ಬಟಾಣಿ ಅಕ್ಕಿ ರೊಟ್ಟಿ, ಫಳಾರಕ್ಕೆ ಬೆಸ್ಟ್ ಬೆಟ್

ಹಾಗಾದರೆ ಬಟಾಣಿ ಅಕ್ಕಿ ರೊಟ್ಟಿ ಮಾಡೋದು ಹೇಗೆ ಎಂದು ಈಗಲೇ ತಿಳಿದುಕೊಳ್ಳಿ. ಇದು ತುಂಬಾ ಸುಲಭ.

ಬಟಾಣಿ ಅಕ್ಕಿ ರೊಟ್ಟಿಗೆ ಏನೇನು ಬೇಕು?
* 1 ಕಪ್ ಬೇಯಿಸಿದ ಬಟಾಣಿ
* 2 ಕಪ್ ಅಕ್ಕಿ ಹಿಟ್ಟು
* 1 ಕಪ್ ತುರಿದ ಕ್ಯಾರೆಟ್
* 1 ಕಪ್ ಚಿಕ್ಕದಾಗಿ ಕತ್ತರಿಸಿದ ದುಂಡು ಮೆಣಸಿನ ಕಾಯಿ (ಕ್ಯಾಪ್ಸಿಕಂ)
* 1 ಕಪ್ ಕಾಯಿತುರಿ
* 1 ಚಮಚ ಶುಂಠಿ ಪೇಸ್ಟ್
* 1 ಚಮಚ ಜೀರಿಗೆ
* ಕೊತ್ತಂಬರಿ ಸೊಪ್ಪು
* ಉಪ್ಪು, ಎಣ್ಣೆ, ಬೆಣ್ಣೆ

ಬಟಾಣಿ ಅಕ್ಕಿ ರೊಟ್ಟಿ ತಯಾರಿಸೋದು ಹೇಗೆ?

* ನೀರನ್ನು ಚೆನ್ನಾಗಿ ಕಾಯಿಸಿ, ಕುದಿಯುತ್ತಿರುವ ನೀರಿಗೆ ಬಟಾಣಿ, ಕ್ಯಾರೆಟ್, ಕ್ಯಾಪ್ಸಿಕಂ, ಕಾಯಿತುರಿ, ಶುಂಠಿ ಪೇಸ್ಟ್, ಜೀರಿಗೆ, ಮತ್ತು ಸಣ್ಣಗೆ ಹೆಚ್ಚಿದ ಕೊತ್ತಂಬರಿ ಸೊಪ್ಪನ್ನು ಬೆರೆಸಬೇಕು.
* ಅಕ್ಕಿ ಹಿಟ್ಟಿಗೆ ಇದನ್ನು ಬೆರೆಸಿ ಚೆನ್ನಾಗಿ ತಿರುಗಿಸಿ, ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಮಿದ್ದು ತಣ್ಣಗಾಗಲು ಬಿಡಬೇಕು.
* ಈಗ ಇದನ್ನು ಉಂಡೆ ಮಾಡಿಕೊಂಡು ಅಂಚಿನ ಮೇಲೆ ಸಮತಟ್ಟಾಗಿ ಮತ್ತು ಅಗಲವಾಗಿ ತಟ್ಟಬೇಕು.
* ಸುತ್ತಲೂ ಒಂದು ಚಮಚ ಎಣ್ಣೆ ಹಾಕಿ ರೊಟ್ಟಿ ಕೆಂಪಗಾದ ಮೇಲೆ ಮಗುಚಿ ಬೇಯಿಸಬೇಕು.

ಈಗ ರುಚಿಯಾದ ಬಟಾಣಿ ಅಕ್ಕಿ ರೊಟ್ಟಿ ತಿನ್ನಲು ತಯಾರಾಗಿದೆ. ಅದರ ಮೇಲೆ ಬೆಣ್ಣೆ ಹಾಕಿ, ಯಾವುದಾದರೂ ಗೊಜ್ಜು ಅಥವಾ ಪಲ್ಯದೊಂದಿಗೆ ಬೆರೆಸಿ ತಿಂದರೆ ರುಚಿ ಎಂದರೆ ಹೀಗಿರಬೇಕು ಎನ್ನುವಂತಿರುತ್ತೆ. ಇದನ್ನು ಹಾಗೆಯೇ ತಿಂದರೂ ಚೆಂದ.