ಈ ಸುಲಭದ ರೆಸಿಪಿ ಮಾಡಿ ಸವಿದು ನೋಡಿ. ಸಾಮಾನ್ಯ ಚಿತ್ರಾನ್ನಕ್ಕಿಂತ ಇದು ಬಹಳ ವಿಶೇಷ ರುಚಿ ನೀಡಲಿದೆ. ಮಾಡೋದು ಕೂಡ ಬಹಳ ಸುಲಭ. ಇದಕ್ಕೆ ಕೊನೆಯಲ್ಲಿ ರುಚಿಗೆ ಕೊತ್ತಂಬರಿ ಸೊಪ್ಪು ಹಾಕಿಕೊಳ್ಳಬಹುದು, ಹಾಗೆ ತೆಂಗಿನಕಾಯಿ ತುರಿ ಕೂಡ ಹಾಕಿ ಮಿಕ್ಸ್ ಮಾಡಿಕೊಳ್ಳಬಹುದು. ಹಾಕದೆ ಇದ್ದರೂ ಇದರ ರುಚಿ ದುಪ್ಪಟ್ಟಾಗಿರಲಿದೆ.