ಜ್ಯೋತಿಷ್ಯಾಸ್ತ್ರ: ಕನಸಿನಲ್ಲಿ ಹಾವು-ಮುಂಗುಸಿ ಕಂಡುಬಂದರೆ...

ಮುಂಗುಸಿ

ಹಿಂದೂ ಜ್ಯೋತಿಶ್ಯಾಸ್ತ್ರದ ಪ್ರಕಾರ ಒಂದು ವೇಳೆ ವ್ಯಕ್ತಿ ತನ್ನ ಕನಸಿನಲ್ಲಿ ಮುಂಗಿಸಿಯನ್ನು ಕಂಡರೆ ಇದೊಂದು ಶುಭಶಕುನವಾಗಿದೆ. ಈ ಕನಸು ಕಂಡವರಿಗೆ ಶೀಘ್ರವೇ ಹೆಚ್ಚಿನ ಸಂಪತ್ತು ಲಭಿಸಲಿದೆ ಎಂದು ನಂಬಲಾಗಿದೆ. ಅಲ್ಲದೇ ಮುಂಗುಸಿಯನ್ನು ಕನಸಿನಲ್ಲಿ ಕಂಡವರಿಗೆ ಇದುವರೆಗೆ ಪರಿಹರಿಸಲಾಗದ ಸಮಸ್ಯೆಗಳು ಶೀಘ್ರವೇ ಪರಿಹಾರ ಕಂಡುಕೊಳ್ಳುತ್ತವೆ ಹಾಗೂ ಜೀವನ ಸುಖಕರವಾಗುತ್ತದೆ ಎಂದು ನಂಬಲಾಗಿದೆ.

ಭೂತ

ನಮ್ಮಲ್ಲಿ ಹೆಚ್ಚಿನವರಿಗೆ ಕನಸಿನಲ್ಲಿ ಭೂತ ಕಾಣಿಸಿಕೊಳ್ಳುತ್ತದೆ. ಒಂದು ವೇಳೆ ತಮ್ಮ ಗತಿಸಿದ ತಂದೆ ತಾಯಿಗಳು ಕನಸಿನಲ್ಲಿ ಕಾಣಿಸಿಕೊಂಡರೆ ಕನಸು ಕಂಡ ವ್ಯಕ್ತಿ ಶೀಘ್ರವೇ ಹೊಸ ಸಂಬಂಧಕ್ಕೆ ಒಳಗಾಗುತ್ತಾನೆ/ಳೆ ಎಂದು ಜ್ಯೋತಿಶ್ಯಾಸ್ತ್ರ ತಿಳಿಸುತ್ತದೆ. ಒಂದು ವೇಳೆ ಕನಸಿನಲ್ಲಿ ತನ್ನ ಗತಿಸಿದ ಸ್ನೇಹಿತ/ಸ್ನೇಹಿತೆಯನ್ನು ಕಂಡರೆ ಆತ/ಆಕೆ ತನಗೆ ಇಷ್ಟವಿಲ್ಲದ ವ್ಯಕ್ತಿಯೊಂದಿಗೆ ದೀರ್ಘ ಪ್ರವಾಸಕ್ಕೆ ಶೀಘ್ರವೇ ಹೋಗಲಿದ್ದಾರೆ ಎಂದು ತಿಳಿದುಕೊಳ್ಳಬಹುದು.

ಮೀನು

ಒಂದು ವೇಳೆ ಕನಸಿನಲ್ಲಿ ಮೀನನ್ನು ಕಂಡರೆ ಈ ವ್ಯಕ್ತಿ ಭವಿಷ್ಯದಲ್ಲಿ ನಡೆಸುವ ಯಾವುದೇ ವ್ಯವಹಾರ ಯಶಸ್ವಿಯಾಗಲಿದೆ ಎಂದು ತಿಳಿಯಬಹುದು. ಆದರೆ, ಒಂದು ವೇಳೆ ಈ ಮೀನು ಆಕ್ರಮಣಶೀಲ ಪ್ರವೃತ್ತಿ ಹೊಂದಿದ್ದರೆ ಇದು ಆತನ/ಆಕೆಯಲ್ಲಿ ಅಡಕವಾಗಿರುವ ಋಣಾತ್ಮಕ ಶಕ್ತಿಗಳನ್ನು ಬಿಂಬಿಸುತ್ತದೆ.

