ನೀವೆ ನಿಮ್ಮ ಮಕ್ಕಳ ಭಾಷಾಜ್ಞಾನ ಹೆಚ್ಚಿಸಬಹುದು!

Kids

oi-Reena

By Hema S

Published: Wednesday, March 14, 2012, 18:35 [IST]

ಮಕ್ಕಳ ಭಾಷಾಜ್ಞಾನ ಹೆಚ್ಚಿಸುವುದು ಹೆಚ್ಚಿನ ಪೋಷಕರ ಮುಂದಿರುವ ಪ್ರಮುಖ ಸವಾಲು. ಮಕ್ಕಳು ಸರಾಗವಾಗಿ, ನಿರರ್ಗಳವಾಗಿ ಮಾತನಾಡಲು ಅನೇಕ ಕೋಚಿಂಗ್ ಕೇಂದ್ರಗಳಿವೆ. ಆದರೆ ಅವುಗಳಿಗೆ ಸುಮ್ಮನೆ ದುಡ್ಡು ಸುರಿಯುವುದು ವ್ಯರ್ಥ. ಕೋಚಿಂಗ್ ಸೆಂಟರಿಗೆ ಸುರಿಯುವ ಹಣವನ್ನು ಉಳಿತಾಯ ಮಾಡಿದರೆ ಅವರ ಉನ್ನತ ಶಿಕ್ಷಣಕ್ಕೆ ನೆರವಾಗಬಹುದು.

ಮನೆಯೇ ಮೊದಲ ಪಾಠಶಾಲೆ. ನೀವೆ ನಿಮ್ಮ ಮಕ್ಕಳ ಪದಕೋಶ ಬಂಡಾರವನ್ನು ಹೆಚ್ಚಿಸಿ. ಅದಕ್ಕಾಗಿ ನೀವು ಈ ಸರಳ ವಿಧಾನ ಅನುಸರಿಸಿ, ನಿಮ್ಮ ಮಕ್ಕಳು ಭಾಷೆ ಹಿಡಿತದಲ್ಲಿ ಮಾಸ್ಟರ್ ಅಗುವುದು ದಿಟ.

1. ಒಂದೇ ಭಾಷೆಯಲ್ಲಿ ಮಾತನಾಡುವುದು: ನೀವು ಮಾಡಬೇಕಾದದು ಇಷ್ಟೆ ಮಕ್ಕಳ ಹತ್ತಿರ ಬೇರೆ ಭಾಷೆ ಮಿಶ್ರ ಮಾಡದೆ ಮಾತನಾಡಲು ಹೇಳಬೇಕು. ಈ ರೀತಿಯ ಆಟ ಆಡಿದರೆ ಮಕ್ಕಳ ಭಾಷಾ ಜ್ಞಾನ ಹೆಚ್ಚಾಗುವುದು.

2. ಮಾತೃ ಭಾಷೆ ಮತ್ತು ಇಂಗ್ಲೀಷ್ ಮೇಲೆ ಹಿಡಿತವಿರಲಿ: ಕನ್ನಡಿಗರಾದ ನಾವು ಮಕ್ಕಳಿಗೆ ಮೊದಲು ಕನ್ನಡ ಸುಸ್ಪಷ್ಟವಾಗಿ ಮಾತನಾಡಲು ಕಲಿಸೋಣ. ವ್ಯಾವಹಾರಿಕ ಅಗತ್ಯಕ್ಕೆ ಅವಶ್ಯವಿರುವುದರಿಂದ ಇಂಗ್ಲಿಷ್ ಕೂಡ ಜೊತೆಗಿರಲಿ. ಮಕ್ಕಳಲ್ಲಿ ಸಂವಹನ ಮಾಡುವಾಗ ಅವರು ಭಾಷೆ ಕುರಿತು ಮಾಡುವ ತಪ್ಪುಗಳನ್ನು ನೀವು ತಿದ್ದಬೇಕು.

3. ಓದುವ ಅಭ್ಯಾಸ: ಮಕ್ಕಳಿಗೆ ಕತೆ ಕಾಮಿಕ್ಸ್ ಪುಸ್ತಕಗಳ ಮೂಲಕ ಓದುವ ಅಭ್ಯಾಸ ಬೆಳೆಸಿ. ಒಂದಕ್ಕಿಂತ ಅಧಿಕ ಭಾಷೆಯಲ್ಲಿ ಹಿಡಿತವಿದ್ದರೆ ಒಳ್ಳೆಯದು.

4. ಉಚ್ಚಾರಣೆ: ಮಕ್ಕಳಿಗೆ ಉಚ್ಚಾರಣೆ ಮೇಲೆ ಹಿಡಿತವಿರುವತೆ ನೋಡಿಕೊಳ್ಳಬೇಕು. ಉಚ್ಚಾರಣೆಯಲ್ಲಿ ತಪ್ಪಾದಾಗ ಅಪಹಾಸ್ಯ ಮಾಡದೇ ತಿದ್ದಬೇಕು.

ನೆನಪಿಡಿ ಮಕ್ಕಳು ಕೆಟ್ಟ ಪದಗಳನ್ನು ಬೇಗನೇ ಕಲಿಯುತ್ತಾರೆ. ಅಂತಹ ಪದಗಳನ್ನು ಅವರು ಬಳಸಿದರೆ ಅವರನ್ನು ಶಿಕ್ಷಿಸುವ ಬದಲು ಬುದ್ದಿಮಾತ ಹೇಳಿ ತಿದ್ದಿಬಿಡಿ.

ಮಕ್ಕಳು ಹೇಗೆ ಮಾತನಾಡಿದರೂ ಚಂದ. ಸ್ಪಷ್ಟವಾಗಿ ಮಾತನಾಡಿದರೆ ಭವಿಷ್ಯಕ್ಕೆ ಇನ್ನಷ್ಟು ಚಂದ ಅಲ್ಲವೇ?