ಗಿನ್ನಿಸ್ ದಾಖಲೆಗೋಸ್ಕರ ಏನೆಲ್ಲಾ ಕಸರತ್ತು ಮಾಡುತ್ತಾರೆ ನೋಡಿ...

By Arshad
Subscribe to Boldsky

ನೀವು ಸ್ವತಃ ಅಥವಾ ಅಂತರ್ಜಾಲದ ಮಾಹಿತಿಯ ಮೂಲಕ ಕಂಡಿರುವ ಅತ್ಯಂತ ವಿಲಕ್ಷಣ ವಿಷಯ ಯಾವುದು? ನೆನಪಾಗಲು ಕೊಂಚ ಕಷ್ಟವಾದರೆ ಗಿನ್ನಿಸ್ ದಾಖಲೆಗಳ ಬಗ್ಗೆ ಕೊಂಚ ಅಂತರ್ಜಾಲದಲ್ಲಿ ಜಾಲಾಡಿದರೂ ಸಾಕು, ಸಾವಿರಾರು ವಿಲಕ್ಷಣ ಮಾಹಿತಿಗಳು ದೊರಕುತ್ತವೆ. ಅಷ್ಟಕ್ಕೂ ಗಿನ್ನಿಸ್ ದಾಖಲೆ ಇರುವುದೇ ಇಂತಹ ಅಸಂಬದ್ಧತೆಗಳನ್ನೇ ದಾಖಲು ಮಾಡಿಕೊಳ್ಳುವುದಕ್ಕಲ್ಲವೇ?

ಆದರೆ ಈ ಪಟ್ಟಿಯಲ್ಲಿ ಪ್ರವೇಶ ಪಡೆಯಲು ಕೇವಲ ಅಸಂಬದ್ಧ ಅಥವಾ ಅಪಾಯಕಾರಿಯಾದ ಅಥವಾ ನಾಲ್ಕಾಣೆಗೂ ಪ್ರಯೋಜನವಿಲ್ಲದ ಪ್ರಯತ್ನಗಳನ್ನು ಮಾಡಿ ಯಶಸ್ವಿಯಾದವರೇ ಅಧಿಕ. ಅಲ್ಲಲ್ಲಿ ನಡುನಡುವೆ ನಿಸರ್ಗದ ವೈಪರೀತ್ಯಗಳೂ ಕಾಣಬರುತ್ತವೆ. ಬನ್ನಿ, ಇಂತಹ ಕೆಲವು ವಿಲಕ್ಷಣ ಸಂಗತಿಗಳನ್ನು ನೋಡೋಣ::

ಇಂದಿನ ಲೇಖನದಲ್ಲಿ ಈ ಪುಸ್ತಕದಲ್ಲಿ ದಾಖಲು ಮಾಡಿಕೊಳ್ಳಲು ಈ ವ್ಯಕ್ತಿಗಳು ನಡೆಸಿದ ಯತ್ನ ಅಥವಾ ಅರ್ಹತೆ ನಿಮ್ಮನ್ನು ಇತರ ವಿಷಯಗಳಿಗಿಂತಲೂ ಹೆಚ್ಚು ಕುತೂಹಲಕಾರಿಯಾಗಿ ಕಾಣಿಸುವುದು ಖಂಡಿತ! ಇವರಲ್ಲಿ ಕೆಲವರು ತಮಗೆ ದೇವರು ನೀಡಿದ ದೈಹಿಕ ವೈಕಲ್ಯವನ್ನೇ ಅರ್ಹತೆಯಾಗಿಸಿದ್ದರೆ ಉಳಿದವರು ಬೇರೆ ಯಾರೂ ಯೋಚಿಸದೇ ಇದ್ದ ಕಾರ್ಯವನ್ನು ಎಸಗಿ ಎಲ್ಲರೂ ಭೇಷ್ ಎನ್ನುತ್ತಾರೆ ಎಂಬ ಭ್ರಮೆಯನ್ನು ಮೂಡಿಸಿಕೊಂಡಿದ್ದಾರೆ. ಇದರಲ್ಲಿ ಪ್ರಮುಖವಾದವುಗಳ ಬಗ್ಗೆ ಅರಿಯೋಣ.

