ಮಾವಿನಕಾಯಿ ಉಪ್ಪಿನಕಾಯಿ ರೆಸಿಪಿ

Chutney

oi-Reena

By Hema S

Published: Wednesday, March 21, 2012, 17:19 [IST]

ಇದು ಮಾವಿನಕಾಯಿಯ ಸಮಯ ಆದ್ದರಿಂದ ಅನೇಕ ಬಗೆಯ ಮಾವಿನಕಾಯಿಗಳು ಮಾರುಕಟ್ಟೆಯಲ್ಲಿ ರಾರಾಜಿಸುತ್ತಿವೆ. ಅವುಗಳನ್ನು ನೋಡುವಾಗ ಕೊಂಡು ಉಪ್ಪಿನಕಾಯಿ ಮಾಡಬೇಕು ಅನಿಸುತ್ತದೆ. ಆದರೆ ಮನಸ್ಸಿನಲ್ಲಿ 'ನಾನು ತಯಾರಿಸಿದ ಉಪ್ಪಿನಕಾಯಿ ರುಚಿಯಾಗದಿದ್ದರೆ' ಎಂಬ ಆತಂಕ. ಇದೇ ಮೊದಲ ಬಾರಿಗೆ ಉಪ್ಪಿನಕಾಯಿ ಹಾಕ ಬಯಸುವವರು ಈ ರೆಸಿಪಿ ಟ್ರೈ ಮಾಡಬಹುದು.

ಬೇಕಾಗುವ ಸಾಮಾಗ್ರಿಗಳು:

* 1/2 ಕೆಜಿ ಮಾವಿನಕಾಯಿ
* ಒಂದು ಚಮಚ ಸಕ್ಕರೆ
* ರುಚಿಗೆ ತಕ್ಕ ಉಪ್ಪು
* 1 ಚಮಚ ಜೀರಿಗೆ
* 2-3 ಏಲಕ್ಕಿ
* 100 ಗ್ರಾಂ ಮೆಣಸಿನ ಪುಡಿ
* ಗಸೆಗಸೆ

ತಯಾರಿಸುವ ವಿಧಾನ:

1. ಮಾವಿನ ಕಾಯಿಯನ್ನು ತೊಳೆದು ಉಪ್ಪಿನಕಾಯಿಗೆ ಬೇಕಾಗುವ ಗಾತ್ರದಲ್ಲಿ ಕತ್ತರಿಸಿ ಅಗಲವಾದ ಬಟ್ಟಲಿನಲ್ಲಿ ಹಾಕಬೇಕು.

2. ಈಗ ಮಾವಿನ ಕಾಯಿಗೆ ಸಕ್ಕರೆ ಮತ್ತು ರುಚಿಗೆ ತಕ್ಕ ಉಪ್ಪು ಹಾಕಿ ಚೆನ್ನಾಗಿ ತಿರುಗಿಸಬೇಕು.

3. ಏಲಕ್ಕಿ ಬೀಜ, ಜೀರಿಗೆ ಮತ್ತು ಗಸೆಗಸೆ ಚೆನ್ನಾಗಿ ಹುರಿಯಬೇಕು. ಈಗ ಅವುಗಳನ್ನು ಪುಡಿ ಮಾಡಿ ಮಾವಿನಕಾಯಿಗೆ ಹಾಕಿ, ಮೆಣಸಿನ ಪುಡಿ ಸೇರಿಸಿ ಚೆನ್ನಾಗಿ ಮಿಶ್ರ ಮಾಡಬೇಕು. ಈಗ ಅವುಗಳನ್ನು ಬಾಟಲಿಯಲ್ಲಿ ಹಾಕಿ ಅದರ ಬಾಯಿ ಮುಚ್ಚಬೇಕು. ದಿನಕ್ಕೊಮ್ಮೆ ಆ ಬಾಟಲಿಯನ್ನು ಒಮ್ಮೆ ಅಲುಗಾಡಿಸಿ ಇಡಬೇಕು (ಮುಚ್ಚಳ ಬಿಚ್ಚಬಾರದು).

4. 10-15 ದಿನದ ಬಳಿಕ ತೆಗೆದು ನೋಡಿದರೆ ರುಚಿಕರವಾದ ಉಪ್ಪಿನಕಾಯಿ ರೆಡಿ.