ವೀಡಿಯೋ: ವ್ಯಕ್ತಿಯನ್ನು ಅಪ್ಪಿ ಮುತ್ತಿಕ್ಕುತ್ತಿರುವ ಸಿಂಹಗಳು!

ಕಾಡಿನ ರಾಜ ಸಿಂಹ ವ್ಯಕ್ತಿಯನ್ನು ಸ್ವಾಗತಿಸುವುದು, ಅದರ ತಂಡದ ಉಳಿದ ಸದಸ್ಯರು ಆ ಮನುಷ್ಯನನ್ನು ಅಪ್ಪಿ ಮುದ್ದಾಡುವುದು ಇವೆಲ್ಲಾ ಕತೆಗಳಲ್ಲಿ, ಸಿನಿಮಾಗಳಲ್ಲಿ ನೋಡಿರುತ್ತೀರಿ. ಆದರೆ ನಿಜವಾಗಲು ಆ ರೀತಿ ನಡೆಯಲು ಸಾಧ್ಯವೇ? ಹೂಂ... ಖಂಡಿತ ಸಾಧ್ಯವಿಲ್ಲ ಎನ್ನುವಿರಿ. ಆದರೆ ಸಿನಿಮಾ, ಕತೆಯಲ್ಲಿ ಬರುತ್ತಿದ್ದ ಅಂಥ ಕಾಲ್ಪನಿಕ ಪಾತ್ರಕ್ಕೆ ಇಲ್ಲಿ ಜೀವ ಬಂದಿದೆ.

ಸಿಂಹಗಳು ಪ್ರೀತಿಯಿಂದ ಆ ವ್ಯಕ್ತಿಯನ್ನು ಸ್ವಾಗತಿಸುವುದು ಅವುಗಳ ಜೊತೆ ಆಡುವ ವೀಡಿಯೋವೊಂದು ಇಂಟರ್‌ನೆಂಟ್‌ನಲ್ಲಿ ವೈರಲ್ ಆಗಿದೆ. ಇದನ್ನು ಮ್ಯಾಕೈ ಎಂಬ ಟ್ವಿಟರ್ ಬಳಕೆದಾರರು ಹಾಕಿದ್ದು, ಈ ವೀಡಿಯೋ ನೋಡಿ ಅಚ್ಚರಿಗೊಳಗಾದೆ ಎಂದಿದ್ದಾರೆ. ಇದೀಗ ಆ ಅದ್ಭುತ ವೀಡಿಯೋ ವೈರಲ್ ಆಗಿದೆ.

ವೀಡಿಯೋದಲ್ಲಿ ಡೀನ್ ಷ್ನೇಯ್ಡರ್ ಎಂಬವರನ್ನು ಕಾಡಿನಲ್ಲಿ ಸಿಂಹ ಹಾಗೂ ಅದರ ಕುಟುಂಬ ಸದಸ್ಯರು ಸ್ವಾಗತಿಸುವ ರೀತಿ ನೀವು ಊಹಿಸಲೂ ಸಾಧ್ಯವಿಲ್ಲ, ಅಷ್ಟು ಅದ್ಭುತವಾಗಿದೆ ನೋಡಿ. ಡೀನ್ ಷ್ನೇಯ್ಡರ್ ಕೂಡ ಈ ವೀಡಿಯೋವನ್ನು ತಮ್ಮ ಟ್ವಿಟರ್ ಖಾತೆಯಲ್ಲಿ ಹಾಕಿ ಕೊಂಡಿದ್ದು 'ದೂರವಿರುವಾಗಲೇ ನಾವೆಷ್ಟು ಪ್ರೀತಿಸುತ್ತಿದ್ದೇವೆ ಎಂದು ಗೊತ್ತಾಗುವುದು, ಈ ರೀತಿಯ ಗೌರವದ ಸ್ವಾಗತ ಸಿಕ್ಕಿರುವುದು ತೃಪ್ತಿ ತಂದಿದೆ' ಎಂದಿದ್ದಾರೆ.

ಆ ವೀಡಿಯೋದಲ್ಲಿ ಡೀನ್ 'ಇದಕ್ಕಿಂತ ವಿಶ್ವದಲ್ಲಿ ನನಗೇನು ಬೇಕಾಗಿಲ್ಲ. ಸುಮಾರು ಎರಡೂವರೆ ವಾರಗಳ ಬಳಿಕ ನಾನು ನನ್ನ ಕುಟುಂಬದವರನ್ನು ನೋಡುತ್ತಿದ್ದೇನೆ, ಕೊನೆಗೂ ನಾವೆಲ್ಲಾ ಜೊತೆಗಿದ್ದೇವೆ' ಎಂದು ಸಂತಸ ವ್ಯಕ್ತ ಪಡಿಸುತ್ತಿದ್ದಾರೆ. ಹೀಗೂ ನಡೆಯಲು ಸಾಧ್ಯನಾ ಎಂದು ಪ್ರತಿಯೊಬ್ಬರಿಗೆ ಅಚ್ಚರಿ ಮೂಡಿಸುವ ಈ ವೀಡಿಯೋಗಳು ಇಂಟರ್‌ನೆಟ್‌ನಲ್ಲಿ ತುಂಬಾ ಸದ್ದು ಮಾಡುತ್ತಿದ್ದಾರೆ. ಡೀನ್ ಹಾಗೂ ಸಿಂಹಗಳ ನಡುವಿನ ಪ್ರೀತಿ ನೋಡಿ ನೆಟ್ಟಿಗರು ಮೂಕವಿಸ್ಮಿತರಾಗಿದ್ದಾರೆ.

He has more than 9 lives pic.twitter.com/ebJRLhK7UW

— Wale Gates 🇳🇬🇬🇧 (@walegates) January 13, 2020