ಮದ್ಯ

ಒಂದು ವೇಳೆ ವ್ಯಕ್ತಿ ತನ್ನ ಕನಸಿನಲ್ಲಿ ಮದ್ಯವನ್ನು ಕಂಡರೆ ಇದರ ಅರ್ಥ ಆತ/ಆಕೆ ದೃಢಸಂಕಲ್ಪದ ವ್ಯಕ್ತಿಯಾಗಿದ್ದಾರೆ ಎಂದು ತಿಳಿದುಕೊಳ್ಳಬಹುದು. ಅಲ್ಲದೇ ಈ ವ್ಯಕ್ತಿ ಮಹತ್ವಾಕಾಂಕ್ಷಿ ಹಾಗೂ ತಮ್ಮ ಗುರಿಯನ್ನು ಸಾಧಿಸಲು ಯಾವುದೇ ಬಗೆಯ ಕಷ್ಟಗಳನ್ನು ಎದುರಿಸಲು ಸಿದ್ದರಾಗಿರುತ್ತಾರೆ ಎಂದು ಅರ್ಥವಾಗಿದೆ.

ನೀರು

ಕನಸಿನಲ್ಲಿ ನೀರನ್ನು ಕಂಡರೆ ಇದರ ಅರ್ಥ ವಿವಿಧ ರೂಪಗಳನ್ನು ಪಡೆಯುತ್ತದೆ. ಹೆಚ್ಚಿನ ಸಂದರ್ಭಗಳಲ್ಲಿ ಈ ಕನಸುಗಳನ್ನು ಕಾಣುವ ವ್ಯಕ್ತಿಗಳು ಹೆಚ್ಚು ತೊಂದರೆಯಲ್ಲಿ ಸಿಲುಕಿರುವುದನ್ನು ಇದು ಬಿಂಬಿಸುತ್ತದೆ. ಒಂದು ವೇಳೆ ಈ ನೀರು ಕೆಸರಿನಂತಿದ್ದರೆ ಈ ವ್ಯಕ್ತಿ ಹಲವು ಬಗೆಯ ಋಣಾತ್ಮಕ ಶಕ್ತಿಗಳಿಂದ ಸುತ್ತುವರೆದಿರುತ್ತಾನೆ.

ಹಾವು

ಕನಸಿನಲ್ಲಿ ಕ೦ಡುಬರುವ ಸರ್ಪವು ವ್ಯಕ್ತಿಯ ಅತ್ಯ೦ತ ಪ್ರಬಲವಾದ ಲೈ೦ಗಿಕ ವಾ೦ಛೆಯನ್ನು ಪ್ರತಿನಿಧಿಸುತ್ತದೆ. ವ್ಯಕ್ತಿಯೋರ್ವನು/ಳು ತನ್ನ ಕನಸಿನಲ್ಲಿ ಕಪ್ಪು ಬಣ್ಣದ ಹಾವನ್ನು ಕ೦ಡನು/ಳು ಎ೦ದಾದಲ್ಲಿ, ಅದರ ಭಾವಾರ್ಥವೇನೆ೦ದರೆ, ಆತನು/ಆಕೆಯು ತನ್ನ ಸ೦ಗಾತಿಯೊಡನೆ ಕೆಲವೊ೦ದು ಅತ್ಯ೦ತ ಸನಿಹದ ಅಥವಾ ಆತ್ಮೀಯ ಕ್ಷಣಗಳನ್ನು ಕಳೆಯುವುದಕ್ಕಾಗಿ ಹಾತೊರೆಯುತ್ತಿರುವನು/ಳು ಎ೦ದಾಗಿರುತ್ತದೆ.

ಯುವತಿ

ಒಂದು ವೇಳೆ ಕನಸಿನಲ್ಲಿ ಯುವತಿಯೋರ್ವಳನ್ನು ಕಂಡರೆ ಇದು ಆತನ/ಆಕೆಯ ಬಗ್ಗೆ ಏನೋ ಒಳ್ಳೆಯದಾಗುತ್ತದೆ ಎಂದು ತಿಳಿದುಕೊಳ್ಳಬಹುದು. ಭವಿಷ್ಯದಲ್ಲಿ ಕೈಗೊಳ್ಳುವ ಯಾವುದೇ ಉದ್ಯಮದಲ್ಲಿ ಒಳ್ಳೆಯದಾಗುತ್ತದೆ ಎಂಬುದು ಈ ಕನಸಿನ ಮುನ್ಸೂಚನೆಯಾಗಿದೆ.