ಅತಿ ದೀರ್ಘವಾದ ಚುಂಬನ!

ಅತಿ ದೀರ್ಘವಾದ ಚುಂಬನ!

Images source

ಒಂದು ವ್ಯಾಲೈಂಟೈನ್ ದಿನದಂದು ಒಂದು ಜೋಡಿ ಎಷ್ಟು ಹೊತ್ತು ಚುಂಬಿಸಬಹುದು? ನಿಮ್ಮ ಲೆಕ್ಕ ನಿಮಿಷಗಳಲ್ಲಿದ್ದರೆ ನಿಮ್ಮ ಊಹೆಯನ್ನು ಇನ್ನೂ ವಿಸ್ತರಿಸಿ. ಘಂಟೆಗಲ್ಲ, ಘಂಟೆಗಳಿಗೆ! ಥಾಯ್ಲೆಂಡಿನ 'ಎಕ್ಕಾಚಾಯ್ ಮತ್ತು ಲಕ್ಸಾನಾ ತಿನರಾತ್' ಎಂಬ ಜೋಡಿ ಈ ದಿನ ಚುಂಬಿಸಲು ಪ್ರಾರಂಭಿಸಿ 58 ಗಂಟೆ, 35 ನಿಮಿಷ ಮತ್ತು 58 ಸೆಕೆಂಡ್ಸ್ ಕಾಲ ಸತತವಾಗಿ ಚುಂಬಿಸಿ ಈ ದಾಖಲೆ ಪಡೆದಿದ್ದಾರೆ. ಅಲ್ಲಿಯವರೆಗೆ ಇವರು ಊಟ, ನಿದ್ದೆ, ನಿಸರ್ಗದ ಕರೆ ಇವನ್ನೆಲ್ಲಾ ಹೇಗೆ ನಿಗ್ರಹಿಸಿಕೊಂಡಿದ್ದರು ಎಂಬುದೇ ದೊಡ್ಡ ಪ್ರಶ್ನೆ.

ಸುಪರ್-ಬಾಗುವ ಪಾದ

ಸುಪರ್-ಬಾಗುವ ಪಾದ

Images source

ಈ ವ್ಯಕ್ತಿಯ ಹೆಸರು ಮ್ಯಾಕ್ಸ್ವೆಲ್ ಡೇ. ಇವರು ಇಂಗ್ಲೆಂಡಿನವರು. ಇವರ ಪಾದಗಳು ಅತಿಯಾಗಿ ಬಾಗುವ ಗುಣ ಪಡೆದಿದೆ. ಇವರ ಬಲಪಾದ ಯಾರಿಗೂ ಸಾಧ್ಯವಿಲ್ಲದಷ್ಟು ಅಂದರೆ 157ಡಿಗ್ರಿಯವರೆಗೆ ತಿರುಗುತ್ತದೆ, ಅಂದರೆ ಹೆಚ್ಚೂಕಡಿಮೆ ಹಿಮ್ಮುಖವಾಗಿ. ಎಡಪಾದ 143 ಡಿಗ್ರಿಯವರೆಗೆ. ಇದರ ಹೊರತಾಗಿ ಎರಡೂ ಪಾದಗಳನ್ನು ಬಳಸಿ ಇವರು ನಿಂತೇ ಇದ್ದಂತೆ ಯಾರಿಗೂ ಸಾಧ್ಯವಾಗದಷ್ಟು ಹೆಚ್ಚು ಕೋನದಲ್ಲಿ ತಮ್ಮ ದೇಹವನ್ನು ತಿರುಗಿಸಬಲ್ಲರು. ಒಂದು ವೇಳೆ ಹೀಗೆ ಎರಡೂ ಪಾದಗಳನ್ನು ಹಿಮ್ಮುಖ ತಿರುಗಿಸಿ ನಮ್ಮ ಭಾರತದಲ್ಲೇನಾದರೂ ನಿಂತಿದ್ದರೆ ಇವರನ್ನು ಕಂಡವರು ತಕ್ಷಣ ಭೂತ ಎಂದು ತಿಳಿದುಕೊಳ್ಳುವ ಅಪಾಯವಿದೆ!

