For Quick Alerts
ALLOW NOTIFICATIONS  
For Daily Alerts

ಮಾಂಸಪ್ರಿಯ ಕುಟ್ಟಿಗಳ ಬಾಯಿಗೆ ಓಣಂ ಬೀಗ

By * ಮನಸ್ವಿನಿ ನಾರಾವಿ
|
Keralites miss non veg on Onam
ಸಂಪೂರ್ಣ ಸಾಕ್ಷರತೆ, ಮಹಿಳಾ ಸಬಲೀಕರಣ ಮುಂತಾದ ಕ್ಷೇತ್ರಗಳಲ್ಲಿ ಇಡೀ ದೇಶ ತಿರುಗಿ ನೋಡುವಂತೆ ಮಾಡಿದ ಕೇರಳ ರಾಜ್ಯ ಈಗ ಮತ್ತೊಂದು ವಿಷಯದಲ್ಲಿ ಮೇಲುಗೈ ಸಾಧಿಸಿದೆ. ಮಾಂಸಾಹಾರ ಸೇವನೆಯಲ್ಲಿ ದೇಶದಲ್ಲೇ ಟಾಪ್ ಸ್ಥಾನಕ್ಕೇರಿದ್ದಾರೆ.

ಕೇರಳ ರಾಜ್ಯದಲ್ಲಿ ಕೇರಳದಲ್ಲಿ ಶೇಕಡಾ 80 ರಷ್ಟು ಮಾಂಸಾಹಾರಿಗಳೇ ಇದ್ದು, ಪ್ರತಿ ದಿನ 5,034.96 ಟನ್ ಮಾಂಸಾಹಾರ ಮಾರಾಟವಾಗುತ್ತಿರುವುದಾಗಿ ಕೇರಳ ರಾಜ್ಯ ಪಶು ಸಂಗೋಪನಾ ನಿರ್ದೇಶಕ ಆರ್. ವಿಜಯ ಕುಮಾರ್ ಅವರು ಹೇಳಿದ್ದಾರೆ.

ಕುರಿ, ಕೋಳಿ, ದನ ಸೇರಿದಂತೆ ರಾಜ್ಯದಲ್ಲಿ ಸೇವಿಸುತ್ತಿರುವ ಒಟ್ಟಾರೆ ಮಾಂಸಾಹಾರದಲ್ಲಿ 264.31 ಟನ್‌ಗಳನ್ನು ಮಾತ್ರ ರಾಜ್ಯದಿಂದ ಉತ್ಪಾದಿಸಲಾಗುತ್ತಿದ್ದು, ಉಳಿದ ಮಾಂಸವನ್ನು ಕರ್ನಾಟಕ ಸೇರಿದಂತೆ ನೆರೆಯ ರಾಜ್ಯಗಳಿಂದಲೇ ತರಿಸಲಾಗುತ್ತಿದೆ ಎಂದು ವಿಜಯ ಕುಮಾರ್ ಹೇಳುತ್ತಾರೆ.

ರಾಜ್ಯದ ಪ್ರಮುಖ ನಗರಗಳಲ್ಲಿರುವ ಮಾಹಿತಿ ತಂತ್ರಜ್ಞಾನ, ಬಯೋಟೆಕ್ನಾಲಜಿ ಕೇಂದ್ರಗಳ ನೌಕರರು ಅಲ್ಲದೆ, ನರ್ಸಿಂಗ್ ಕಾಲೇಜುಗಳಲ್ಲೂ ಹೆಚ್ಚಾಗಿ ಮಾಂಸಹಾರಿ ಫಾಸ್ಟ್ ಫುಡ್‌ನ್ನೇ ಸೇವಿಸುತ್ತಿರುವುದರಿಂದ ರಾಜ್ಯದಲ್ಲಿ ಹೆಚ್ಚಾಗಿ ಮಾಂಸಾಹಾರ ಪದ್ದತಿ ಹೆಚ್ಚಾಗಿ ಬಳಕೆಯಲ್ಲಿದೆ.

