ಬ್ರೇಕ್ ಫಾಸ್ಟ್ ಗೆ ಸ್ವಾದಿಷ್ಟ ಹೆಸರು ಕಾಳಿನ ಉಪ್ಪಿಟ್ಟಿರಲಿ

ಉಪ್ಪಿಟ್ಟಿಗೆ ಬೇಕಾಗುವ ಸಾಮಾನು: ಒಂದು ಕಪ್ ಮೊಳಕೆಒಡೆದ ಹೆಸರು ಕಾಳು, 1 1/2 ಕಪ್ ಹುರಿದ ರವೆ, 3 ಕಪ್ ನೀರು, ಸಾಸಿವೆ, ಎಣ್ಣೆ, 1/2 ಚಮಚ ಜೀರಿಗೆ, 1/2 ಚಮಚ ಉದ್ದಿನ ಬೇಳೆ, 1/2 ಚಮಚ ಕಡಲಡ ಬೇಳೆ, 1/2 ಚಮಚ ಮೆಣಸಿನ ಪುಡಿ, 3 ಹಸಿರು ಮೆಣಸಿನಕಾಯಿ, 1/2 ಕಪ್ ಶುಂಠಿ, ರುಚಿಗೆ ತಕ್ಕಷ್ಟು ಉಪ್ಪು, ಕರಿಬೇವು, ನಿಂಬೆರಸ, ತೆಂಗಿನ ತುರಿ, ಕೊತ್ತಂಬರಿ

ಹೆಸರು ಕಾಳಿನ ಉಪ್ಪಿಟ್ಟು ಮಾಡುವುದು ಹೇಗೆ?
* ಒಂದು ಬಾಣಲೆಗೆ ಎಣ್ಣೆ ಹಾಕಿ ಕಾದ ನಂತರ ಸಾಸಿವೆ, ಜೀರಿಗೆ, ಉದ್ದಿನ ಬೇಳೆ, ಕಡಲೆ ಬೇಳೆ, ಮೆಣಸಿನ ಪುಡಿ, ಕತ್ತರಿಸಿದ ಹಸಿರು ಮೆಣಸಿನಕಾಯಿ, ಶುಂಠಿ, ಕರಿಬೇವು ಎಲ್ಲವನ್ನೂ ಹಾಕಿ ಕೆಲ ಸೆಕೆಂಡುಗಳ ಕಾಲ ಹುರಿದುಕೊಳ್ಳಬೇಕು.

* ಅದಕ್ಕೆ 3 ಕಪ್ ನೀರು ಬೆರೆಸಿ ಕುದಿಯಲು ಬಿಡಬೇಕು.

* ಪಾತ್ರೆಯೊಂದರಲ್ಲಿ 10 ನಿಮಿಷ ಮೊಳಕೆ ಒಡೆದ ಹೆಸರು ಕಾಳನ್ನು ಬೇಯಿಸಿ ಬಾಣಲೆಯ ಮಿಶ್ರಣಕ್ಕೆ ಬೆರೆಸಬೇಕು.

* ಈ ಮಿಶ್ರಣ ಕುದಿಯಲು ಆರಂಭಿಸುತ್ತಿದ್ದಂತೆ ರವೆಯನ್ನು ನಿಧಾನವಾಗಿ ಹಾಕಬೇಕು. ಹಾಗೆಯೇ ಸಣ್ಣ ಉರಿಯಲ್ಲಿ 5 ನಿಮಿಷ ಬಿಟ್ಟು ಉರಿಯನ್ನು ಆರಿಸಬೇಕು.

* ಕೊನೆಗೆ ಕೆಲವು ಹನಿ ನಿಂಬೆರಸ ಹಾಕಿ ಅದರ ಮೇಲೆ ಕೊತ್ತಂಬರಿ, ತೆಂಗಿನ ತುರಿ ಬೆರೆಸಿ ತಿರುಗಿಸಿದರೆ ರುಚಿರುಚಿಯಾದ ಹೆಸರು ಕಾಳಿನ ಉಪ್ಪಿಟ್ಟು ತಿನ್ನಲು ರೆಡಿಯಾಗಿರುತ್ತೆ.