ಕುಡಿಯಲು ಬಲು ರುಚಿ ಈ ಮ್ಯಾಂಗೋ ಸ್ಮೂತಿ

ಇದು ಮಾವಿನಕಾಯಿ ಸೀಸನ್ ಆಗಿದ್ದರೂ ಮಾವಿನ ಹಣ್ಣು ಈಗಾಗಲೇ ಮಾರ್ಕೆಟ್ ಗೆ ಬಂದಾಗಿದೆ. ಮಾವಿನ ಹಣ್ಣಿನಿಂದ ಅನೇಕ ರುಚಿಯಲ್ಲಿ ಪಾನೀಯಾವನ್ನು ತಯಾರಿಸಬಹುದು.

ಇಲ್ಲಿ ನಾವು ವೆನಿಲ್ಲಾ ಐಸ್ ಕ್ರೀಮ್ ಹಾಕಿ ಮಾಡುವ ಮ್ಯಾಂಗೋ ಸ್ಮೂತಿ ರೆಸಿಪಿ ನೀಡಿದ್ದೇವೆ. ಈ ಸ್ಮೂತಿಯನ್ನು ತಯಾರಿಸುವುದು ಸುಲಭ ಹಾಗೂ ಮಾಡುವ ವಿಧಾನ ಕೂಡ ಸುಲಭವಾಗಿದೆ.

ಬೇಕಾಗುವ ಸಾಮಾಗ್ರಿಗಳು
ಮಾವಿನ ಹಣ್ಣು 2-3
ಹಾಲೂ ಒಂದೂವರೆ ಕಪ್
ಸಕ್ಕರೆ 6-7 ಚಮಚ
ವೆನಿಲ್ಲಾ ಐಸ್ ಕ್ರೀಮ್ 2 ಸ್ಕೂಪ್
ನೀರು 1 ಲೀಟರ್

ತಯಾರಿಸುವ ವಿಧಾನ

* ಮಾವಿನ ಹಣ್ಣಿನ ಸಿಪ್ಪೆ ಸುಲಿಯಬೇಕು. ನಂತರ ಚಿಕ್ಕ ಹೋಳುಗಳಾಗಿ ಕತ್ತರಿಸಬೇಕು.

* ನಂತರ ಅವುಗಳನ್ನು ಮಿಕ್ಸಿಯಲ್ಲಿ ಹಾಕಿ, ನೀರು ಹಾಗೂ ಸಕ್ಕರೆ ಹಾಕಿ ಚೆನ್ನಾಗಿ ರುಬ್ಬಿ.

* ನಂತರ ಸೋಸಿ, ಮಾವಿನ ರಸಕ್ಕೆ ಹಾಲನ್ನು ನಿಧಾನಕ್ಕೆ ಸೇರಿಸಿ. ಹೀಗೆ ಸೇರಿಸುವಾಗ ಸೌಟ್ ನಿಂದ ತಿರುಗಿಸುತ್ತಾ ಇರಿ. ನಂತರ ವೆನಿಲ್ಲಾ ಐಸ್ ಕ್ರೀಮ್ ಹಾಕಿ ಚೆನ್ನಾಗಿ ಕದಡಿ ಗ್ಲಾಸ್ ಗೆ ಹಾಕಿದರೆ ಮ್ಯಾಂಗೋ ಸ್ಮೂತಿ ರೆಡಿ.