ಓಣಂ ದಿನ ನೋ ಮಾಂಸ: ಸೆ.9 ರಂದು ರೈತರ ಸಂಮೃದ್ಧಿಯ ದ್ಯೋತಕವಾದ ತಿರುಓಣಂ ಹಬ್ಬದ ಅಂಗವಾಗಿ ನಡೆಯುವ ಹೂ ಹಾಸು ವಿನ್ಯಾಸ, ಸಂಗೀತ, ನೃತ್ಯ ಕಾರ್ಯಕ್ರಮದಂತೆ ಇನ್ನೊಂದು ಪ್ರಮುಖ ಅಂಶ ಎಂದರೆ, 'ಸದ್ಯ'- ಹಬ್ಬದ ಅಂಗವಾಗಿ ಪ್ರತಿ ಕೇರಳಿಗರು ಕೂಡಾ ಸಸ್ಯಾಹಾರಿ ಊಟವನ್ನೇ ತಯಾರಿಸಿ ಸಂಭ್ರಮದಿಂದ ತಿನ್ನುತ್ತಾರೆ.

ಮಹಾಬಲಿ ಆಗಮನದಂದು ನಾಡಿನ ಜನರೆಲ್ಲ ಸುಖ ಸಂತೋಷಗಳಿಂದ ಕೂಡಿದ್ದು, ಎಲ್ಲೆಡೆ ಹರುಷದ ವಾತಾವರಣ ಇರಬೇಕು. ಹಿಂದೂ ಹಬ್ಬಗಳ ಆಚರಣೆಯ ದಿನಗಳಂದು ಸಾಮಾನ್ಯವಾಗಿ ಮಾಂಸಹಾರ ನಿಷಿದ್ಧ ಎಂದು ಗಣೇಶ್ ಚಂದ್ರಶೇಖರನ್ ಪಿಳ್ಳೈ ಹೇಳುತ್ತಾರೆ.

ಉಳಿದಂತೆ ಸುಮಾರು 33 ಮಿಲಿಯನ್ ಕೇರಳಿಗರಿಗೆ ದಿನನಿತ್ಯ ಮಾಂಸಹಾರ ಇರಬೇಕು ಅದರಲ್ಲೂ ಕನಿಷ್ಠ ಮೀನು ಸಾರಿನ ಊಟವಾದರೂ ಇರದಿದ್ದರೆ, ಪತ್ನಿಯನ್ನು ಅಲ್ಲಿನ ಪತಿರಾಯರು ಹುರಿದು ಮುಗ್ಗಿಬಿಡುತ್ತಾರೆ. ಹೆಚ್ಚೆಚ್ಚು ಮಾಂಸಹಾರ ಸೇವಿಸಿಯೂ ಕೂಡಾ ಕೇರಳಿಗರು ಹೆಚ್ಚು ಜೀವಿತಾವಧಿ(life expectancy) ಹೊಂದಿರುವುದು ಸೋಜಿಗವೇ ಸರಿ.

English summary

Top meat Eaters in India | Kerala Non vegetarians | Tiru Onam Sadhya | ಅತಿ ಹೆಚ್ಚು ಮಾಂಸಾಹಾರಿಗಳು ಭಾರತ | ತಿರು ಓಣಂ ಸದ್ಯ| ಕೇರಳಿಗರ ಮಾಂಸ ಪ್ರೀತಿ|

The statistics suggests that Keralites are the top meat eaters in India. But, die hard non vegetarians of Gods own country will consume only veggies during the 'sadya' day during Thiru Onam.
 
 Well, high on literacy high on alcohol high on meat eating, Gods own country Kerala consumes 5,034.96 tonnes of meat per day ( 90 % of it is imported from neighboring States) - R Vijay Kumar, Director Veterinary Department. A news bite, munch stats only on Oneindia - Kannada
Story first published: Friday, September 9, 2011, 22:17 [IST]
X
Desktop Bottom Promotion