ಇವತ್ತು ತಿಂಡಿಗೆ ತೆಂಗಿನನ್ನ ಅವಲಕ್ಕಿ ವಿಶೇಷವಣ್ಣ!!

Breakfast

oi-Reena

By Hema S

Published: Saturday, January 7, 2012, 13:12 [IST]

ಬೆಳಗ್ಗಿನ ತಿಂಡಿಗೆ ಅವಲಕ್ಕಿಯಿಂದ ಅಡುಗೆ ಮಾಡಿದರೆ ರುಚಿಯ ಜೊತೆ ಶ್ರಮವೂ ಕಡಿಮೆ. ಆದ್ದರಿಂದ ಬೆಳ್ಳಗೆ ತರಾತುರಿಯಲ್ಲಿ ಆಫೀಸ್ ಗೆ ಹೋಗುವಾಗ ಕೆಲವೊಮ್ಮೆ ಅವಲಕ್ಕಿ ಅಡುಗೆ ಮಾಡಬಹುದು. ಅವಲಕ್ಕಿ ಹೊಟ್ಟೆ ತುಂಬಲು ಅಷ್ಟೆ ಅಲ್ಲ ಆರೋಗ್ಯಕ್ಕೆ ಕೂಡ ಒಳ್ಳೆಯದು. ಅವಲಕ್ಕಿಯನ್ನು ತೆಂಗಿನ ಕಾಯಿ ಸೇರಿಸಿ ಮಾಡಿದರೆ ಅಡುಗೆ ಮತ್ತಷ್ಟು ರುಚಿಕರವಾಗಿರುತ್ತದೆ. ಅದನ್ನು ಮಾಡುವ ವಿಧಾನ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:
* 2 ಕಪ್ ಅವಲಕ್ಕಿ
* 1/2 ಕಪ್ ತುರಿದ ತೆಂಗಿನ ಕಾಯಿ
* 2 ಚಮಚ ತೆಂಗಿನೆಣ್ಣೆ
* 1 ಚಮಚ ತುಪ್ಪ
* 1/4 ಚಮಚ ಸಾಸಿವೆ
* 1/2 ಚಮಚ ಉದ್ದಿನ ಬೇಳೆ
* 2 ಕೆಂಪು ಮೆಣಸು (ಕತ್ತರಿಸಿದ್ದು)
* 2 ಹಸಿ ಮೆಣಸು ( ಕತ್ತರಿಸಿದ್ದು)
* ಕರಿ ಬೇವಿನ ಸೊಪ್ಪು
* 2 ಚಮಚ ಗೋಡಂಬಿ
* 1 ಚಮಚ ಉಪ್ಪು

ಮಾಡುವ ವಿಧಾನ:

* 1/4 ಕಪ್ ನೀರಿನ್ನು ಅವಲಕ್ಕಿಗೆ ಹಾಕಿ, ಉಪ್ಪು ಸೇರಿಸಿ ಮಿಶ್ರ ಮಾಡಿ 10 ನಿಮಿಷ ಇಡಬೇಕು.

* ತೆಂಗಿನೆಣ್ಣೆಯನ್ನು ಬಾಣಲೆಗೆ ಹಾಕಿ ಬಿಸಿ ಮಾಡಿ ನಂತರ ಸ್ವಲ್ಪ ಹಿಂಗು, ಕರಿ ಬೇವಿನ ಸೊಪ್ಪು, ಉದ್ದಿನ ಬೇಳೆ, ಕೆಂಪು ಮೆಣಸು, ಹಸಿ ಮೆಣಸು ಮತ್ತು ತುರಿದ ತೆಂಗಿನ ಕಾಯಿಯನ್ನು ಎಣ್ಣೆಗೆ ಹಾಕಬೇಕು.

* ತೆಂಗಿನ ಕಾಯಿ ಕಂದು ಬಣ್ಣಕ್ಕೆ ಬರುವವರಿಗೆ ಹುರಿಯ ಬೇಕು.

* ಈಗ ನೆನೆ ಇಟ್ಟಿದ್ದ ಅವಲಕ್ಕಿಯನ್ನು ಹುರಿದ ತೆಂಗಿನ ಕಾಯಿ ಮಿಶ್ರಣಕ್ಕೆ ಸೇರಿಸಿ 5 ನಿಮಿಷ ಹುರಿಯ ಬೇಕು.

* ಅದಕ್ಕೆ ಗೋಡಂಬಿ ಮತ್ತು ತುಪ್ಪವನ್ನು ಸೇರಿಸ ಬೇಕು. ಈಗ ಅವಲಕ್ಕಿ ಅಡುಗೆ ರೆಡಿ.

ಇದನ್ನು ಬಿಸಿ ಚಟ್ನಿ ಜೊತೆ ಸೇರಿಸಿ ತಿನ್ನಲು ತುಂಬಾ ರುಚಿಕರವಾಗಿರುತ್ತದೆ.