ಕಣ್ಣಿನಿಂದ ಹಾಲನ್ನು ಚಿಮ್ಮಿಸುವ ಪುರುಷ

ಕಣ್ಣಿನಿಂದ ಹಾಲನ್ನು ಚಿಮ್ಮಿಸುವ ಪುರುಷ

Images source

ತುರ್ಕಿ ದೇಶದ ಯಿಲ್ಮಾಜ್ ಎಂಬ ಪುರುಷರೊಬ್ಬರಿಗೆ ನಿಸರ್ಗ ಒಂದು ವಿಲಕ್ಷಣ ಶಕ್ತಿ ನೀಡಿದೆ. ಅದೆಂದರೆ ಕಣ್ಣಿನಿಂದ ಹಾಲನ್ನು ಚಿಮ್ಮಿಸುವುದು. ಅದೂ ಕೊಂಚ ದೂರಕ್ಕಲ್ಲ, ಬರೋಬ್ಬರಿ 279.5 ಸೆ.ಮೀ ದೂರಕ್ಕೆ. ಇದುವರೆಗೆ ಕಣ್ಣಿನಿಂದ ದ್ರವವನ್ನು ಚಿಮ್ಮಿಸುವವರು ಅಲ್ಲಲ್ಲಿ ಕಂಡುಬಂದಿದ್ದರೂ ಇಷ್ಟು ದೂರ ಚಿಮ್ಮಿಸಿದ ದಾಖಲೆ ಮಾತ್ರ ತುರ್ಕಿ ದೇಶ ಪಡೆದಿದೆ. ಈ ಅದ್ಭುತಕ್ಕೇನು ಕಾರಣ ಎಂದು ಪರಿಶೀಲಿಸಿದ ವೈದ್ಯರಿಗೆ ಇವರ ಕಣ್ಣಿನಲ್ಲಿರುವ ಕಣ್ಣೀರಿನ ಗ್ರಂಧಿ ಹಾಗೂ nasolacrimal ಅಥವಾ ಮೂಗು ಮತ್ತು ಕಣ್ಣಿನ ನಡುವಣ ಕೊಳವೆಯನ್ನು ಅತಿ ಹೆಚ್ಚಾಗಿ ಬಳಸಿರುವುದು ಗಮನಕ್ಕೆ ಬಂದಿದೆ.

ಜೀವಂತವಿರುವ ಅತಿ ಎತ್ತರದ ಪುರುಷ ಹಾಗೂ ಅತಿ ಕಿರಿಯ ಮಹಿಳೆ

ಜೀವಂತವಿರುವ ಅತಿ ಎತ್ತರದ ಪುರುಷ ಹಾಗೂ ಅತಿ ಕಿರಿಯ ಮಹಿಳೆ

Images source

ಈ ಜೋಡಿ ನಿಮಗೆ ಹೇಗೆನ್ನಿಸಬಹುದು? ತುರ್ಕಿಯ ಸುಲ್ತಾನ್ ಕೋಸೆನ್ ಎಂಬ ವ್ಯಕ್ತಿ 251 ಸೆ.ಮೀ (8.23 ಅಡಿ) ಎತ್ತರವಿದ್ದರೆ ನಮ್ಮ ಭಾರತದ ಜ್ಯೋತಿ ಆಮ್ಗೆ ಎಂಬ ಮಹಿಳೆ ಕೇವಲ 62.8 ಸೆ. ಮೀ (2.06) ಅಡಿ ಎತ್ತರವಿದ್ದಾಳೆ. ಈ ಅಳತೆಗಳೇ ಇವರಿಗೆ ವಿಶ್ವದ ಅತಿ ಎತ್ತರದ ಹಾಗೂ ಗಿಡ್ಡ ವ್ಯಕ್ತಿಗಳು ಎಂಬ ಪಟ್ಟವನ್ನು ಒದಗಿಸಿವೆ. ಹೋಲಿಕೆಯಲ್ಲಿ ಸುಲ್ತಾಲ್ ಜ್ಯೋತಿಯವರಿಗಿಂತ ನಾಲ್ಕು ಪಟ್ಟು ಹೆಚ್ಚು ಎತ್ತರವಾಗಿದ್ದಾರೆ.

