ಪ್ರೀ ಮೆಚ್ಯೂರ್ ಬೇಬಿಯ ಆರೈಕೆ ಹೇಗೆ?

ಪ್ರೀ ಮೆಚ್ಯೂರ್ ಬೇಬಿ ಅಂದರೆ ಅವಧಿ ತುಂಬುವ ಮುನ್ನ ಹುಟ್ಟುವ ಮಗು. ಕೆಲ ಮಕ್ಕಳು 7 ತಿಂಗಳಿಗೆ ಹುಟ್ಟಿ ಬಿಡುತ್ತವೆ. ಅಂತಹ ಮಕ್ಕಳ ಆರೈಕೆಯಲ್ಲಿ 9 ತಿಂಗಳಿನಲ್ಲಿ ಹುಟ್ಟಿದ ಮಗುವಿಗಿಂತ ಅಧಿಕ ಮುತುವರ್ಜಿಯಿಂದ ನೋಡಿ ಕೊಳ್ಳಬೇಕಾಗುತ್ತದೆ.

ಪ್ರೀ ಮೆಚ್ಯೂರ್ ಬೇಬಿಯಾದರೆ ಸ್ವಲ್ಪ ದಿನ ಆಸ್ಪತ್ರೆಯಲ್ಲಿ ಇಟ್ಟು ನಂತರಮನೆಗೆ ಕಳುಹಿಸುತ್ತಾರೆ. ಅಂತಹ ಮಕ್ಕಳು ಇತರ ಮಕ್ಕಳಂತೆ ಆರೋಗ್ಯವಂತರಾಗಿ ಬೆಳೆಯಲು ಈ ಕೆಳಗಿನ ಸಲಹೆಗಳನ್ನು ಪಾಲಿಸುವುದು ಒಳ್ಳೆಯದು.

ಎದೆ ಹಾಲು: ಪ್ರೀ ಮೆಚ್ಯೂರ್ ಬೇಬಿ ಹುಟ್ಟಿದಾಗ ವೈದ್ಯರು ಎದೆ ಹಾಲು ಕೊಡಬೇಡಿ ಎಂದು ಹೇಳುತ್ತಾರೆ. ಏಕೆಂದರೆ ಮಗುವಿಗೆ ತಾಯಿಯ ಎದೆ ಹಾಲನ್ನು ಕರಗಿಸಿಕೊಳ್ಳುವ ಶಕ್ತಿ ಇರುವುದಿಲ್ಲ. ವೈದ್ಯರು ಮಗುವಿಗೆ ಎದೆ ಹಾಲನ್ನು ಯಾವಾಗ ಕೊಡಬಹುದೆಂದು ಹೇಳುತ್ತಾರೆ ಆವಾಗಲೇ ಕೊಡಬೇಕು.

ಮಸಾಜ್: ಪ್ರೀ ಮೆಚ್ಯೂರ್ ಬೇಬಿಗೆ ಮಾಡುವಂತಹ ಮಸಾಜ್ ಮಾಡಬೇಕು. ಇದರಿಂದ ಮಗು ಚೆನ್ನಾಗಿ ನಿದ್ದೆ ಮಾಡುತ್ತದೆ. ಮಕ್ಕಳು ನಿದ್ದೆಯಲ್ಲಿ ಬೆಳೆಯುತ್ತಾರೆ.

ನಿದ್ದೆ: ಮಗು ನಿದ್ದೆ ಮಾಡುವಾಗ ತುಂಬಾ ಎಚ್ಚರವಹಿಸಬೇಕು. ಅದು ತಲೆಯನ್ನು ವಾರೆ ಮಾಡಿ ಮಲಗದಂತೆ ಎಚ್ಚರವಹಿಸಿ.

ರೋಗನಿರೋಧಕ ಶಕ್ತಿ: ಚಿಕ್ಕ ಮಕ್ಕಳಲ್ಲಿ ರೋಗ ನಿರೋಧಕ ಶಕ್ತಿ ತುಂಬಾ ಕಡಿಮೆ ಇರುತ್ತದೆ. ಆದ್ದರಿಂದ ಸೋಂಕಾಣುಗಳು ತಾಗದಂತೆ ಎಚ್ಚರವಹಿಸಿ.

ಪರೀಕ್ಷೆ: ಮಗುವನ್ನು ವೈದ್ಯರು ಹೇಳಿದ ದಿನದಂದು ಕರೆದುಕೊಂಡು ಹೋಗಿ ತೋರಿಸಬೇಕು. ಮಗು ಹುಷಾರಾಗಿದ್ದರೂ ಕರೆದುಕೊಂಡು ಹೋಗಿ ತೋರಿಸಿ.

ಸರಿಯಾದ ಆರೈಕೆ ಮಾಡಿದರೆ ಮಗುವಿನ ಆರೋಗ್ಯದಲ್ಲಿ ಯಾವುದೇ ನ್ಯೂನತೆ ಕಂಡುಬರುವುದಿಲ್ಲ.