ಬಾಯಲ್ಲಿ ನೀರೂರಿಸುವ ಮಿಡಿ ಉಪ್ಪಿನಕಾಯಿ

ಮಿಡಿ ಮಾವಿನಕಾಯಿ ಉಪ್ಪಿನಕಾಯಿ ನೋಡಿದರೆ ಯಾರ ಬಾಯಿಯಲ್ಲಿ ನೀರೂರಲ್ಲ ಹೇಳಿ? ಮಿಡಿ ಮಾವಿನಕಾಯಿಯನ್ನು ತಂದು ಅದರಿಂದ ಉಪ್ಪಿನಕಾಯಿ ಮಾಡಿ ಡಬ್ಬದಲ್ಲಿಟ್ಟರೆ ವರ್ಷದವರೆಗೆ ಇಡಬಹುದು. ತಪ್ಪದೇ ಓದಿ: ಅಪ್ಪೆಮಿಡಿ ಉಪ್ಪಿನಕಾಯಿ ಬೇಕಾ? ಭಟ್ಟರಿಗೆ ಫೋನ್ ಮಾಡಿ

ಇದು ಮಾವಿನ ಕಾಯಿಯ ಮಿಡಿ ದೊರೆಯುವ ಸಮಯ. ಈ ಸಮಯದಲ್ಲಿ ಮಿಡಿ ಉಪ್ಪಿನಕಾಯಿಯನ್ನು ಮಾಡಬಯಸುವುದಾದರೆ ರೆಸಿಪಿ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು
50 ಚಿಕ್ಕ ಮಿಡಿ ಮಾವಿನಕಾಯಿ
ಮೆಣಸು 8-10(ಖಾರಕ್ಕೆ ತಕ್ಕಂತೆ)
1 ಕಪ್ ಉಪ್ಪು4 ಚಮಚ ಸಾಸಿವೆ
1 ಚಮಚ ಮೆಂತೆ
ಸ್ವಲ್ಪ ಇಂಗು
ಅರಿಶಿಣ ಪುಡಿ ಅರ್ಧ ಚಮಚ
2 ಚಮಚ ಅರಿಶಿಣ ಪುಡಿ

ತಯಾರಿಸುವ ವಿಧಾನ:

* ಮಾವಿನ ಮಿಡಿಯನ್ನು ತೊಳೆದು ಅದನ್ನು ಒಂದು ಬಟ್ಟೆಯಿಂದ ಒರೆಸಿ, ದೊಡ್ಡ ಗಾಜಿನ ಡಬ್ಬಿಯಲ್ಲಿ ಹಾಕಿ ಅದಕ್ಕೆ ಉಪ್ಪು ಹಾಕಿ 7 ದಿನಗಳ ಕಾಲ ಇಡಬೇಕು.

* ಈಗ ಡಬ್ಬಿಯಲ್ಲಿರುವ ನೀರನ್ನು ಬಗ್ಗಿಸಿ, ಆ ನೀರಿಗೆ ಒಣ ಮೆಣಸು, ಮೆಂತೆ, ಸಾಸಿವೆ, ಇಂಗು, ಅರಿಶಿಣ ಪುಡಿ ಹಾಕಿ ಒಂದು ಗಂಟೆ ಕಾಲ ಇಡಿ. ನಂತರ ಈ ಮಿಶ್ರಣವನ್ನು ರುಬ್ಬಿ ಮಾವಿನಕಾಯಿಗೆ ಹಾಕಿ, ಡಬ್ಬಿಯನ್ನು ಚೆನ್ನಾಗಿ ಕುಲುಕಿ ಗಾಳಿಯಾಡದಂತೆ ಮುಚ್ಚಳವನ್ನು ಮುಚ್ಚಿ 15 ದಿನದವರೆಗೆ ಇಡಿ.

* ನಂತರ ಇದಕ್ಕೆ ಒಗ್ಗರಣೆ ಕೊಟ್ಟರೆ ಅನ್ನದ ಜೊತೆ ಕಲೆಸಿ ತಿನ್ನಲು ಮಿಡಿ ಉಪ್ಪಿನಕಾಯಿ ರೆಡಿ.