ಗರ್ಭಾವಸ್ಥೆಯಲ್ಲಿ ಚಾಕಲೇಟ್ ಸೇವನೆ ಒಳ್ಳೆಯದು

ಗರ್ಭಾವಸ್ಥೆಯಲ್ಲಿ ಚಾಕಲೇಟ್ ಸೇವನೆ ಇದ್ದರೆ, ಈ ಸಮಯದಲ್ಲಿ ಮಹಿಳೆಯರಲ್ಲಿ ಕಾಣಿಸಿಕೊಳ್ಳುವ ಏರೊತ್ತಡವನ್ನು (pre-eclampsia) ತಡೆದು, ಮಗು ಆರೋಗ್ಯವಂತವಾಗಿ ಜನಿಸುತ್ತದೆ ಎಂದು ಸಂಶೋಧನೆಯೊಂದು ತಿಳಿಸಿದೆ.

ಗರ್ಭವತಿಯಾದ ಮಹಿಳೆ ವಾರದಲ್ಲಿ ಕನಿಷ್ಟ 5 ಬಾರಿ ಚಾಕಲೇಟ್ ಸೇವಿಸಿದರೆ ಏರೊತ್ತಡ ಕಾಣಿಸಿಕೊಳ್ಳುವ ಸಾಧ್ಯತೆ ಶೇಕಡಾ 40 ರಷ್ಟು ಕಡಿಮೆಯಾಗುತ್ತದೆ, ವಾರಕ್ಕೊಂದು ಬಾರಿ ತಿನ್ನುವವರಿಗೆ ಹೋಲಿಸಿದರೆ 5 ಬಾರಿ ಚಾಕಲೇಟ್ ತಿನ್ನುವವರಲ್ಲಿ ಹೆಚ್ಚಿನ ಪ್ರಭಾವ ಬಿರುತ್ತದೆ ಎಂದೂ ಸಂಶೋಧನೆ ತಿಳಿಸಿದೆ.

ಗರ್ಭಾವಸ್ಥೆ ಸಮಯದಲ್ಲಿ ಕಾಣಿಸಿಕೊಳ್ಳುವ ಏರೊತ್ತಡದಿಂದ ರಕ್ತಕಣಗಳ ಬೆಳವಣಿಗೆ ಸಾಧ್ಯವಾಗದೆ, ರಕ್ತದೊತ್ತಡದಲ್ಲಿ ಏರಿಕೆ ಕಂಡುಬರುತ್ತದೆ ಮತ್ತು ಇದರಿಂದ ಮಗುವಿಗೆ ಆಮ್ಲಜನಕದ ಪೂರೈಕೆ ಸಾಧ್ಯವಾಗದೆ, ಮಗುವಿಗೆ ಅವಶ್ಯಕ ಪೌಷ್ಟಿಕಾಂಶಗಳು ದೊರೆಯದಂತಾಗುತ್ತದೆ. ಈ ಕಾರಣದಿಂದಾಗಿ ಅವಧಿಗೆ ಮುನ್ನವೇ ಹೆರಿಗೆಯಾಗುತ್ತದೆ ಮತ್ತು ಮಗುವಿನ ಆರೋಗ್ಯದಲ್ಲಿ ವ್ಯತ್ಯಾಸ ಉಂಟಾಗುತ್ತದೆ.

ಆದರೆ ಚಾಕಲೇಟ್ ನಲ್ಲಿರುವ ಥಿಯೋಬ್ರೊಮೈನ್ ಎಂಬ ರಾಸಾಯನಿಕ ಅಂಶ ಏರೊತ್ತಡವನ್ನು ತಡೆಗಟ್ಟುವ ಮೂಲಕ ಸಹಾಯ ಮಾಡುತ್ತದೆ.

ಯಾಲೆ ಯೂನಿವರ್ಸಿಟಿ ವಿಜ್ಞಾನಿಗಳು 2,291 ಗರ್ಭಿಣಿಯರ ಮೇಲೆ ನಡೆಸಿದ ಅಧ್ಯಯನದಿಂದ, ಚಾಕಲೇಟ್ ಸೇವನೆ ಮಾಡುವ ಗರ್ಭಿಣಿಯರಲ್ಲಿ ಥಿಯೋಬ್ರೊಮೈನ್ ಮಟ್ಟ ಹೆಚ್ಚಿದ್ದು, ಏರೊತ್ತಡ ಇಲ್ಲದಿರುವುದು ಕಂಡುಬಂದಿರುವುದಾಗಿ ಡೈಲಿ ಮೇಲ್ ವರದಿ ಮಾಡಿದೆ.