ಥಾಯ್ ಮಸಾಜ್ ನಿಂದ ಪಾರ್ಶ್ವವಾಯುವಿಗೆ ತುತ್ತಾದ ಮಹಿಳೆ

ಡಾ. ಹ್ಯಾಪಿಯನ್ನು ಭೇಟಿಯಾದಳು

46ರ ಹರೆಯದ ಪ್ರಾನಮ್ ಥೀಂಗ್ ಟ್ರ್ಯಾಂಗ್ ಎಂಬ ಮಹಿಳೆಯು ಡಾ. ಹ್ಯಾಪಿ ಎಂಬ ಥೆರಪಿಸ್ಟ್ ವೈದ್ಯರನ್ನು ಭೇಟಿಯಾದರು. ಯಾಕೆಂದರೆ ಆ ಮಹಿಳೆಗೆ ಕಾಲುಗಳಲ್ಲಿ ತುಂಬಾ ನೋವು ಕಾಣಿಸಿಕೊಳ್ಳುತ್ತಿತ್ತು. ಇದರಿಂದ ಆಕೆ ಮಸಾಜ್ ಮಾಡಿಸಿಕೊಂಡು ತನ್ನ ನೋವು ನಿವಾರಿಸಿಕೊಳ್ಳಬಹುದು ಎಂದು ಭಾವಿಸಿದರು.

ಮಸಾಜ್ ವೇಳೆ

ಮಸಾಜ್ ಥೆರಾಪಿಸ್ಟ್ ಮಹಿಳೆಯ ಕಾಲುಗಳ ಮೇಲೆ ನಿಂತುಕೊಂಡಿದ್ದಾನೆ. ಇದರಿಂದಾಗಿ ಆಕೆಯ ಕಾಲುಗಳು ಮುರಿದಿದೆ ಮತ್ತು ಆಕೆ ಶಾಶ್ವತವಾಗಿ ವಿಕಲಾಂಗಕತೆಗೆ ಒಳಗಾಗಿದ್ದಾರೆ. ಈ ವಿಡಿಯೋದಲ್ಲಿ ಆಕೆಯ ಕಾಲುಗಳ ಮೇಲೆ ಥೆರಪಿಸ್ಟ್ ಯಾವ ರೀತಿಯಾಗಿ ನಿಂತುಕೊಂಡು ಮಸಾಜ್ ಮಾಡುತ್ತಿದ್ದಾನೆ ಮತ್ತು ಆಕೆಯನ್ನು ತುಂಬಾ ಆಕ್ರಮಣಕಾರಿಯಾಗಿ ಚಾಪೆಯಲ್ಲಿ ಎಳೆಯುತ್ತಿರುವುದು ಕಾಣಿಸಿದೆ.

ತುಂಬಾ ಗಡುಸಾಗಿ ನಿಭಾಯಿಸಿದ ಥೆರಪಿಸ್ಟ್

ಒಂದು ಮಗುವಿನ ತಾಯಿ ಆಗಿರುವ ಮಹಿಳೆಯು ಹೇಳುವ ಪ್ರಕಾರ ಈ ಥೆರಪಿಸ್ಟ್ ತುಂಬಾ ಗಡುಸಾಗಿ ನಿಭಾಯಿಸಿದ್ದಾನೆ ಮತ್ತು ಇದರ ಬಳಿಕ ತಾನು ಶಾಶ್ವತವಾಗಿ ವಿಕಲಾಂಗತೆಗೆ ಒಳಗಾಗಿದ್ದೇನೆ. ಕಳೆದ ಡಿಸೆಂಬರ್ ನಲ್ಲಿ ನಾನು ಮಸಾಜ್ ಮಾಡಿಸಿಕೊಂಡ ಬಳಿಕ ಹೀಗೆ ಆಗಿದೆ ಎಂದು ಮಹಿಳೆ ಮಾಹಿತಿ ನೀಡಿದ್ದಾರೆ. ಈಗ ಆಕೆಗೆ ಅತ್ತಿತ್ತ ಹೋಗಲು ವೀಲ್ಹ್ ಚೇರ್ ಬೇಕಾಗಿದೆ.

ಒಂದು ಗಂಟೆಗಳ ಕಾಲ ನಡೆದ ಮಸಾಜ್

ಒಂದು ಗಂಟೆಗಳ ಕಾಲ ಮಹಿಳೆಗೆ ನೆಲದ ಮೇಲೆ ಚಾಪೆ ಹಾಕಿ ಮಲಗಿಸಲಾಗಿತ್ತು. ಈ ವೇಳೆ ಥೆರಪಿಸ್ಟ್ ಆಕೆಯ ಕಾಲುಗಳ ಮೇಲೆ ನಡೆದಾಡುತ್ತಿದ್ದ. ಮಹಿಳೆಯು ತುಂಬಾ ನೋವಿನಿಂದ ಚೀರಾಡಿ, ಮಸಾಜ್ ಮಾಡುವುದನ್ನು ನಿಲ್ಲಿಸು ಎಂದು ಹೇಳಿದರೂ ಆತ ಮಾತ್ರ ಮಸಾಜ್ ಮಾಡುವುದನ್ನು ಮುಂದುವರಿಸಿದ್ದಾನೆ. ಈ ಮಸಾಜ್ ನ ಬಳಿಕ ಆಕೆಗೆ ಪಾರ್ಶ್ವವಾಯು ಕಾಣಿಸಿಕೊಂಡಿದೆ. ಇದರಿಂದ ಆಕೆಗೆ ಯಾರದೇ ಬೆಂಬಲ ಇಲ್ಲದೆ ನಡೆದಾಡಲು ಆಗಲ್ಲ. ಥೆರಪಿಸ್ಟ್ ವಿರುದ್ಧ ಈಗ ದೂರು ದಾಖಲಾಗಿದೆ. ಈ ಘಟನೆ ಬಗ್ಗೆ ನಿಮ್ಮ ಅನಿಸಿಕೆ ಏನು? ನಿಮ್ಮ ಅಭಿಪ್ರಾಯವನ್ನು ಕಮೆಂಟ್ ಬಾಕ್ಸ್ ಗೆ ಹಾಕಲು ಮರೆಯಬೇಡಿ.