ಅಚ್ಚರಿ: ಕಣ್ಮರೆ ಆಗಲು ಸಜ್ಜಾಗುತ್ತಿದೆ ವಿಶ್ವದ ಪ್ರತಿಷ್ಠಿತ ನಗರಗಳು!

ಬ್ಯಾಂಕಾಕ್

ಭೂಲೋಕದ ಈ ಸ್ವರ್ಗವು ಸಹ ತನ್ನ ಅಮರತ್ವವನ್ನು ಕಳೆದುಕೊಂಡು ಸಮುದ್ರದಲ್ಲಿ ಲೀನಗೊಳ್ಳಲಿದೆ. ಈ ನಗರದ ಒಳಗೆ ಇರುವ ಅಂತರ್ಜಲವು ಈ ನಗರವನ್ನು ದುರ್ಬಲಗೊಳಿಸಿ ನಾಮಾವಶೇಷ ಮಾಡುತ್ತದೆ ಎಂದು ಹೇಳಲಾಗುತ್ತಿದೆ.

ಸ್ಯಾನ್ ಫ್ರಾನ್ಸಿಸ್ಕೋ

ಅಮೆರಿಕಾದಲ್ಲಿರುವ ಈ ಅದ್ಭುತ ನಗರವು ಸಹ ಕಣ್ಮರೆಯಾಗಲಿರುವ ನಗರಗಳ ಪಟ್ಟಿಯಲ್ಲಿ ಸ್ಥಾನ ಪಡೆದಿದೆ ಎಂದರೆ ಆಶ್ಚರ್ಯದ ಜೊತೆಗೆ ಬೇಸರ ಸಹ ಆಗುತ್ತದೆ. ವರದಿಗಳ ಪ್ರಕಾರ ಈ ನಗರವು ಪ್ರಮುಖ ಫಾಲ್ಟ್ ಲೈನ್‌ನಲ್ಲಿದೆಯಂತೆ!. ಅಂದರೆ ಈ ನಗರವು ಭೂಕಂಪದಿಂದ ಹಾಳಾಗುವ ಸಾಧ್ಯತೆ 75% ಅಂದರೆ, ಈ ನಗರದ ಭವಿಷ್ಯದ ಕುರಿತು ನಿಮಗೆ ಇನ್ನೂ ನಂಬಿಕೆಯಿದೆಯೇ? ತಜ್ಞರ ಪ್ರಕಾರ ಈ ನಗರವು ಭೂಕಂಪದಿಂದ ನೆಲಸಮವಾಗುವುದು ಖಚಿತವಂತೆ.

ವೇನಿಸ್

ಜಗತ್ತಿನ ಅತ್ಯಂತ ಸುಂದರವಾದ ನಗರ ಯಾವುದೆಂದರೆ ವೇನಿಸ್ ಎಂದು ಹೇಳುತ್ತಾರೆ ಬಹುತೇಕ ಮಂದಿ. ದುರದೃಷ್ಟವಶಾತ್ ಈ ನಗರವು ಸಹ ಸಂಪೂರ್ಣವಾಗಿ ಕಣ್ಮರೆಯಾಗುತ್ತದೆಯಂತೆ. ಪ್ರತಿದಿನ ಈ ನಗರವು ಅಕ್ಷರಶಃ ನೀರಿನಲ್ಲಿ ಮುಳುಗಡೆಯಾಗುತ್ತಿದೆ. ಕಟ್ಟಡಗಳು ಪ್ರತಿದಿನ ಜಲಾವೃತವಾಗುತ್ತಿವೆ.

ಮೆಕ್ಸಿಕೊ

ಮೆಕ್ಸಿಕೊದ ಬಹುತೇಕ ಭಾಗವು ಸರೋವರದ ಒಣ ದಡದ ಮೇಲೆ ನಿರ್ಮಾಣಗೊಂಡಿದೆ. ಆದರೆ ಪ್ರತಿ ವರ್ಷವು ಈ ನಗರವು ನಾಲ್ಕು ಇಂಚಿನಷ್ಟು ಮುಳುಗಡೆಯಾಗುತ್ತಲೆ ಸಾಗುತ್ತಿದೆ. ಕಳೆದ ನಲವತ್ತು ವರ್ಷಗಳಲ್ಲಿ ಈ ನಗರವು 10 ಮೀಟರ್‌ಗಳಷ್ಟು ಮುಳುಗಡೆಯಾಗಿದೆಯಂತೆ!

ನೇಪಾಳ

ಇದು ಜಗತ್ತಿನ ಅತ್ಯಂತ ಹಳೆಯ ನಗರಗಳಲ್ಲಿ ಒಂದಾಗಿದೆ. ಇದು ಜಗತ್ತಿನ ಅತ್ಯಂತ ಪ್ರಮುಖ ಪ್ರವಾಸಿ ತಾಣಗಳಲ್ಲಿ ಒಂದಾಗಿದೆ. ಈ ನಗರವು ಮೌಂಟ್ ವೆಸುವಿಯಸ್ ಪಕ್ಕದಲ್ಲಿಯೇ ನೆಲೆಗೊಂಡಿದೆ. ಈ ಪರ್ವತವು ಅಂತಿಂತಹ ಪರ್ವತವಲ್ಲ. ಅದು ಜ್ವಾಲಾಮುಖಿಯನ್ನು ಹೊಂದಿರುವ ಪರ್ವತ. ಈ ಜ್ವಾಲಾಮುಖಿಯು ಕ್ರಿ.ಶ 79 ರಲ್ಲಿ ಪೊಂಪೇ ನಗರವನ್ನು ಸರ್ವನಾಶ ಮಾಡಿದ ಜ್ವಾಲಾಮುಖಿ!. ಈ ಜ್ವಾಲಾಮುಖಿ ಈಗಲೂ ಸಕ್ರಿಯವಾಗಿದ್ದು, ಯಾವಾಗ ಬೇಕಾದರು ಇದು ಬೆಂಕಿ ಕಾರುತ್ತದೆ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.