ಹಾವಿನ ಜೊತೆ ಆಡುತ್ತಿರುವ ಪುಟ್ಟ ಹುಡುಗಿ! ವೀಡಿಯೋ ವೈರಲ್

ಆ ವೀಡಿಯೋ ಫೆಬ್ರವರಿ 28ಕ್ಕೆ ಸಾಮಾಜಿಕ ತಾಣದಲ್ಲಿ ಅಪ್‌ಲೋಡ್‌ ಮಾಡಲಾಗಿತ್ತು, ಅ ವೀಡಿಯೋ ತುಂಬಾನೇ ವೈರಲ್‌ ಆಗಿದ್ದು ನೋಡಿದವರು ಆ ಹುಡುಗಿಯೇನು ಟಾಯ್‌ ಜೊತೆ ಆಡ್ತಾ ಇದ್ದಾಳಾ? ಎಂದು ಕೇಳುತ್ತಿದ್ದಾರೆ. ಹೌದು ಆಕೆ ದೊಡ್ಡ ಹಾವಿನ ಜೊತೆ ಆಡುತ್ತಿರುವುದನ್ನು ನೋಡಿ ಜನರು ಅಚ್ಚರಿ ಪಡುತ್ತಿದ್ದಾರೆ.

ಹಾವನ್ನು ಮುಟ್ಟು ಹಾಗೂ ಹಿಡಿಯುವ ದೈರ್ಯ ಕೆಲವೇ ಕೆಲವರಿಗಷ್ಟೇ ಇರುತ್ತದೆ. ಹಾವು ಮನೆಯೊಳಗೆ ಬಂದ್ರೆ ಸಾಕು, ಅದನ್ನು ಹಿಡಿದು ತೆಗೆದುಕೊಂಡು ಹೋಗುವವರಿಗೆ ಯಾರೂ ಮನೆಯೊಳಗಡೆ ಹೋಗುವ ಧೈರ್ಯ ಮಾಡಲ್ಲ.

ಏಕೆಂದರೆ ಅದು ಕಚ್ಚಿ ಬಿಟ್ಟರೆ ತಕ್ಷಣವೇ ಚಿಕಿತ್ಸೆ ಸಿಕ್ಕರಷ್ಟೇ ಬದುಕಲು ಸಾಧ್ಯ, ಆದರೆ ಹಾವು ಕಚ್ಚಿದಾಗ ಬದುಕುಳಿಯುವವರು ತುಂಬಾನೇ ಕಡಿಮೆ ಆದ್ದರಿಂದ ಹಾವು ಎಂದರೆ ಜನ ದೂರ ಓಡಿ ಹೋಗುತ್ತಾರೆ.

ಕೆಲವೇ ಕೆಲವು ಜನರಷ್ಟೇ ಹಾವಿನ ಜೊತೆ ಸ್ನೇಹ ಬಯಸುತ್ತಾರೆ, ಅಚ್ಚರಿಯೆಂದರೆ ಎಂಥದ್ದೇ ಹಾವು ಆದರೂ ಅಂಥವರ ಜೊತೆ ತುಂಬಾ ಚೆನ್ನಾಗಿ ಇರುತ್ತದೆ, ಅದನ್ನು ನೋಡುವುದೇ ಒಂದು ಅಚ್ಚರಿ. ಹಾವನ್ನು ಸಾಕುತ್ತಿರುವವರೂ ಅನೇಕರು ಇದ್ದಾರೆ. ಅಂಥ ಎಷ್ಟೋ ವೀಡಿಯೋಗಳನ್ನು ನೋಡುತ್ತೇವೆ. ಅವರಿಗೂ- ಹಾವಿಗೂ ಅದೇನು ನೆಂಟೋ ದೇವರಿಗೇ ಗೊತ್ತು...

ನಾವು ಈ ವೀಡಿಯೋದಲ್ಲಿ ನೋಡುತ್ತಿರುವ ಹುಡುಗಿಯ ಹೆಸರು ಅರ್ನಿನಾ. ಮನೆಯೊಳಗಡೆ ಕಾರ್ಪೆಟ್‌ನಲ್ಲಿ ಕುಳಿತು ಹಾವಿನೊಂದಿಗೆ ಆಡ್ತಾ ಇದ್ದಾಳೆ, ಹಾವು ಮುಂದೆ ಚಲಿಸುತ್ತಿದ್ದಂತೆ ಹಿಂದೆಕ್ಕೆ ಎಳೆದು ಆಡುತ್ತಿರುವ ವೀಡಿಯೋ ನೋಡಿದರೆ ನಮ್ಮ ಮೈ ಝುಂ ಅನಿಸುವುದು.

ಕಳೆದ ವರ್ಷ ಕೂಡ ಒಂದು ಫೋಟೋ ತುಂಬಾನೇ ವೈರಲ್‌ ಆಗಿತ್ತು. ಒಬ್ಬ ಬಾಲಕಿ ಮೊಬೈಲ್‌ ನೋಡುತ್ತಾ ಮನೆಯ ಹೊರಗಡೆ ಕೂತಿರುತ್ತಾಳೆ, ಹೆಬ್ಬಾವೊಂದು ಹಾಯಾಗಿ ಅವಳ ಮಡಿಲಿನಲ್ಲಿ ಮಲಗಿರುತ್ತೆ, ಆ ಫೋಟೋ ನೋಡಿದಾಗ ಹಾವು ಹಾಗೂ ಆ ಹುಡುಗಿಯ ನಡುವೆ ಎಂಥ ಬಾಂಧವ್ಯ ಇದೆ ಎಂಬುವುದು ತಿಳಿಯುತ್ತೆ.

ಯುವಕನೊಬ್ಬ ತನ್ನ ಸಾಕು ಪ್ರಾಣಿಗಳಾದ ಗಿಣಿ ಹಾಗೂ ಹಾವಿನೊಂದಿಗೆ ವಾಕ್‌ ಹೋಗುತ್ತಿರುವ ವೀಡಿಯೋ ಕೂಡ ಈ ಹಿಂದೆ ತುಂಬಾನೇ ವೈರಲ್‌ ಆಗಿತ್ತು. ಅದು ಆಸ್ಟ್ರೇಲಿಯಾದ ಯುವಕನ ವೀಡಿಯೋ ಆಗಿದೆ.