ಹೊಟ್ಟೆಯಲ್ಲಿರುವುದು ಗಂಡು ಮಗು ಎಂದು ತಿಳಿಸುವ ಚಿನ್ಹೆಗಳು!

ಮೇಲು ಹೊಟ್ಟೆ ಹಾಗೂ ಕೆಳ ಹೊಟ್ಟೆ

ಇದಂತೂ ಅಜ್ಜಿ ಕಾಲದ ಮಾತು. ಗಂಡು ಮಗು ಹೊಟ್ಟೆಯಲ್ಲಿ ಇದ್ದರೆ ಹೊಟ್ಟೆಯು ಕೆಲ ಭಾಗದಲ್ಲಿ ಕಂಡುಬರುತ್ತದೆ. ಅದೇ ಹೆಣ್ಣು ಮಗುವಾದರೆ ಹೊಟ್ಟೆಯು ಮೇಲು ಭಾಗದಲ್ಲಿ ಉಬ್ಬಿದಂತೆ ಕಾಣುತ್ತದೆ. ಎಷ್ಟೋ ಬಾರಿ ಮನೆಗೆ ಬಂದ ಹಿರಿಯರು ಗರ್ಭಿಣಿಯನ್ನು ನೋಡಿದ ಒಡನೆ ಈ ಅಂಶವನ್ನು ನೋಡಿಯೇ ಗಂಡು ಮಗುವಾ ಅಥವಾ ಹೆಣ್ಣು ಮಗುವಾ ಎಂದು ಊಹೆ ಮಾಡುತ್ತಾರೆ.

ಕಪ್ಪು ಅಥವಾ ಕಂದು ಬಣ್ಣದ ಗೆರೆ

ಬಸುರಿಯ ಹೊಟ್ಟೆ ಒಬ್ಬುತ್ತಾ ಬಂದಂತೆ ಹೊಟ್ಟೆಯ ಮೇಲೆ ಕಪ್ಪು ಅಥವಾ ಕಂಡು ಬಣ್ಣದ ಗೆರೆ ಮೂಡುತ್ತದೆ. ಕೆಲವರಿಗೆ ಮೇಲೂ ಹೊಟ್ಟೆಯಿಂದ ಹೊಕ್ಕುಳವರೆಗೂ ಅಥವಾ ಹೊಕ್ಕುಳಿನ ಕೆಳಭಾಗದಲ್ಲೂ ಈ ಗೆರೆ ಮೂಡುವ ಸಾಧ್ಯತೆಗಳು ಇವೆ. ಹೊಕ್ಕುಳಿನಿಂದ ಕೆಳಗೆ ಈ ಗೆರೆ ಮೂಡಿದಲ್ಲಿ ಮಗು ಹೆಣ್ಣು ಎಂದು ಹೇಳಲಾಗುತ್ತದೆ. ಆದರೆ ಈ ಗೆರೆ ತಿಂಗಳು ಕಳೆಯುತ್ತಾ ಬಂದಂತೆ ಮಾಸುತ್ತಾ ಹೋದರೆ ಗಂಡು ಮಗು ಎಂದೂ ಹೇಳಲಾಗುತ್ತದೆ. ಇನ್ನೂ ಒಂದು ನಂಬಿಕೆ ಎಂದರೆ, ಈ ಗೆರೆ ಹೊಕ್ಕುಳಿನ ಮೇಲೆ ಕೂಡ ಹೋಗಿ ನಿಮ್ಮ ಎದೆಭಾಗದ ವರೆಗೂ ಹಬ್ಬಿದಲ್ಲಿ ಗಂಡು ಮಗು ಖಚಿತ ಎಂದು ಹೇಳಲಾಗುತ್ತದೆ.

ಹೊಟ್ಟೆಯ ಮೇಲೆ ಲೋಲಕದ ಉಪಾಯ

ಇದು ಒಂದು ಆಟದ ರೀತಿಯ ಟ್ರಿಕ್ ಎಂದುಕೊಳ್ಳಿ. ನಿಮ್ಮ ಮದುವೆಯ ಉಂಗುರವನ್ನು ತೆಗೆದು ಅದಕ್ಕೆ ನಿಮ್ಮದೊಂದು ಉದ್ದ ಕೂದಲು ಹಾಕಿ ಗಂಟು ಹಾಕಿ ಅದು ತೂಗುವಂತೆ ಮಾಡಿ. ನೀವು ಮಲಗಿ ನಿಮ್ಮ ಹೊಟ್ಟೆಯ ಮೇಲೆ ಆ ಕೂದಲನ್ನು ತೂಗಿಸಿ. ಆ ಉಂಗುರ ವೃತ್ತಾಕಾರದಲ್ಲಿ ತೂಗಲು ಆರಂಭಿಸಿದರೆ ನಿಮಗೆ ಗಂಡು ಮಗು. ಅದೇ ಉಂಗುರ ಉಧ್ಧ ಉಧ್ಧ ತೂಗಲು ಆರಂಭಿಸಿದರೆ ಹೆಣ್ಣು ಮಗು ಎಂದೂ ನಂಬಲಾಗುತ್ತದೆ.

