For Quick Alerts
ALLOW NOTIFICATIONS  
For Daily Alerts

ಬಿಸಿ ಬಿಸಿಯಾದ ಗೋಧಿ ಹಿಟ್ಟಿನ ದೋಸೆ ರೆಸಿಪಿ

By manu
|

ಬೆಳಗಿನ ಉಪಾಹಾರಕ್ಕೇನು ಮಾಡಿದ್ದೀರಿ ಎಂಬ ಪ್ರಶ್ನೆಯನ್ನು ಕಚೇರಿಗೆ ಬಂದವರ ಹತ್ತಿರ ಕೇಳಿದರೆ ಅರ್ಧದಷ್ಟು ಜನರು ನೀಡುವ ಉತ್ತರ-ಉಪ್ಪಿಟ್ಟು. ಏಕೆಂದರೆ ಇದನ್ನು ಸುಲಭವಾಗಿ ಮತ್ತು ಕಡಿಮೆ ಸಮಯದಲ್ಲಿ ತಯಾರಿಸಬಹುದು. ಇನ್ನುಳಿದವರಲ್ಲಿ ಅರ್ಧದಷ್ಟು ಜನ ಸಿದ್ಧರೂಪದ ಬ್ರೆಡ್ ಜಾಮ್ ಅಥವಾ ಹೋಟೆಲಿನ ಯಾವುದಾದರೂ ತಿಂಡಿಯನ್ನು ತಿಂದು ಬಂದಿದ್ದರೆ ಕೆಲವರು ಮಾತ್ರ ಮನೆಯಲ್ಲಿ ತಯಾರಿಸಿದ ಇಡ್ಲಿ ಅಥವಾ ದೋಸೆಯನ್ನು ತಿಂದು ಬಂದಿರುತ್ತಾರೆ.

ವಾಸ್ತವವಾಗಿ ನಮ್ಮ ಮೂರೂ ಹೊತ್ತಿನ ಆಹಾರಗಳಲ್ಲಿ ಬೆಳಗಿನ ಉಪಾಹಾರದ ಪ್ರಮಾಣ ಮಾತ್ರ ಸರ್ವಥಾ ಕಡಿಮೆಯಾಗಕೂಡದು. ಏಕೆಂದರೆ ರಾತ್ರಿಯ ಉಪವಾಸದ ಬಳಿಕ ಬೆಳಗೆ ಹೆಚ್ಚಿನ ಪೌಷ್ಟಿಕಾಂಶವಿರುವ ಅಹಾರ ಬೇಕಾಗಿದ್ದು ಮಹ್ನದವರೆಗೂ ದೇಹಕ್ಕೆ ನಿರಂತರವಾಗಿ ಶಕ್ತಿಯನ್ನು ನೀಡುವಂತಿರಬೇಕು. ಅವಸರದಲ್ಲಿ ತಿಂದ ಒಂದು ಚಿಕ್ಕ ತಟ್ಟೆ ಉಪ್ಪಿಟ್ಟು, ಎರಡು ಇಡ್ಲಿ ಮೊದಲಾದವು ಏನೇನೂ ಸಾಲದು.

 Whole Wheat Dosa Recipe

ಶಾಲೆಗೆ ಹೋಗುವ ಮಕ್ಕಳಿದ್ದರೆ ಗೃಹಿಣಿಯರೂ ಇದೇ ತೊಂದರೆಯನ್ನು ಎದುರಿಸುತ್ತಾರೆ. ಬೆಳಗ್ಗಿನ ಉಪಾಹಾರ ಕೊಂಚ ಸಮಯ ಕಬಳಿಸಿದರೂ ಮಕ್ಕಳಿಗೆ ಮದ್ಯಾಹ್ನದವರೆಗೂ ಹಸಿವಾಗದಂತೆ ಇರಿಸುವ ಮತ್ತು ಶಕ್ತಿಯನ್ನು ನೀಡುವ ಉಪಾಹಾರದ ಆಯ್ಕೆ ಮಾಡುವುದು ಕೊಂಚ ಕಷ್ಟವೇ ಸರಿ. ಈ ಸಂದರ್ಭದಲ್ಲಿ ಗೋಧಿಹಿಟ್ಟಿನ ದೋಸೆ ಅತ್ಯಂತ ಸಮರ್ಪಕದಾವ ತಿಂಡಿಯಾಗಿದೆ.

