ಸೌಂದರ್ಯ ವೃದ್ಧಿಸಲು ಬೊಟೊಕ್ಸ್ ಇಂಜೆಕ್ಷನ್ ತೆಗೆದುಕೊಂಡಳು, ಆದರೆ ಇದರಿಂದ ಆಕೆಯ ಪ್ರಾಣವೇ ಹೋಯಿತು!!

ಬೊಟೊಕ್ಸ್ ಹಾಕಿಸಿಕೊಳ್ಳಲು ಆಕೆ ಬಯಸಿದಳು!

ಸಿಂಗಾಪುರದ 32ರ ಹರೆಯದ ರಿಯಲ್ ಎಸ್ಟೇಟ್ ಏಜೆಂಟ್ ಆಗಿರುವ ಲೂ ಲಿ ತಿಂಗ್ ಎಂಬ ಯುವತಿಯು ತನ್ನ ಸೌಂದರ್ಯವನ್ನು ಹೆಚ್ಚಿಸಿಕೊಳ್ಳಲು ಒಂದು ಬ್ಯೂಟಿ ಕ್ಲಿನಿಕ್ ಗೆ ಹೋಗುವಳು. ತನ್ನ ಸೌಂದರ್ಯವನ್ನು ಪರಿಪೂರ್ಣವಾಗಿಸಿಕೊಳ್ಳಲು ಆಖೆ ಬೊಟೊಕ್ಸ್ ಇಂಜೆಕ್ಷನ್ ಹಾಕಿಸಿಕೊಳ್ಳಲು ಬಯಸಿದಳು.

ವೈದ್ಯರು ಇಂಜೆಕ್ಷನ್ ಚುಚ್ಚಿದ ವೇಳೆ

ಸೌಂದರ್ಯದ ವೈದ್ಯರು ಬೊಟೊಕ್ಸ್ ಇಂಜೆಕ್ಷನ್‌ನ್ನು ಆಕೆಗೆ ಚುಚ್ಚಿದ ವೇಳೆ ಆಕೆಗೆ ತುಂಬಾ ಮೈನಡುಕ ಆರಂಭವಾಯಿತು ಮತ್ತು ಕೆಲವೇ ಕ್ಷಣಗಳಲ್ಲಿ ಆಕೆ ಪ್ರಜ್ಞೆ ಕಳೆದುಕೊಂಡಳು.

ಇದನ್ನು ಆಕೆ ಮಾಡಿರುವುದು ಮೊದಲ ಸಲವಲ್ಲ!

ವರದಿಗಳು ಹೇಳುವ ಪ್ರಕಾರ ಲೂ ಬೊಟೊಕ್ಸ್ ಇಂಜೆಕ್ಷನ್ ನ್ನು ಹಾಕಿಸಿಕೊಂಡಿರುವುದು ಇದು ಮೊದಲ ಸಲವೇನಲ್ಲ. ಆಕೆಯ ಸಾವಿನ ಬಗ್ಗೆ ವೈದ್ಯರಿಗೆ ಯಾವುದೇ ಸುಳಿವು ಸಿಗುತ್ತಿಲ್ಲ. ಹೃದಯಾಘಾತದಿಂದಾಗಿ ಆಕೆ ಸಾವನ್ನಪ್ಪಿರಬಹುದು ಎಂದು ವೈದ್ಯರು ತಿಳಿಸಿದ್ದಾರೆ.

ಆಕೆ ಕೋಮಾಗೆ ಹೋದಳು

ಇಂಜೆಕ್ಷನ್ ಚುಚ್ಚಿಕೊಂಡ ದಿನ ಸಂಜೆ ವೇಳೆ ಆಕೆ ಕೋಮಾವಸ್ಥೆ ತಲುಪಿದಳು. ಇದರ ಬಳಿಕ ಆಕೆಗೆ ಕೃತಕ ಉಸಿರಾಟ ನೀಡಲಾಗಿತ್ತು ಮತ್ತು ಐದು ದಿನದ ಬಳಿಕ ಆಕೆ ಮೃತಪಟ್ಟಳು.

ಇತರ ಕ್ಲಿನಿಕ್‌ಗಳು ಕೂಡ ಈ ಸುದ್ದಿಯನ್ನು ಹಂಚಿಕೊಂಡವು

ಸಾವಿನ ಸುದ್ದಿಯು ಕಾಡ್ಗಿಚ್ಚಿನಂತೆ ಹಬ್ಬಲು ಶುರುವಾಗುತ್ತಿದ್ದಂತೆ ಇತರ ಕೆಲವು ಕ್ಲಿನಿಕ್‌ಗಳು ಈ ಸುದ್ದಿಯನ್ನು ತಮ್ಮ ಫೇಸ್ ಬುಕ್ ಪುಟದಲ್ಲಿ ಹಂಚಿಕೊಂಡವು ಮತ್ತು ಇದರಿಂದ ಅವರು ತಮ್ಮಲ್ಲಿಗ ಬರುವ ಗ್ರಾಹಕರ ಸಂಖ್ಯೆ ಕಡಿಮೆಯಾಗದಂತೆ ನೋಡಿಕೊಳ್ಳಲು ಪ್ರಯತ್ನಿಸಿದರು. ನೀವು ಈ ಸುದ್ದಿ ಬಗ್ಗೆ ಏನು ಹೇಳುತ್ತೀರಿ? ನಿಮ್ಮ ಅನಿಸಿಕೆಗಳನ್ನು ಕಮೆಂಟ್ ಬಾಕ್ಸ್ ಗೆ ಹಾಕಲು ಮರೆಯಬೇಡಿ.