ಮಹಿಳೆಯರಲ್ಲಿ ಬಂಜೆತನ ತರುವ ಕೆಲ ಅಚ್ಚರಿಯ ಕಾರಣಗಳು

Pre Natal

oi-Reena

By Hema S

| Updated: Thursday, December 13, 2012, 14:37 [IST]

ಈಗೆಲ್ಲಾ 10ರಲ್ಲಿ ಎರಡು ದಂಪತಿಗಲ್ಲಿ ಮಕ್ಕಳಾಗಲು ಸಮಸ್ಯೆ ಕಂಡು ಬರುತ್ತಾ ಇದೆ. ಬಂಜೆತನದ ಸಮಸ್ಯೆ ಕೂಡ ಹೆಚ್ಚಾಗುತ್ತಿದೆ. ಅನೇಕರು ವೈದ್ಯಕೀಯ ನೆರವಿನಿಂದ ಮಕ್ಕಳ ಭಾಗ್ಯ ಪಡೆಯುತ್ತಿದ್ದಾರೆ.

ಒತ್ತಡದ ಬದುಕು ಈ ರೀತಿಯ ಬಂಜೆತನ ಹೆಚ್ಚಾಗಲು ಒಂದು ಪ್ರಮುಖ ಕಾರಣವಾಗಿದೆ ಎಂದು ಇದರ ಬಗ್ಗೆ ನಡೆಸಿದ ಅಧ್ಯಯನದಿಂದ ತಿಳಿದು ಬಂದಿದೆ. ವೈದ್ಯರು ಕೂಡ ಮಗು ಬೇಕೆಂದು ಪ್ಲಾನ್ ಮಾಡುವುದಾದರೆ 2 ವರ್ಷದ ಮುಂಚೆ ಪ್ಲಾನ್ ಮಾಡುವುದು ಒಳ್ಳೆಯದು ಎಂಬ ಸಲಹೆ ನೀಡುತ್ತಾರೆ.

ಅನೇಕ ಕಾರಣಗಳಿಂದ ಬಂಜೆತನ ಉಂಟಾಗುತ್ತದೆ. ಆದರೆ ಕೆಲವೊಂದು ಕಾರಣಗಳು ನಮ್ಮಲ್ಲಿ ಅಚ್ಚರಿ ಮೂಡಿಸುತ್ತದೆ, ಆ ಅಚ್ಚರಿಯ ಕಾರಣಗಳು ಯಾವುವು ಎಂದು ತಿಳಿಯಲು ಮುಂದೆ ಓದಿ.

ಚಾಕಲೇಟ್: ಅನೇಕ ಚಾಕಲೇಟ್ ನಲ್ಲಿ ಕೆಫೀನ್ ಅಂಶವಿದೆ. ಅಲ್ಲದೆ ಚಾಕಲೇಟ್ ಅನ್ನು ಕವರ್ ನಿಂದ ಸುತ್ತುವ ಮೊದಲು ತೆಳುವಾದ ಪ್ಲಾಸ್ಟಿಕ್ ನಿಂದ ಸುತ್ತಲಾಗಿರುತ್ತದೆ. ಅದು ಚಾಕಲೇಟ್ ಗೆ ಅಂಟಿಕೊಂಡಿದ್ದು ಸರಿಯಾಗಿ ಕಿತ್ತು ಬರುವುದಿಲ್ಲ. ಚಾಕಲೇಟ್ ತಿನ್ನುವಾಗ ಅವು ಹೊಟ್ಟೆಯಲ್ಲಿ ಸೇರುತ್ತದೆ. ಮಗು ಬೇಕೆಂದು ಪ್ರಯತ್ನಿಸುತ್ತಿರುವವರು ಅತೀಯಾಗಿ ಚಾಕಲೇಟ್ ತಿನ್ನದಿರುವುದು ಒಳ್ಳೆಯದು.