ಅಪ್ಪಟ ಸಸ್ಯಾಹಾರಿಯಾದ ಈ ದೋಸೆಯನ್ನು ಮಾಡಲು ಕೊಂಚ ಹೆಚ್ಚು ಸಮಯ ಬೇಕಾದರೂ, ಬೇಯಲು ತೆಗೆದುಕೊಳ್ಳುವ ಸಮಯದ ನಡುವಿನಲ್ಲಿ ದಿನದ ಇತರ ಕೆಲಸಗಳನ್ನು ನಡುವೆ ಮಾಡಬಹುದಾದುದರಿಂದ ನಿಮ್ಮ ಬೆಳಗ್ಗಿನ ಚಟುವಟಿಕೆಗಳು ಏನೂ ಬಾಧೆಗೊಳಗಾಗುವುದಿಲ್ಲ. ಬನ್ನಿ, ರುಚಿಕರ ಮತ್ತು ಆರೋಗ್ಯಕರ ಗೋಧಿಹಿಟ್ಟಿನ ದೋಸೆಯನ್ನು ಹೇಗೆ ಮಾಡುವುದು ಎಂಬ ವಿಧಾನವನ್ನು ನೋಡೋಣ: ಗರಿ-ಗರಿಯಾದ ಟೊಮೆಟೊ ದೋಸೆ

ಪ್ರಮಾಣ: ನಾಲ್ವರಿಗೆ, ಒಂದು ಹೊತ್ತಿಗಾಗುವಷ್ಟು

ಸಿದ್ಧತಾ ಸಮಯ: ಇಪ್ಪತ್ತು ನಿಮಿಷಗಳು

ತಯಾರಿಕಾ ಸಮಯ: ಇಪ್ಪತ್ತೈದು ನಿಮಿಷಗಳು

ಅಗತ್ಯವಿರುವ ಸಾಮಾಗ್ರಿಗಳು:

*ಇಡಿಯ ಗೋಧಿ- ಎರಡು ಕಪ್

*ಕಾಯಿತುರಿ: ಎರಡು ದೊಡ್ಡಚಮಚ

*ನೀರು -ಒಂದು ಕಪ್

*ಉಪ್ಪು ರುಚಿಗನುಸಾರ

ವಿಧಾನ:

1) ಗೋಧಿಯನ್ನು ನೀರಿನಲ್ಲಿ ಚೆನ್ನಾಗಿ ತೊಳೆಯಿರಿ. ನಾಲ್ಕಾರು ಬಾರಿ ನೀರು ಬಸಿದು ತೆಗೆದ ಬಳಿಕ ಒಂದು ತಟ್ಟೆಯಲ್ಲಿ ಹರಡಿ ಅರ್ಧ ಗಂಟೆ ಒಣಗಲು ಬಿಡಿ. ನಡುನಡುವೆ ಗೋಧಿಯನ್ನು ಬೆರಳುಗಳಿಂದ ಮೇಲೆಕೆಳಗೆ ಮಾಡಿ ಎಲ್ಲಾ ಧಾನ್ಯಗಳು ಸರಿಯಾಗಿ ಒಣಗುವಂತೆ ಮಾಡಿ. ಬಳಿಕ ಮಿಕ್ಸಿಯ ಜಾರಿನಲ್ಲಿ ಹಾಕಿ ತೀರ ನುಣ್ಣಗಾಗದಂತೆ (ಸ್ವಲ್ಪ ರವೆರವೆಯಾಗಿರುವಂತೆ) ರುಬ್ಬಿಕೊಳ್ಳಿ.

