ಏನೋ ಮಾಡುವುದಕ್ಕೆ ಹೋಗಿ, ಕೊನೆಗೆ ಕುರೂಪಿ ಕುರಿಮರಿ ಜನನವಾಯಿತು!

ಅರ್ಜಿಂಟೀನಾ ದಲ್ಲಿ ಹುಟ್ಟಿದೆ ಈ ಕುರಿಮರಿ

ನೋಡಲಿಕ್ಕೆ ಹೆಚ್ಚೂ ಕಡಿಮೆ ಮಾನವ ಮುಖವನ್ನೇ ಹೋಲುವ ಈ ಕುರಿಮರಿ ಅರ್ಜೆಂಟೀನಾ ದೇಶದಲ್ಲಿ ಹುಟ್ಟಿದ್ದು. ಇದರ ಮಾಲಕಿ ಕುರಿಮರಿಯ ಮುಖ ನೋಡಿದ ತಕ್ಷಣ ಅತ್ಯಂತ ಸೋಜಿಗಗೊಂಡಿದ್ದಾರೆ. ಭೂತವನ್ನೇ ನೋಡಿದಂತೆ ಇವರು ಬೆಚ್ಚಿಬಿದ್ದಿದ್ದು ಯಾವುದೋ ಪ್ರೇತಾತ್ಮವೇ ಕುರಿಮರಿಯ ರೂಪದಲ್ಲಿ ತಮ್ಮ ಮನೆಯಲ್ಲಿ ಹುಟ್ಟಿದೆ ಎಂದು ತಿಳಿದುಕೊಂಡು ಗಾಬರಿಯಾಗಿದ್ದಾರೆ.

ಆದರೆ ಈ ಕುರಿಮರಿ ಜೀವಿಸಿದ್ದು ಕೇವಲ ಮೂರು ಗಂಟೆ ಮಾತ್ರ

ಈ ಕುರಿಮರಿಯ ಕಣ್ಣುಗಳು ಗುಡ್ಡೆಗಳಿಂದ ಹೊರಚಾಚಿದಂತಿದ್ದು ಭಯ ಹುಟ್ಟಿಸುವಂತಿತ್ತು. ಅರ್ಜೆಂಟೀನಾದ ಮಧ್ಯಭಾಗದಲ್ಲಿರುವ ಸ್ಯಾನ್ ಲೂವಿಸ್ ಎಂಬ ಪ್ರದೇಶದಲ್ಲಿ ಈ ಪ್ರಕರಣ ವರದಿಯಾಗಿದೆ. ಹುಟ್ಟಿದ ಮೂರೇ ಘಂಟೆ ಈ ಕುರಿಮರಿ ಬದುಕಿತ್ತು ಎಂದು ಇದರ ಮಾಲಕಿ ತಿಳಿಸಿದ್ದಾರೆ.

ಮಾಲಕಿಯ ವಿವರಣೆಯ ಪ್ರಕಾರ

ಈ ಭಯಾನಕ ರೂಪದ ಕುರಿಮರಿಯ ಬಗ್ಗೆ ಇದರ ಮಾಲಕಿ ನೀಡಿರುವ ವಿವರಗಳ ಪ್ರಕಾರ ಈ ಕುರಿಮರಿಯ ಮುಖವನ್ನು ಬಿಟ್ಟು ಇತರ ಅಂಗಗಳೆಲ್ಲಾ ಸಾಮಾನ್ಯ ಆಕಾರ ಹಾಗೂ ಗಾತ್ರವನ್ನು ಪಡೆದಿದ್ದವು. ಆದರೆ ತಲೆಯಲ್ಲಿ ಮಾತ್ರವೇ ವಿರೂಪತೆ ಇತ್ತು. ಇದು ಎಲ್ಲೋ ಕೋಟಿಗೊಂದು ಪ್ರಕರಣದಲ್ಲಿ ಸಂಭವಿಸುವ ವಿದ್ಯಮಾನವಾಗಿರಬಹುದು. ಅಲ್ಲದೇ ಈ ಮರಿ ಉಸಿರಾಡಲು ಕಷ್ಟಪಡುತ್ತಿತ್ತು. ಸಮಯ ಕಳೆದಂತೆ ಇದು ನಿತ್ರಾಣವಾಗುತ್ತಾ ಹೋಗಿ ಮೂರು ಘಂಟೆಗಳ ಬಳಿಕ ಸಾವನ್ನಪ್ಪಿತು.

ಈಗ ಈ ಚಿತ್ರಗಳು ವೈರಲ್ ಆಗಿವೆ

ಇವರ ಸೊಸೆ ತಕ್ಷಣವೇ ತನ್ನ ಮೊಬೈಲಿನಿಂದ ಈ ಕುರಿಮರಿಯ ಚಿತ್ರಗಳನ್ನು ತೆಗೆದು ಸಾಮಾಜಿಕ ತಾಣದಲ್ಲಿರುವ ತಮ್ಮ ಖಾತೆಯ ಮೂಲಕ ಹಂಚಿಕೊಂಡಿದ್ದಾರೆ. ಕೆಲವೇ ನಿಮಿಷಗಳಲ್ಲಿ ಈ ಚಿತ್ರಗಳು ವೈರಲ್ ಆಗಿದ್ದು ನೋಡಿರುವ ಎಲ್ಲರ ಎದೆಯಲ್ಲಿಯೂ ಅವಲಕ್ಕಿ ಕುಟ್ಟಿಸಿದೆ.

ಈ ಪ್ರಾಣಿ-ಪಕ್ಷಿಗಳಿಂದ ನಾವು ನೋಡಿ ಕಲಿಯುವುದು ಸಾಕಷ್ಟಿದೆ..

ಇದಕ್ಕೂ ಮುನ್ನ ಒಂದು ಹಸುವಿನ ಕರುವೂ ಹೀಗೇ ಜನಿಸಿತ್ತು

ವರದಿಗಳ ಪ್ರಕಾರ ಇಂತಹ ಪ್ರಕರಣಗಳು ಇತ್ತೀಚಿನ ದಿನಗಳಲ್ಲಿ ಹೆಚ್ಚು ಹೆಚ್ಚಾಗಿ ಬೆಳಕಿಗೆ ಬರುತ್ತಿವೆ. ಭಾರತದ ಉತ್ತರ ಪ್ರದೇಶದಲ್ಲಿ ಹಸುವಿನ ಕರುವೊಂದು ಜನಿಸಿದ್ದು ಮಾನವ ಮುಖವನ್ನೇ ಹೋಲುವ ಕಣ್ಣು, ಮೂಗು ಮತ್ತು ಕಿವಿಗಳನ್ನು ಹೊಂದಿತ್ತು.