ಅತಿ ಕಿರಿಯ ಸೊಂಟದ ಸುತ್ತಳತೆ ಇರುವ ಮಹಿಳೆ

ಅತಿ ಕಿರಿಯ ಸೊಂಟದ ಸುತ್ತಳತೆ ಇರುವ ಮಹಿಳೆ

Images source

ಹಿಂದಿನ ಶತಮಾನದಲ್ಲಿ ಮಹಿಳೆಯರ ಸೊಂಟ ಕಿರಿದಾಗಬೇಕೆಂದೇ ಸೊಂಟವನ್ನು ಅತಿಯಾಗಿಯೇ ಬಿಗಿಯಾಗಿಸುವ ಉಡುಪುಗಳನ್ನು ತೊಡಲಾಗುತ್ತಿತ್ತು. ಆದರೆ ಇದು ಆರೋಗ್ಯಕ್ಕೆ ಮಾರಕ ಎಂದು ಕಂಡುಬಂದ ಬಳಿಕ ಈಗ ಈ ವಿಧಾನವನ್ನು ಅನುಸರಿಸುತ್ತಿಲ್ಲವಾದರೂ ಸಪೂರವಾದ ಸೊಂಟ ಎಲ್ಲರ ಆಕರ್ಷಣೆಯ ಕೇಂದ್ರವಾಗುವುದು ಮಾತ್ರ ಸುಳ್ಳಲ್ಲ. ಅಮೇರಿಕಾದ ಕ್ಯಾಥಿ ಜುಂಗ್ ಎಂಬ ಮಹಿಳೆಗೆ ನಿಸರ್ಗ ಕೇವಲ 38.1 ಸೆ.ಮೀ ಯಷ್ಟು ಕಿರಿದಾದ ಸೊಂಟ ಒದಗಿಸುವ ಮೂಲಕ ವಿಶ್ವದಾಖಲೆಯನ್ನು ಪಡೆಯಲು ನೆರವು ನೀಡಿದೆ. ಇದುವರೆಗೆ ನೀವು ಕಿಮಿ ಕರ್ದಾಶಿಯನ್ ಮಾತ್ರವೇ ಕಿರಿಯ ಸೊಂಟ ಹಿರಿಯ ನಿತಂಬ ಪಡೆದಿರುವ ಮಹಿಳೆ ಎಂದು ತಿಳಿದಿದ್ದರೆ ಕ್ಯಾಥಿಯವರ ಸೊಂಟ ನೋಡಿದ ಬಳಿಕ ನಿಮ್ಮ ಅಭಿಪ್ರಾಯವನ್ನು ಅನಿವಾರ್ಯವಾಗಿ ಬದಲಿಸಿಕೊಳ್ಳಬೇಕಾಗುತ್ತದೆ. ಈ ಮಾಹಿತಿಗಳು ನಿಮಗೆ ಅಚ್ಚರಿ ಮೂಡಿಸಿದ್ದರೆ ಹಾಗೂ ಇನ್ನಷ್ಟು ರೋಚಕ ಮಾಹಿತಿಗಳನ್ನು ಪಡೆಯಲು ಈ ಪುಟವನ್ನು ಆಗಾಗ ಗಮನಿಸುತ್ತಿರಿ. ನಾವು ಇನ್ನಷ್ಟು ರೋಚಕ ಮಾಹಿತಿಗಳ ಬಗ್ಗೆ ಶೀಘ್ರವೇ ಹೆಚ್ಚಿನ ಲೇಖನಗಳನ್ನು ಒದಗಿಸಲಿದ್ದೇವೆ.

For Quick Alerts
ALLOW NOTIFICATIONS
For Daily Alerts

    English summary

    people with incredible bodies who made it to the guinness book of world records

    Here, we bring to you the list of the most bizarre cases of individuals who have gotten their names in the Guinness Book of World Records; and the reasons will definitely stun you. These are the people who have made a name for themselves, by either their physical appearance or due to the tactics they have applied to break the records. Check out the list and decide on your own on who must top this list.
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more