ಡ್ರೈ ಗೋಬಿ ಮಂಚೂರಿಯನ್ ರೆಸಿಪಿ

ಮಾಡುವ ವಿಧಾನ:

* ಗೋಬಿಯನ್ನು ಬಿಡಿಸಿ ಸ್ವಚ್ಛ ಮಾಡಿ ಬಿಸಿ ನೀರಿಗೆ ಸ್ವಲ್ಪ ಉಪ್ಪು ಹಾಕಿ ಅದರಲ್ಲಿ ಹಾಕಿಡಿ. ನಂತರ ನೀರನ್ನು ಸೋಸಿ ಇಡಿ (ಗೋಬಿಯಲ್ಲಿ ನೀರಿನಂಶ ಇರಬಾರದು, ಒಂದು ಬಟ್ಟೆಯಲ್ಲಿ ಹರಡಿಟ್ಟರೆ ಒಳ್ಳೆಯದು)

* ಈಗ ದಪ್ಪ ತಳವಿರುವ ಪ್ಯಾನ್ ಬಿಸಿ ಮಾಡಿ ಅದಕ್ಕೆ ಎಣ್ಣೆ ಹಾಕಿ.

* ಇದೇ ಸಮಯಕ್ಕೆ ಒಂದು ಪಾತ್ರೆಗೆ ಮೈದಾ, ಜೋಳದ ಹಿಟ್ಟು, ಖಾರದ ಪಡಿ, ಕಾಳು ಮೆಣಸಿನ ಪುಡಿ ರುಚಿಗೆ ತಕ್ಕ ಉಪ್ಪು ಹಾಕಿ ಸ್ವಲ್ಪ ನೀರು ಹಾಕಿ ಮಿಶ್ರ ಮಾಡಿ ಇಡಿ. ಹಿಟ್ಟು ತುಂಬಾ ನೀರಾಗಬಾರದು. ಈಗ ಇದಕ್ಕೆ ಗೋಬಿ ಹಾಕಿ ಮಿಶ್ರ ಮಾಡಿ ಇಡಿ.

* ಎಣ್ಣೆ ಕುದಿ ಬರಲು ಆರಂಭಿಸಿದರೆ ಸ್ಟೌವ್‌ ಅನ್ನು ಸಾಧಾರಣ ಉರಿಗೆ ತನ್ನಿ, ನಂತ ನ ಗೋಬಿಯನ್ನು ಹಾಕಿ ಫ್ರೈ ಮಾಡಿ. ಎಣ್ಣೆಯಲ್ಲಿ ಗೋಬಿ ಕರಿಯುವಾಗ ಆಗಾಗ ಆಡಿಸುತ್ತಾ ಇರಿ.

* ಎಣ್ಣೆಯಿಂದ ತೆಗದು ಪಾತ್ರೆಯಲ್ಲಿ ಹಾಕಿಡಿ. ತುಂಬಾ ಕ್ರಿಸ್ಪಿ (ಗರಿಗರಿಯಾಗಿ) ಬೇಕೆಂದರೆ ಫ್ರೈ ಮಾಡಿಟ್ಟ ಗೋಬಿಯನ್ನು ಮತ್ತೊಮ್ಮೆ ಫ್ರೈ ಮಾಡಿ.

ಗೋಬಿ ಮಂಚೂರಿಯನ್ ಮಾಡುವುದು ಹೇಗೆ?

* ಖಾರದ ಪುಡಿ ಸ್ವಲ್ಪ ನೀರು ಹಾಕಿ ಮಿಶ್ರ ಮಾಡಿ ಒಂದು ಬದಿಯಲ್ಲಿ ತೆಗೆದಿಡಿ(ಈ ವಿಧಾನ ಗೋಬಿ ತುಂಬಾ ಕೆಂಪು ಬಣ್ಣ ನೀಡುತ್ತದೆ).

*ಈಗ ಅಗಲವಾದ ಪ್ಯಾನ್‌ಗೆ 11/2 ಚಮಚ ಎಣ್ಣೆ ಹಾಕಿ ಕಾಯಿಸಿ.

* ಎಣ್ಣೆ ಬಿಸಿಯಾದಾಗ ಅದಕ್ಕೆ ಬೆಳ್ಳುಳ್ಳಿ, ಶುಂಠಿ, ಹಸಿ ಮೆಣಸಿನಕಾಯಿ ಹಾಕಿ ಒಂದೆರಡು ನಿಮಿಷ ಸೌಟ್‌ನಿಂದ ಆಡಿಸಿ.

* ಈಗ ಸ್ಪ್ರಿಂಗ್ ಆನಿಯನ್ ಮತ್ತು ಕ್ಯಾಪ್ಸಿಕಂ ಹಾಕಿ 2 ನಿಮಿಷ ಸೌಟ್‌ನಿಂದ ಆಡಿಸಿ.

* ಈಗ ಸೋಯಾ ಸಾಸ್, ಚಿಲ್ಲಿ ಸಾಸ್, ಟೊಮೆಟೊ ಕೆಚಪ್, ಕೆಂಪು ಖಾರದ ಪೇಸ್ಟ್, ಸಕ್ಕರೆ ಮತ್ತು ವಿನಗೆರ್‌ ಹಾಕಿ ಮಿಶ್ರ ಮಾಡಿ.

* ಸ್ವಲ್ಪ ನೀರು ಹಾಕಿ, ಸ್ವಲ್ಪ ಕಾಳು ಮೆಣಸಿನ ಪುಡಿ ಹಾಕಿ ಮಿಶ್ರ ಮಾಡಿ.

* ಮಿಶ್ರಣ ಗಟ್ಟಿಯಾಗುವರೆಗೆ ಸೌಟ್‌ನಿಂದ ಆಡಿಸುತ್ತಾ ಫ್ರೈ ಮಾಡಿ.

* ಸಾಸ್ ಸ್ವಲ್ಪ ಸಿಹಿ, ಸ್ವಲ್ಪ ಹುಳಿ, ಖಾರ ಮಿಶ್ರಿತವಾಗಿರಬೇಕು. ರುಚಿ ನೋಡಿ ಉಪ್ಪು ಬೇಕಿದ್ದರೆ, ಸ್ವಲ್ಪ ಉಪ್ಪು ಸೇರಸಿ.

* ಈಗ ಫ್ರೈ ಮಾಡಿದ ಹೂಕೋಸ್ ಹಾಕಿ ಮಿಶ್ರ ಮಾಡಿದರೆ ಡ್ರೈ ಗೋಬಿ ರೆಡಿ.

ಇದನ್ನು ಫ್ರೈಡ್‌ ರೈಸ್‌ ಜೊತೆ ಸರ್ವ್‌ ಮಾಡಿದರೆ ಮತ್ತಷ್ಟು ಟೇಸ್ಟಿಯಾಗಿರುತ್ತೆ.