ದ್ವಿಚಕ್ರ ವಾಹನದಲ್ಲಿ ಪ್ರಯಾಣ: ಮಗುಬೇಕೆಂದು ಬಯಸುವ ಸಮಯದಲ್ಲಿ ದ್ವಿಚಕ್ರವಾಹನದಲ್ಲಿ ಪ್ರಯಾಣ ಮಾಡದಿರುವುದು ಒಳ್ಳೆಯದು.

ಹಲ್ಲಿನ ತೊಂದರೆ: ಕ್ಯಾಲ್ಸಿಯಂ ತೊಂದರೆ ಹಲ್ಲಿನ ತೊಂದರೆ ಕಂಡು ಬರುತ್ತದೆ. ಕ್ಯಾಲ್ಸಿಯಂ ಕೊರತೆಯಿದ್ದರೆ ಗರ್ಭದಾರಣೆಯಲ್ಲೂ ಸಮಸ್ಯೆ ಕಂಡು ಬರುತ್ತದೆ. ಆದ್ದರಿಂದ ಹಲ್ಲಿನ ಸಮಸ್ಯೆ ಇದ್ದವರು ಕ್ಯಾಲ್ಸಿಯಂ ಇರುವ ಆಹಾರ ಸೇವಿಸಿಬೇಕು. ಗರ್ಭಧಾರಣೆಗೆ ನನ್ನ ದೇಹ ಸಿದ್ಧವಿದೆಯೇ ಎಂದು ವೈದ್ಯರನ್ನು ಕಂಡು ಪರೀಕ್ಷಿಸಬೇಕು.

ತಾಯಿಯಲ್ಲಿ ಒಬೆಸಿಟಿ: ಒಬೆಸಿಟಿ ಸಮಸ್ಯೆ ಇದ್ದರೆ ಮಕ್ಕಳಾಗುವುದು ಕಷ್ಟ ಎಂದು ತಿಳಿದಿರುವ ವಿಷಯ. ಆದರೆ ತಾಯಿಗೆ ಒಬೆಸಿಟಿ ಸಮಸ್ಯೆ ಇದ್ದರೆ ಮಗಳಿಗೆ ಗರ್ಭಧಾರಣೆಯಲ್ಲಿ ತೊಂದರೆ ಕಾಣಿಸಬಹುದು ಅನ್ನುವುದು ಅಚ್ಚರಿ ಅನಿಸಬಹುದು. ಆದರೆ ತಾಯಿಯಿಂದ ಕೆಲವೊಂದು ಹಾರ್ಮೋನ್ ಗಳು ಮಗಳಿಗೆ ಬಂದಿರುತ್ತದೆ. ಒಂದು ವೇಳೆ ಇದರಿಂದಾಗಿ ಮಗಳ ದೇಹದಲ್ಲಿ ಹಾರ್ಮೋನ್ ಗಳಲ್ಲಿ ವ್ಯತ್ಯಾಸ ಇದ್ದರೆ ಗರ್ಭಧಾರಣೆಯಲ್ಲಿ ತೊಂದರೆ ಕಾಣಿಸಿಕೊಳ್ಳಬಹುದು.

ಸೌಂದರ್ಯಕ್ರೀಮ್ ನಲ್ಲಿ ಅಧಿಕ antioxidants ಅಂಶವಿದ್ದರೆ: antioxidants ತ್ವಚೆಯಲ್ಲಿರುವ ಕಷ್ಮಲಗಳನ್ನು ಹೋಗಲಾಡಿಸಿ ತ್ವಚೆ ಸೌಂದರ್ಯ ಹೆಚ್ಚಿಸಲು ಸಹಕಾರಿಯಾಗಿದೆ. ಆದರೆ ಇವುಗಳಿಂದ ಅಡ್ಡ ಪರಿಣಾಮ ಉಂಟಾಗಿ ಬಂಜೆತನ ಬರಬಹುದು ಎಂದು PNAS (Proceedings of the National Academy of Science) ನಡೆಸಿದ ಅಧ್ಯಯನದಿಂದ ತಿಳಿದುಬಂದಿದೆ.