ರೆಸಿಪಿ: ಮಾಡಲು ಸುಲಭ, ತಿನ್ನಲು ಬಲು ರುಚಿ ಈ ಮೊಟ್ಟೆ ಪಲ್ಯ

ಮೊಟ್ಟೆಯನ್ನು ನೀವು ಅನೇಕ ರುಚಿಯಲ್ಲಿ ತಯಾರಿಸಬಹುದು, ನೀವು ಮೊಟ್ಟೆಯಿಂದ ಸಾರು ಅಥವಾ ಬುರ್ಜಿ ಮಾಡುವಾಗ ಗಮನಿಸಿರಬಹುದು ಮಾಡುವ ವಿಧಾನದಲ್ಲಿ ಸ್ವಲ್ಪ ವ್ಯತ್ಯಾಸವಾದರೂ ರುಚಿಯಲ್ಲಿ ಬದಲಾವಣೆಯಾಗುತ್ತೆ, ಇದು ಕೂಡ ಅಂಥದ್ದೇ ಒಂದು ರೆಸಿಪಿಯಾಗಿದೆ.

ನೀವು ಎಗ್‌ ಬುರ್ಜಿ, ಎಗ್‌ ರೋಸ್ಟ್ ಎಲ್ಲಾ ಮಾಡಿದ್ದರೆ ಇದೊಂದು ಸರಳವಾದ ರೆಸಿಪಿ ಟ್ರೈ ಮಾಡಿ ನೋಡಿ, ರುಚಿ ನಿಮಗೆ ಖಂಡಿತ ಇಷ್ಟವಾಗುವುದು.

ಅನ್ನದ ಜೊತೆ ಸೈಡ್‌ ಡಿಶ್‌ ಆಗಿ ಸವಿಯಲು ಚೆನ್ನಾಗಿರುತ್ತದೆ, ಬನ್ನಿ ಇದನ್ನು ಮಾಡುವುದು ಹೇಗೆ ಎಂದು ನೋಡೋಣ:

egg palya recipe,ಮೊಟ್ಟೆ ಪಲ್ಯ ರೆಸಿಪಿ

egg palya recipe,ಮೊಟ್ಟೆ ಪಲ್ಯ ರೆಸಿಪಿ

Prep Time

10 Mins

Cook Time

10M

Total Time

20 Mins

Recipe By: Reena TK

Recipe Type: Palya

Serves: 2

Ingredients

• ಬೇಕಾಗುವ ಸಾಮಗ್ರಿ

  ಬೇಯಿಸಿದ ಮೊಟ್ಟೆ 4

  ಕ್ಯಾಪ್ಸಿಕಂ 1 (ಇದರ ಬೀಜ ಹಾಕಬೇಡಿ)

  ಟೊಮೆಟೊ 1 (ಅದರ ಸಿಪ್ಪೆ ತೆಗೆಯಿರಿ, ಬೀಜ ಕೂಡ)

  ಎಣ್ಣೆ 4 ಚಮಚ

  ಅರಿಶಿಣ ಪುಡಿ 1/2 ಚಮಚ

  ಜೀರಿಗೆ ಪುಡಿ 1 ಚಮಚ

  ರುಚಿಗೆ ತಕ್ಕ ಉಪ್ಪು

  ಖಾರದ ಪುಡಿ 1 ಚಮಚ

  ಕಸೂರಿ ಮೇಥಿ 1 ಚಮಚ

  ಎಗ್ ಮಸಾಲ 1 ಚಮಚ

  ಸ್ವಲ್ಪ ಕೊತ್ತಂಬರಿ ಸೊಪ್ಪು

How to Prepare

• ಮಾಡುವ ವಿಧಾನ

  * ಪ್ಯಾನ್‌ ತೆಗೆದು ಬಿಸಿ ಮಾಡಿ 4 ಚಮಚ ಎಣ್ಣೆ ಹಾಕಿ.

  * ಎಣ್ಣೆ ಬಿಸಿಯಾದಾಗ ಕತ್ತರಿಸಿದ ಕ್ಯಾಪ್ಸಿಕಂ ಹಾಗೂ ಟೊಮೆಟೊ ಹಾಕಿ, ಅರಿಶಿಣ ಪುಡಿ, ಜೀರಿಗೆ ಪುಡಿ, ಖಾರದ ಪುಡಿ, ರುಚಿಗೆ ತಕ್ಕ ಉಪ್ಪು ಹಾಕಿ ಫ್ರೈ ಮಾಡಿ.

  * ನಂತರ ಕಸೂರಿ ಮೇಥಿಯನ್ನು ಕೈಯಲ್ಲೇ ಪುಡಿ ಮಾಡಿ ಹಾಕಿ.

  * ಈಗ ಮೊಟ್ಟೆಯನ್ನು ಕತ್ತರಿಸಿ ಮಸಾಲೆಗೆ ಹಾಕಿ.

  * ಈಗ ಒಂದು ಚಮಚ ಎಗ್‌ ಮಸಾಲ ಹಾಕಿ ಮಿಕ್ಸ್ ಮಾಡಿ, ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿದರೆ ಮೊಟ್ಟೆ ಪಲ್ಯ ರೆಡಿ.

Instructions

• ಕ್ಯಾಪ್ಸಿಕಂ, ಟೊಮೆಟೊ ಜೊತೆಗೆ ಪಾಲಾಕ್ ಕೂಡ ಸೇರಿಸಿದರೆ ಇನ್ನೂ ಟೇಸ್ಟ್ ಆಗಿರುತ್ತೆ.

Nutritional Information

• ಕ್ಯಾಲೋರಿ - 160ಕ್ಯಾ
• ಕೊಬ್ಬು - 9ಗ್ರಾಂ
• ಪ್ರೊಟೀನ್ - 8ಗ್ರಾಂ