ತನ್ನನ್ನು ಬಿಟ್ಟು ಹೋಗಿರುವ ತಾಯಿ ಹುಡುಕಾಟದಲ್ಲಿರುವ ಯುವತಿ-ವಿಡಿಯೋ ವೈರಲ್

ಕೆಲವೇ ಗಂಟೆಗಳಲ್ಲಿ ಆಕೆಯನ್ನು ಬಿಟ್ಟು ಹೋಗಲಾಗಿತ್ತು

ಜೆಸ್ಸಿಕಾ ಬೋಡ್ ರೈಟ್ ಎಂಬ 14ರ ಹರೆಯದ ಹುಡುಗಿಯ ವಿಡಿಯೋ ಈಗ ವೈರಲ್ ಆಗಿದೆ. ಆಕೆ ತಾಯಿಯು ತನಗೆ ಜನ್ಮ ನೀಡಿದ ಕೆಲವೇ ಗಂಟೆಯಲ್ಲಿ ಆಸ್ಪತ್ರೆ ಒಳಗಡೆ ತನ್ನನ್ನು ಬಿಟ್ಟು ಹೋಗುತ್ತಿರುವ ವಿಡಿಯೋವನ್ನು ಆಕೆ ವೀಕ್ಷಿಸಿದ್ದಾಳೆ.

ಆಕೆ ಮೊದಲ ಸಲ ಈ ವಿಡಿಯೋ ವೀಕ್ಷಿಸಿದ್ದಾಳೆ

ತನ್ನನ್ನು ಬಿಟ್ಟು ತೆರಳುತ್ತಿರುವಂತಹ ಸಿಸಿಟಿವಿ ದೃಶ್ಯಾವಳಿಗಳನ್ನು ನೋಡಿದ ಆಕೆಗೆ ದುಃಖ ತಡೆದುಕೊಳ್ಳಲು ಆಗಲಿಲ್ಲ. ಪೊಲೀಸ್ ಅಧಿಕಾರಿಗಳ ಪ್ರಕಾರ ಆಕೆಯ ತಾಯಿ ಕಾಣೆಯಾಗಿದ್ದಾರೆ ಮತ್ತು ಆಕೆಯನ್ನು ಪತ್ತೆ ಮಾಡಲು ಅವರಿಗೆ ಇದುವರೆಗೆ ಸಾಧ್ಯವಾಗಿಲ್ಲ.

ತನ್ನನ್ನು ದತ್ತು ತೆಗೆದುಕೊಂಡ ಪೋಷಕರು ತುಂಬಾ ಬೆಂಬಲ ನೀಡುತ್ತಾರೆ

ಜೆಸ್ಸಿಕಾಳನ್ನು ಬ್ರಾಡ್ ಮತ್ತು ಅನ್ನಾ ಬೋಟ್ ರೈಟ್ ದತ್ತು ಪಡೆದುಕೊಂಡಿದ್ದಾರೆ. ಜೆಸ್ಸಿಕಾಗೆ ತನ್ನ ಮೂಲ ತಾಯಿಯನ್ನು ಪತ್ತೆ ಮಾಡಲು ಇವರು ತುಂಬಾ ಬೆಂಬಲ ನೀಡುತ್ತಿದ್ದಾರೆ. ತನ್ನನ್ನು ಐದು ವರ್ಷದ ತನಕ ಸಾಕಿ ಸಲಹಿದ ತಾಯಿಯನ್ನು ಕೂಡ ಭೇಟಿಯಾಗಲು ತಾನು ಬಯಸಿದ್ದೇನೆ ಎಂದು ಜೆಸ್ಸಿಕಾ ಹೇಳಿದ್ದಾಳೆ.

ಮೂಲ ತಾಯಿಗೆ ಜೆಸ್ಸಿಕಾ ಸಂದೇಶ

ಮೂಲ ತಾಯಿಯನ್ನು ಭೇಟಿ ಮಾಡಲು ಜೆಸ್ಸಿಕಾ ಬಯಸಿದ್ದಾಳೆ. ನಾನು ನಿನ್ನನ್ನು ಪ್ರೀತಿಸುತ್ತೇನೆ, ನಾನು ನಿನ್ನನ್ನು ಭೇಟಿಯಾಗದೆ ಇದ್ದರೂ ಸಹಿತ. ಆಕೆ ತನ್ನನ್ನು ಬಿಟ್ಟು ಹೋಗಿರುವ ಬಗ್ಗೆ ಪಶ್ಚಾತ್ತಾಪ ಅಥವಾ ತಪ್ಪಿತಸ್ಥ ಭಾವನೆ ಹೊಂದುವುದು ಬೇಡ ಎಂದು ನಾನು ಆಕೆಗೆ ಹೇಳುತ್ತಿದ್ದೇನೆ ಎಂದು ಜೆಸ್ಸಿಕಾ ಸಂದೇಶ ನೀಡಿದ್ದಾಳೆ. ಜೆಸ್ಸಿಕಾ ತನ್ನ ತಾಯಿ ಹುಡುಕಾಟದಲ್ಲಿ ಇದ್ದಾಳೆ. ಆಕೆಯನ್ನು ಒಂದು ದಿನ ಭೇಟಿ ಮಾಡಿ ಬಿಗಿದಪ್ಪಿಕೊಳ್ಳಬೇಕು ಎನ್ನುವುದು ಆಕೆಯ ಆಸೆ. ಜಸ್ಸಿಕಾ ತನ್ನ ತಾಯಿಯನ್ನು ಭೇಟಿಯಾಗಲಿ ಮತ್ತು ಆಕೆಗೆ ತಾಯಿಯ ಪ್ರೀತಿಯು ಸಿಗಲಿ ಎನ್ನುವುದು ನಮ್ಮ ಹಾರೈಕೆ.