ಖರ್ಜೂರದಿಂದ ಪಾಯಸವಲ್ಲ, ಚಟ್ನಿ!

Updated: Friday, November 9, 2012, 12:32 [IST]

ಖರ್ಜೂರದಿಂದ ಪಾಯಸ, ಹೋಳಿಗೆ ತಯಾರಿಸಿ ನಿಮಗೆ ಗೊತ್ತಿರಬಹುದು. ಆದರೆ ಇದರಿಂದ ತುಂಬಾ ರುಚಿಕರವಾದ ಚಟ್ನಿ ಕೂಡ ತಯಾರಿಸಬಹುದೆಂದು ಅನೇಕರಿಗೆ ಗೊತ್ತಿರುವುದಿಲ್ಲ. ಈ ಚಟ್ನಿಯನ್ನು ಬ್ರೆಡ್, ಸ್ಯಾಂಡ್ ವಿಚ್ , ಬರ್ಗರ್ ಜೊತೆ ಹಾಕಿ ತಿನ್ನಲು ಸೂಪರ್ ಆಗಿರುತ್ತದೆ. ಇದನ್ನು ಸುಲಭವಾಗಿ ತಯಾರಿಸಬಹುದಾಗಿದ್ದು ಮಾಡುವ ವಿಧಾನ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:

* ಅರ್ಧ ಕೆಜಿ ಖರ್ಜೂರ
* 2 ಚಮಚ ಶುಂಠಿ (ಕತ್ತರಿಸಿದ್ದು)
* 4 ಚಮಚ ಸಕ್ಕರೆ
* 6 ಚಮಚ ಒಣ ದ್ರಾಕ್ಷಿ
* ಒಂದೂವರೆ ಕಪ್ ವಿನಗರ್(Sirka)
* 1/4 ಕಪ್ ಸಿಪ್ಪೆ ಸುಲಿದ ಬಾದಮಿ
* 2 ಎಸಳು ಬೆಳ್ಳುಳ್ಳಿ
* 2 ಏಲಕ್ಕಿ
* ಸ್ವಲ್ಪ ಚಕ್ಕೆ

ತಯಾರಿಸುವ ವಿಧಾನ:

1. ಖರ್ಜೂರದಿಂದ ಬೀಜವನ್ನು ತೆಗೆಯಬೇಕು.

2. ನಂತರ ಖರ್ಜೂರ, ಶುಂಠಿ, ಚಕ್ಕೆ, ಬೆಳ್ಳುಳ್ಳಿ, ಕೆಂಪು ಮೆಣಸಿನ ಪುಡಿ, ಏಲಕ್ಕಿ, ವಿನಿಗರ್, ಸಕ್ಕರೆ, ಉಪ್ಪು ಅನ್ನು ಒಂದು ಪಾತ್ರೆಯಲ್ಲಿ ಹಾಕಿ ಖರ್ಜೂರ ಗಟ್ಟಿಯಾಗುವವರೆಗೆ ಕುದಿಸಬೇಕು.

3. ಈಗ ಈ ಮಿಶ್ರಣವನ್ನು ಉರಿಯಿಂದ ತೆಗೆದು ಒಣದ್ರಾಕ್ಷಿ ಮತ್ತು ಪುಡಿ ಮಾಡಿದ ಬಾದಾಮಿ ಹಾಕಿ ಚೆನ್ನಾಗಿ ಮಿಶ್ರ ಮಾಡಬೇಕು. ನಂತರ ಈ ಮಿಶ್ರಣ ಬಿಸಿಯಾಗಿರುವಾಗಲೇ ಗಾಜಿನ ಡಬ್ಬದಲ್ಲಿ ಹಾಕಿ ಮುಚ್ಚಿ ನಾಲ್ಕು ದಿನದವರೆಗೆ ಇಡಬೇಕು. ನಾಲ್ಕು ದಿನದ ಬಳಿಕ ನೋಡಿ ರುಚಿಯಾದ ಖರ್ಜೂರ ಚಟ್ನಿ ರೆಡಿ.