ಮೀನಿಗೆ ಕಿಸ್ ಮಾಡಿದ ತಪ್ಪಿಗೆ, ಈತ ಸಾವಿನ ಬಾಗಿಲು ತಟ್ಟುವಂತಾಯಿತು!!

ಈ ಮೀನುಗಾರನಿಗೆ ಈ ಮೀನನ್ನು ಹಿಡಿದ ಬಗ್ಗೆ ಹೆಮ್ಮೆ ಇತ್ತು

ಬ್ರಿಟಿಷ್ ನಾಗರಿಕರಾಗಿರುವ ಸ್ಯಾಮ್ ಕ್ವಿಲ್ಲಿಂ ಎಂಬ ಪುರುಷನೇ ಈ ಮೀನುಗಾರನಾಗಿದ್ದು ಈತನಿಗೆ ತಾನು ಹಿಡಿದ ಮೀನಿನ ಬಗ್ಗೆ ಅತೀವವಾದ ಹೆಮ್ಮೆ ಇತ್ತು. ಮೀನು ಹಿಡಿದ ಸಂಭ್ರಮದಲ್ಲಿ ಎರಡೂ ಕೈಗಳಿಂದ ಮೀನನ್ನು ಹಿಡಿದು ಅದರ ಮುಖಕ್ಕೆ ಚುಂಬಿಸಲು ಮುಂದಾದ.

ಈ ಮೀನುಗಾರನಿಗೆ ಈ ಮೀನನ್ನು ಹಿಡಿದ ಬಗ್ಗೆ ಹೆಮ್ಮೆ ಇತ್ತು

ಇದೊಂದು ಸುಮಾರು ಆರಿಂಚು ಉದ್ದದ, ನಮ್ಮ ತೊಳ್ಳೆಮೀನನ್ನೇ ಹೋಲುವ ಡೋವರ್ ಸೋಲ್ ಎಂಬ ಮೀನಾಗಿದ್ದು ಕೈಗಳಿಂದ ಸುಲಭವಾಗಿ ಜಾರಿಹೋಗುತ್ತಿತ್ತು. ಯಾವಾಗ ಈತ ಮೀನನ್ನು ಚುಂಬಿಸಲು ತನ್ನ ತುಟಿಗಳನ್ನು ಮೀನಿನ ತುಟಿಗಳ ಹತ್ತಿರ ತಂದನೋ ಇಲ್ಲವೋ, ಕ್ಷಣಾರ್ಧದಲ್ಲಿ ಆತನ ಜೀವಮಾನದ ಆಘಾತದ ಘಟನೆ ನಡೆದೇ ಹೋಯ್ತು.

ಇವೆಲ್ಲಾ ಕ್ಷಣಾರ್ಧದಲ್ಲಿ ನಡೆದುಹೋಯಿತು

ವರದಿಗಳ ಪ್ರಕಾರ, ಇನ್ನೂ ಜೀವಂತವಿದ್ದ ಮೀನು ಕ್ಷಣಾರ್ಧದಲ್ಲಿ ಆತನ ಕೈಗಳಿಂದ ಜಾರಿ ನೇರವಾಗಿ ಬಾಯಿಯ ಮೂಲಕ ಗಂಟಲ ಒಳಗೆ ನುಗ್ಗೇ ಬಿಟ್ಟಿತ್ತು. ಹೆಚ್ಚೂ ಕಡಿಮೆ ಗಂಟಲಿನ ಒಳವ್ಯಾಸಕ್ಕೂ ಕೊಂಚ ಹೆಚ್ಚೇ ದಪ್ಪ ಇದ್ದ ಈ ಮೀನು ಆತನ ಗಂಟಲೊಳಗೆ ಸಿಲುಕಿಕೊಂಡು ಉಸಿರು ಕಟ್ಟಿಸಿಬಿಟ್ಟಿತು. ಮಾನಸಿಕ ಆಘಾತಕ್ಕೆ ಒಳಗಾದ ಈತ ಆ ಕ್ಷಣಕ್ಕೆ ಲಘು ಹೃದಯಾಘಾತವನ್ನೂ ಅನುಭವಿಸಿದ!

ಮೀನನ್ನು ಹೊರತೆಗೆಯಲು ವೈದ್ಯರು ಶ್ರಮಪಡಬೇಕಾಯಿತು

ತಕ್ಷಣವೇ ಅಲ್ಲಿದ್ದವರು ಅಂಬ್ಯುಲೆನ್ಸ್ ಕರೆಮಾಡಿದ ಬಳಿಕ ಕೆಲವೇ ನಿಮಿಷಗಳಲ್ಲಿ ಆಗಮಿಸಿದ ವೈದ್ಯರು ಇನ್ನೂ ಜೀವಂತವಿದ್ದ ಮೀನನ್ನು ಹೊರತೆಗೆದು ಈತನ ಪ್ರಾಣ ರಕ್ಷಿಸಲು ತಮ್ಮ ವಿದ್ಯೆಯನ್ನೆಲ್ಲಾ ಖರ್ಚು ಮಾಡಬೇಕಾಯಿತು. ಏಕೆಂದರೆ ಗಂಟಲೊಳಗೆ ಸಿಲುಕಿಕೊಂಡಿದ್ದ ಮೀನು ಅಲುಗಾಡಿದರೆ ಅವರ ಸೂಕ್ಷ್ಮ ಅಂಗಗಳಿಗೆ ಘಾಸಿಯಾಗುವ ಸಂಭವವಿತ್ತು.

