ಉದ್ಯೋಗವೆಂದರೆ ಹೀಗಿರಬೇಕು-ಕೈ ತುಂಬಾ ಸಂಬಳ ಸಿಗಬೇಕು!

ಬಿಸಿನೆಸ್ ಅನಾಲಿಟಿಕ್ಸ್

ಪ್ರಸ್ತುತ ದಿನಗಳಲ್ಲಿ ಈ ಉದ್ಯೋಗ ಅತಿ ಹೆಚ್ಚಿನ ಬೇಡಿಕೆ ಪಡೆದಿದ್ದು ಭಾರತದಲ್ಲಿ ಅತಿ ಹೆಚ್ಚಿನ ವೇತನ ನೀಡಲಾಗುತ್ತಿರುವ ವೇತನವಾಗಿದೆ. ಇಂದು ಇ-ಕಾಮರ್ಸ್ ಅಥವಾ ಆನ್ಲೈನ್ ಮತ್ತು ಬಹುವಿಧದ ಉತ್ಪನ್ನಗಳ ಭಾರೀ ಮಳಿಗೆಗಳ ಮೂಲಕ ವ್ಯಾಪಾರವನ್ನು ಹೆಚ್ಚಿಸುವ ಮತ್ತು ಕುದುರಿಸುವ ಮುಖ್ಯ ನಿರ್ಧಾರಗಳನ್ನು ಪಡೆಯುವ ಕೆಲಸ ಇವರದ್ದಾಗಿದ್ದು ಜವಾಬ್ದಾರಿಯುತವೂ ಆಗಿದೆ. ಈ ಉದ್ಯೋಗ ಪಡೆಯಲು ಗಣಿತದಲ್ಲಿ ಮೇಧಾವಿಯಾಗಿರುವುದು ಮಾತ್ರ ಖಂಡಿತಾ ಅಗತ್ಯ. ಹಾಗಾಗಿ ಸಾಮಾನ್ಯರಿಗೆ ಈ ಉದ್ಯೋಗ ಲಭಿಸುವ ಸಾಧ್ಯತೆ ಕಡಿಮೆ.

ಬ್ಯಾಂಕಿಂಗ್ ಕ್ಷೇತ್ರದಲ್ಲಿ ಹೂಡಿಕೆದಾರ

ಈ ಕೆಲಸದಲ್ಲಿ ಬ್ಯಾಂಕುಗಳಿಗೆ ಭಾರೀ ಪ್ರಮಾಣದ ಹಣವನ್ನು ಇತರರಿಂದ ಹೂಡಿಸಬಲ್ಲ ಚಾಕಚಕ್ಯತೆ ಇರುವ ವ್ಯಕ್ತಿಗಳಿಗೆ ಭಾರೀ ಬೇಡಿಕೆ ಇದ್ದು ಇವರು ತರುವ ಹೂಡಿಕೆಗಳ ಮೊತ್ತದ ಮೇಲೆ ಇವರಿಗೆ ಸಂಭಾವನೆ ಸಿಗುತ್ತದೆ.

ಮ್ಯಾನೇಜ್ಮೆಂಟ್ ಕುಶಲಕರ್ಮಿ

ಯಾವುದೇ ಸಂಸ್ಥೆಯ ಯಶಸ್ಸಿಗೆ ನೇರವಾಗಿ ಕಾರಣರಾಗಿರುವ ಈ ವ್ಯಕ್ತಿಗಳು ಸಂಸ್ಥೆಯ ಒಟ್ಟಾರೆ ಕಾರ್ಯವೈಖರಿ, ಉತ್ಪನ್ನಗಳು, ಮಾರುಕಟ್ಟೆ, ವಿನ್ಯಾಸ ಮೊದಲಾದವುಗಳನ್ನೆಲ್ಲಾ ನಿರ್ವಹಿಸುವ ಮೂಲಕ ಅತಿ ಹೆಚ್ಚಿನ ಲಾಭ ಪಡೆಯಲು ನೆರವಾಗುತ್ತಾರೆ. ಪ್ರಸ್ತುತ ಈ ವ್ಯಕ್ತಿಗಳು ಪಡೆಯುವ ವೇತನ ಭಾರತದಲ್ಲಿ ಮೂರನೆಯ ಅತಿ ಹೆಚ್ಚಿನದ್ದಾಗಿದೆ.

ಚಾರ್ಟರ್ಡ್ ಅಕೌಂಟೆಂಟ್

ಪ್ರಸ್ತುತ ಅತಿ ಹೆಚ್ಚು ವೇತನದಲ್ಲಿ ನಾಲ್ಕನೆಯ ಸ್ಥಾನ ಪಡೆದಿರುವ ಈ ಉದ್ಯೋಗಕ್ಕೆ ಸಾಮಾನ್ಯವದ ವಾಣಿಜ್ಯ ಪದವಿ ಸಾಕಾಗದು. ಬದಲಿಗೆ ವಾಣಿಜ್ಯ ವಿಷಯದಲ್ಲಿ ಅತಿಹೆಚ್ಚಿನ ಕ್ಷಮತೆ ಹಾಗೂ ವಾಸ್ತವಿಕ ಅಂಕಿಅಂಶಗಳನ್ನು ಕಲೆಹಾಕಿ ಸಂಸ್ಥೆಯನ್ನು ಲಾಭದತ್ತ ಕೊಂಡೊಯ್ಯುವವರಿಗೆ ಮಾತ್ರ ಈ ಉದ್ಯೋಗ ಲಭ್ಯ.

ಸಾಫ್ಟ್ ವೇರ್ ಉದ್ಯೋಗಿಗಳು

ಒಂದು ದಿನದಲ್ಲಿ ಅತಿ ಹೆಚ್ಚಿನ ವೇತನ ಪಡೆಯುತ್ತಿದ್ದ ಈ ಕ್ಷೇತ್ರ ಈಗ ಐದನೆಯ ಸ್ಥಾನಕ್ಕೆ ಇಳಿದಿದೆ. ಆದರೂ ಈ ಉದ್ಯೋಗಿಗಳು ಉಳಿದವರಿಗಿಂತ ಹೆಚ್ಚಿನ ಮೊತ್ತದ ಹಣವನ್ನೇ ಮನೆಗೆ ತರುತ್ತಾರೆ. ಸಾಫ್ಟ್ ವೇರ್ ವಿಷಯದಲ್ಲಿ ಪರಿಣಿತಿ ಹಾಗೂ ಸತತವಾಗಿ ಬದಲಾಗುತ್ತಿರುವ ತಂತ್ರಜ್ಞಾನಕ್ಕೆ ಬದಲಿಸಿಕೊಳ್ಳುವ ಮೂಲಕ ಈ ಉದ್ಯೋಗಗಳನ್ನು ಉಳಿಸಿಕೊಳ್ಳಬಹುದು.