ಮಹಿಳಾ ದಿನದ ವಿಶೇಷವಾಗಿ ತಂದ ಪುನೀತ್‌ ಇರುವ ಈ ವೀಡಿಯೋ ಆಯ್ತು ವೈರಲ್

Trends N Style

oi-Reena TK

By Reena Tk

Published: Saturday, March 7, 2020, 16:47 [IST]

ಈ ಆಧುನಿಕ ಜಗತ್ತಿನಲ್ಲಿಯೂ ಹೆಣ್ಣಿನ ಶೋಷಣೆ ನಿಂತಿಲ್ಲ. ಸಮಾಜದಲ್ಲಿ ಆಕೆಯನ್ನು ತಪ್ಪಾಗಿ ಕಾಣುವ ದೃಷ್ಟಿಕೋನ ಬದಲಾಗಿಲ್ಲ. ಇಂದಿಗೂ ಹೆಣ್ಣು ಸಂಘರ್ಷದ ಜೀವನ ನಡೆಸುತ್ತಿದ್ದಾಳೆ.

ಆಕೆಯನ್ನೂ ಎಲ್ಲಾ ಸ್ತರದಿಂದಲೂ ಮೇಲೆ ತರಬೇಕು, ಆಕೆಯ ಬದುಕನ್ನುಉತ್ತಮವಾಗಿಸಬೇಕು, ಆಕೆಗೆ ಪುರುಷರಷ್ಟೇ ಸಮಾನಳು ಎಂದು ಆಕೆಯಲ್ಲಿ ಮನೋಸ್ಥೈರ್ಯ ತುಂಬಲು ಮಹಿಳಾ ದಿನವನ್ನು ಆಚರಿಸಲಾಗುತ್ತದೆ. ಮಹಿಳಾ ದಿನಾವರಣೆಯೆಂದರೆ ಅದೊಂದು ಹಬ್ಬವಲ್ಲ ಬದಲಿಗೆ ಆಕೆಯಲ್ಲಿ ಧೈರ್ಯವನ್ನು ತುಂಬುವ ಹಾಗೂ ಪುರುಷರು ಆಕೆಯತ್ತ ನೋಡುವ ದೃಷ್ಟಿಕೋನ ಬದಲಾಯಿಸಲೆಂದೇ ಇರುವ ದಿನ.

ಈ ದಿನ ಹಿಂದೆ ಒಂದು ಕ್ರಾಂತಿಕಾರಿಯಾದ ಹೆಣ್ಣಿದ್ದಾಳೆ, ಆಕೆ ನ್ಯೂಯಾರ್ಕ್‌ನ ಕ್ಲಾರಾ ಜೆಟ್‌ಕಿನ್. ಈಕೆ ಮಹಿಳಾ ಕಾರ್ಮಿಕೆ ಕೆಲಸಕ್ಕಾಗಿ, ಸಮಾನ ವೇತನಕ್ಕಾಗಿ, ಹೆರಿಗೆ ಸೌಲಭ್ಯಕ್ಕಾಗಿ ತಿಂಗಳುಗಟ್ಟಲೆ ಹೋರಾಟ ನಡೆಸಿ ಗೆಲುವು ಸಾಧಿಸಿದ ದಿನ. ಆ ದಿನವನ್ನು 1975ರಲ್ಲಿ ವಿಶ್ವಸಂಸ್ಥೆ ಮಹಿಳಾ ದಿನವಾಗಿ ಘೋಷಿಸಿತು.

ಎಲ್ಲಾ ಪುರುಷರು ಎಂದು ಮಹಿಳೆಯರನ್ನು ಗೌರವದಿಂದ ಕಾಣುತ್ತಾರೋ ಅಂದು ಮಹಿಳೆಯ ಜೀವನದ ಸಂಘರ್ಷ ಕೊನೆಯಾಗುತ್ತದೆ. ಮಹಿಳೆಯನ್ನು ಗೌರವದಿಂದ ಕಾಣಿ ಎಂದು ಸಂದೇಶ ಸಾರುವ ವೀಡಿಯೋವೊಂದು ವೈರಲ್‌ ಆಗಿದೆ. ಚುಡಾಯಿಸುವ ಹುಡುಗರಿಗೆ ಸಮಾಜ ಹೇಗೆ ಪ್ರತಿಕ್ರಿಯಿಸಿ ಮಹಿಳೆಯ ಗೌರವನ್ನು ಹೆಚ್ಚಿಸಿದರು ಎಂಬುವುದನ್ನು ಈ ವೀಡಿಯೋದಲ್ಲಿ ನೋಡಬಹುದು. ಇದರಲ್ಲಿ ನಟ ಪುನೀತ್‌ರಾಜ್‌ ಕುಮಾರ್ ಕೂಡ ಮಾತನಾಡಿ ಎಲ್ಲರೂ ಸೇರಿ ಮಹಿಳೆಗೆ ನಿರ್ಭಯ ಸಮಾಜ ಕಟ್ಟೋಣ ಎಂಬ ಸಂದೇಶ ಸಾರಿದ್ದಾರೆ ನೋಡಿ.