2) ಇದಕ್ಕೆ ಕೊಂಚ ನೀರು ಮತ್ತು ಕಾಯಿತುರಿಯನ್ನು ಹಾಕಿ ಮಿಶ್ರಣ ಮಾಡಿ ಮಿಕ್ಸಿಯಲ್ಲಿ ರುಬ್ಬುವುದನ್ನು ಮುಂದುವರೆಸಿ. ನೀರು ಅತಿ ಹೆಚ್ಚು ಇರದಂತೆ ಎಚ್ಚರಿಕೆ ವಹಿಸಿ. ಕೊಂಚ ಉಪ್ಪು ಹಾಕಿ ದೋಸೆಯ ಹಿಟ್ಟು ತಯಾರಿಸಿ.

3) ದೋಸೆಯ ಕಾವಲಿಯನ್ನು ಮಧ್ಯಮ ಉರಿಯಲ್ಲಿ ಬಿಸಿಮಾಡಿ. ಕಾವಲಿ ಬಿಸಿಯಾದ ಬಳಿಕ ಒಂದು ಸೌಟು ದೋಸೆಹಿಟ್ಟನ್ನು ಕಾವಲಿಯ ನಡುವೆ ಸುರುವಿ, ಕೂಡಲೇ ಕಾವಲಿಯನ್ನು ವೃತ್ತಾಕಾರದಲ್ಲಿ ವಾಲಿಸಿ ದೋಸೆಹಿಟ್ಟು ಕಾವಲಿಯಿಡೀ ಹರಡುವಂತೆ ಮಾಡಿ ಸುಮಾರು ಕಂದುಬಣ್ಣ ಬರುವಷ್ಟು ಹೊತ್ತು ಕಾವಲಿಯಲ್ಲಿರಿಸಿ.

4) ದೋಸೆಯನ್ನು ಕಾವಲಿಯಿಂದ ಎಬ್ಬಿಸಿ ಬಿಸಿಬಿಸಿಯಿರುವಂತೆಯೇ ಕಾಯಿಚಟ್ನಿಯೊಂದಿಗೆ ಮಕ್ಕಳಿಗೆ ಮತ್ತು ಹಿರಿಯರಿಗೆ ಬಡಿಸಿ.

ಸಲಹೆ:

1) ನೀರು ಹೆಚ್ಚಾಗದಂತೆ ಎಚ್ಚರಿಕೆ ವಹಿಸಿ. ಏಕೆಂದರೆ ನೀರು ಹೆಚ್ಚಾದರೆ ಸರಿಯಾಗಿ ಬೇಯುವುದಿಲ್ಲ, ಮತ್ತು ಕಾವಲಿಯಿಂದ ಸುಲಭವಾಗಿ ಏಳುವುದಿಲ್ಲ.

2) ಬೇವಿನ ಎಲೆಯ ಚಟ್ನಿ ಈ ದೋಸೆಗೆ ಹೆಚ್ಚು ಸೂಕ್ತ. ಆದರೆ ಯಾವುದೇ ಚಟ್ನಿಯೊಂದಿಗೆ ಈ ದೋಸೆಯನ್ನು ಸವಿಯಬಹುದು.

3) ಸಮಯ ಉಳಿಸಲು ರಾತ್ರಿ ದೋಸೆಹಿಟ್ಟನ್ನು ಮಾಡಿ ಫ್ರಿಜ್ಜಿನಲ್ಲಿಟ್ಟು ಬೆಳಿಗ್ಗೆ ಬಳಸಬಹುದು. ಆದರೆ ಬಳಸುವ ಮೊದಲು ಫ್ರಿಜ್ಜಿನಿಂದ ಕನಿಷ್ಠ ಅರ್ಧ ಗಂಟೆ ಮೊದಲು ಹೊರಗೆ ತೆಗೆದಿಡಿ.

English summary

Whole Wheat Dosa Recipe

Would you like to start your day on a healthy note? Then, try this yummy and light whole wheat dosa recipe. To prepare this vegetarian recipe, you will need a lot of time on your hands. Working mums can provide a yummy and healthy breakfast or tiffin for their kids using this yummy recipe. Dosa on the whole is a filling meal. Here is how you prepare whole wheat dosa. Take a look at this interesting recipe for breakfast.
Story first published: Sunday, September 13, 2015, 23:11 [IST]
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more