ವೈದ್ಯರ ವಿವರಣೆ

"ಪರಿಸ್ಥಿತಿಯನ್ನು ಕಂಡ ಬಳಿಕ ಈ ಪ್ರಯತ್ನ ಎಷ್ಟು ಗಂಭೀರವಾದುದು ಎಂದು ಮನದಟ್ಟಾಗಿತ್ತು. ಏಕೆಂದರೆ ಮೀನು ಇನ್ನೂ ಜೀವಂತವಿತ್ತು ಹಾಗೂ ಈಗಾಗಲೇ ಗಂಟಲಿನಿಂದ ಸಾಕಷ್ಟು ಒಳಗೆ ಹೋಗಿ ಆಗಿತ್ತು. ಮೀನಿನ ಬಾಲವೊಂದನ್ನು ಹಿಡಿಯುವುದು ಬಿಟ್ಟು ಬೇರೇನೂ ಹಿಡಿಯಲು ಇರಲೇ ಇಲ್ಲ.

ವೈದ್ಯರ ವಿವರಣೆ

ಒಂದು ವೇಳೆ ಬಾಲ ತುಂಡಾಗಿ ಹೋದರೆ ಮೀನು ಇನ್ನಷ್ಟು ಹೆಚ್ಚಿನ ಒತ್ತಡದಿಂದ ಒಳನುಗ್ಗುವ ಸಂಭವವಿತ್ತು. ಮೀನನ್ನು ಹೊರತೆಗೆಯುವುದು ಅವಶ್ಯವಾಗಿತ್ತು ಹಾಗೂ ಸಮೀಪದ ಆಸ್ಪತ್ರೆಯಾಗಿರುವ ರಾಯಲ್ ಬೋರ್ನ್ಮೌಥ್ ಆಸ್ಪತ್ರೆ ಸೇರುವಷ್ಟೂ ನಮಗೆ ಸಮಯಾವಕಾಶವಿರಲಿಲ್ಲ"

ಅದೃಷ್ಟವಶಾತ್, ಮೀನನ್ನು ಹೊರತೆಗೆಯಲಾಯ್ತು

ಧೃತಿಗೆಡದ ಈ ವೈದ್ಯರು ಮೀನಿನ ಬಾಲದ ಭಾಗದ ಬುಡವನ್ನೇ ತಮ್ಮೆಲ್ಲಾ ಶಕ್ತಿ ಒಗ್ಗೂಡಿಸಿ ಹಿಂದೆ ಎಳೆದರು. ಮೀನಿನ ಕಿವಿರುಗಳು ಅರಳಿ ಶ್ವಾಸನಾಳವನ್ನು ಪೂರ್ಣವಾಗಿ ಮುಚ್ಚಿತ್ತು. ಕೂಡಲೇ ಇತರ ವೈದ್ಯರು ಹೃದಯಾಘಾತಕ್ಕೆ ಒಳಗಾಗಿದ್ದ ರೋಗಿಗೆ ಅಗತ್ಯ ನೆರವು ನೀಡುವ ಮೂಲಕ ಹೃದಯದ ಬಡಿತ ಮತ್ತೊಮ್ಮೆ ಬಡಿಯಲು ಪ್ರಾರಂಭಿಸಲು ನೆರವಾದರು.

ಅದೃಷ್ಟವಶಾತ್, ಮೀನನ್ನು ಹೊರತೆಗೆಯಲಾಯ್ತು

ಕೊಂಚ ಕಾಲದ ಬಳಿಕ ರೋಗಿ ಚೇತರಿಸಿಕೊಂಡರು. ವೈದ್ಯರ ಸಕಾಲಿಕ ನೆರವು ಹಾಗೂ ಅಕ್ಕಪಕ್ಕದಲ್ಲಿದ್ದವರು ತಕ್ಷಣವೇ ವೈದ್ಯರನ್ನು ಕರೆಸಿದ ಪರಿಣಾಮವಾಗಿ ಇವರ ಜೀವ ಉಳಿಯುವಂತಾಯ್ತು. ಇನ್ನೆಂದೂ ಮೀನನ್ನು ಚುಂಬಿಸಲಾರೆ ಎಂದು ಅವರು ಈಗಾಗಲೇ ಭೀಷ್ಮ ಪ್ರತಿಜ್ಞೆ ಮಾಡಿರಬಹುದು!!

Image Source