ಹೊಟ್ಟೆಯ ಒಳಗೆ ಮಗುವಿನ ಚಲನೆ

ಗರ್ಭಿಣಿಯರಲ್ಲಿ ಮಗುವಿನ ಚಲನೆ ಒಬ್ಬಬ್ಬರಿಗೆ ಒಂದೊಂದು ರೀತಿಯಲ್ಲಿ ಇರುತ್ತದೆ. ಒಂದೊಂದು ಸಮಯದಲ್ಲಿ ಒಬ್ಬೊಬ್ಬರಿಗೆ ಚಲನೆ ಹೆಚ್ಚು ಕಾಣುತ್ತದೆ. ಕೆಲವರಿಗೆ ರಾತ್ರಿ ಚಲನೆ ಹೆಚ್ಚು ಕೆಲವರಿಗೆ ಹಗಲು ಹೆಚ್ಚು. ಆದರೆ ಈ ಕೆಳಗಿನ ಒಂದು ನಂಬಿಕೆ ಬಹಳ ಪ್ರಸಿದ್ದವಾದುದು. ಹೊಟ್ಟೆಯಲ್ಲಿನ ಮಗುವಿನ ಚಲನೆ ಕಡಿಮೆ ಇದ್ದರೆ ಅದು ಗಂಡು ಮಗು ಎಂದು ಚಲನೆ ಹೆಚ್ಚು ಇದ್ದರೆ ಹೆಣ್ಣು ಮಗು ಎಂದು ನಂಬುತ್ತಾರೆ. ಹೆಣ್ಣು ಮಗುವು ಚುರುಕಾಗಿ ಓಡಾಡುತ್ತಾ ನಿಮ್ಮ ಹೊಟ್ಟೆಯಲ್ಲಿ ಕಚಗುಳಿ ಇಡುತ್ತದೆ.

ಹೊಟ್ಟೆಯು ಹೇಗೆ ಕಾಣುತ್ತದೆ

ನಿಮ್ಮ ಹೊಟ್ಟೆ ಹೇಗೆ ಕಾಣುತ್ತಿದೆ. ಬ್ಯಾಸ್ಕೆಟ್ ಬಾಲ್ ರೀತಿಯ ಅಥವಾ ಕಲ್ಲಂಗಡಿ ಹಣ್ಣಿನ ರೀತಿಯ? ಕೇಳಲು ತಮಾಷೆಯಾಗಿ ಇದೆಯಲ್ಲವೆ. ನಿಜ. ಹೇಗಿದೆಯೋ ಒಂದು ಬಾರಿ ಚೆಕ್ ಮಾಡಿಕೊಳ್ಳಿ. ಬಾಸ್ಕೆಟ್ ಬಾಲ್ ರೀತಿ ಇದ್ದರೆ ಗಂಡು ಮಗು ಎಂದು ಕಲ್ಲಂಗಡಿ ಹಣ್ಣಿನ ಆಕಾರದಲ್ಲಿ ಇದ್ದರೆ ಹೆಣ್ಣು ಮಗು ಎಂದು ಹೇಳಲಾಗುತ್ತದೆ.

ಮಗುವಿನ ತೂಕ

ಮಗುವಿನ ತೂಕ ನಮ್ಮ ಹೊಟ್ಟೆಯ ಮುಂಭಾಗದಲ್ಲಿ ಹೆಚ್ಚು ಬೀಳುತ್ತಿದ್ದರೆ ಅದು ಗಂಡು ಮಗು ಎಂದು ಹೇಳಲಾಗುತ್ತದೆ. ಅದೇ ನಿಮ್ಮ ಹೊಟ್ಟೆಯ ಎಲ್ಲ ಭಾಗದಲ್ಲೂ ತೂಕ ಸಮಾನವಾಗಿ ಬೀಳುತ್ತಿದ್ದರೆ, ಹೆಣ್ಣು ಮಗು ಎಂದೂ ಹೇಳಲಾಗುತ್ತದೆ. ಗಂಡು ಮಗು ಆದರೆ ಏನು ಹೆಸರು ಇಡಬೇಕೋ, ಹೆಣ್ಣು ಆದರೆ ಏನು ಹೆಸರು ಇಡಬೇಕೋ ಆಲೋಚಿಸುವ ಹಾಗೆ ಹೊಟ್ಟೆಯಲ್ಲಿರುವ ಪುಟ್ಟ ಕಂದ ಗಂಡೋ ಹೆಣ್ಣೋ ಎಂಬ ಕುತೂಹಲ ಇಲ್ಲದಿಲ್ಲ. ಈ ಮೇಲೆ ಹೇಳಿರುವ ಎಲ್ಲ ಅಂಶಗಳನ್ನು ನೋಡಿ ನೀವು ತಿಳಿಯಿರಿ ನಿಮ್ಮ ಕಂದನ ಬಗ್ಗೆ.