ಪ್ರೀತಿಸಿದವರು ಪದೇ ಪದೇ ಕನಸಿನಲ್ಲಿ ಬರ್ತಿದ್ದಾರಾ? ಶುಭವೋ, ಅಶುಭವೋ?

ಸಹಗಲು ಕನಸು ಹಾಗೂ ರಾತ್ರಿಯ ಕನಸಿಗೂ ತುಂಬಾನೇ ವ್ಯತ್ಯಾಸವಿದೆ. ಹಗಲಿನಲ್ಲಿ ನಾವು ನಿದ್ರಿಸದೆಯೇ ನಮಗಿಷ್ಟ ಬಂದ ಕನಸುಗಳನ್ನು ನಾವು ಕಾಣಬಹುದು. ಆದ್ರೆ ರಾತ್ರಿಯ ಕನಸುಗಳು ನಮ್ಮ ನಿಯಂತ್ರಣದಲ್ಲಿ ಇರೋದಿಲ್ಲ. ಕೆಲವೊಂದು ಬಾರಿ ಸಿಹಿಗನಸುಗಳು ಬಿದ್ದರೆ ಇನ್ನೂ ಕೆಲವು ಬಾರಿ ಕೆಟ್ಟ ಕನಸುಗಳು ನಮ್ಮನ್ನು ಕಾಡುತ್ತವೆ. ನಿಮಗೆಂದಾದರೂ ನಿಮ್ಮ ಪ್ರೀತಿಯ ಬಗೆಗಿನ ಕನಸುಗಳು ಬಿದ್ದಿದ್ಯಾ?

ಹೌದು, ನಿಮ್ಮ ಕನಸಿನಲ್ಲಿ ನೀವು ಪ್ರೀತಿಸುವವರನ್ನು ಮದುವೆಯಾಗುತ್ತಿರುವ ಹಾಗೆ, ಮದುವೆ ಮುರಿದು ಬಿದ್ದ ಹಾಗೆ, ಇದೇ ರೀತಿ ನಿಮ್ಮ ಪ್ರೀತಿಯ ಬಗ್ಗೆ ನಿಮಗೆ ಎಂದಾದರೂ ಕನಸು ಬಿದ್ದಿದ್ಯಾ? ಒಳ್ಳೆಯ ಕನಸು ಬಂದಾಗ ಅದನ್ನು ಅಪ್ಪಿಕೊಳ್ಳುತ್ತೇವೆ. ಆದರೆ ಕೆಟ್ಟ ಕನಸುಗಳ ಬಂದಾಗ ಆ ಕನಸು ಸುಳ್ಳು ಎಂದು ಮೂಗು ಮುರಿಯುವುದುಂಟು. ನಿಮಗೊತ್ತಾ? ಅಂತಹ ಕನಸುಗಳು ನಿಮ್ಮ ಭವಿಷ್ಯದ ಸೂಚನೆಯಂತೆ.

ಅಷ್ಟಕ್ಕು ಈ ಪ್ರೀತಿಯ ಕನಸುಗಳ ಬಗ್ಗೆ ಕನಸಿನ ಪುಸ್ತಕದಲ್ಲಿ ಏನೆಂದು ಉಲ್ಲೇಖವಾಗಿದೆ. ಪ್ರೀತಿಯ ಬಗ್ಗೆ, ಪ್ರೀತಿಸಿದವರ ಬಗ್ಗೆ ಕನಸು ಬಿದ್ದರೆ ಏನರ್ಥ? ಎಲ್ಲವನ್ನೂ ಹೇಳ್ತೀವಿ.

1. ಕನಸಿನಲ್ಲಿ ಉಂಗುರ ಕಂಡರೆ ಶುಭವಾಗುತ್ತದೆ

ಕನಸಿನ ವಿಜ್ಞಾನದ ಪ್ರಕಾರ ಒಂದು ಗಂಡು ಅಥವಾ ಹೆಣ್ಣು ತಮ್ಮ ಕನಸಿನಲ್ಲಿ ಉಂಗುರವನ್ನು ಕಂಡರೆ ಅದು ಶುಭ ಸೂಚನೆ. ನಿಮ್ಮ ಪ್ರೀತಿಯು ಮತ್ತಷ್ಟು ಗಟ್ಟಿಯಾಗುತ್ತದೆ ಎಂದರ್ಥ. ನಿಮ್ಮ ಪ್ರೀತಿಯು ಮತ್ತೊಂದು ಹಂತ ಅಂದರೆ ಮದುವೆಯವರೆಗೂ ಹೋಗುತ್ತದೆ ಎಂದರ್ಥ.

2. ಆಭರಣದ ಕನಸು ಕಂಡರೆ ಶುಭ ಸೂಚನೆ

ಕನಸಿನ ವಿಜ್ಞಾನ ಏನು ಹೇಳುತ್ತೆ ಅಂದರೆ ಒಂದು ವೇಳೆ ಹುಡುಗಿಯರಿಗೆ ಅಭರಣದ ಕನಸು ಅಥವಾ ಆಭರಣ ಖರೀದಿಸುವ ಕನಸು ಕಂಡರೆ ಖಂಡಿತ ಅದು ಶುಭ ಸೂಚನೆ. ನೀವು ನಿಮ್ಮ ಪ್ರೀತಿಯ ಹುಡುಗನನ್ನು ಆದಷ್ಟು ಬೇಗ ಪಡೆಯುತ್ತೀರಿ ಎಂದರ್ಥ. ಒಂದು ವೇಳೆ ಕನಸಿನಲ್ಲಿ ನೀವು ಆಭರಣ ಧರಿಸುತ್ತಿದ್ದರೆ ನಿಮಗೆ ಸದ್ಯದಲ್ಲೇ ಮದುವೆ ಯೋಗವಿದೆ ಎಂದರ್ಥ.

3. ಇದು ಶುಭ ಸೂಚನೆಯಲ್ಲ

ಕನಸಿನ ವಿಜ್ಞಾನದ ಪ್ರಕಾರ ನಿಮ್ಮ ಕನಸಿನಲ್ಲಿ ಮದುವೆಯಾದ ಮಹಿಳೆ ಮತ್ತು ಒರ್ವ ಯುವಕ ಜಗಳವಾಡುತ್ತಿರುವುದನ್ನು ಕಂಡರೆ ಅದು ಖಂಡಿತ ಶುಭ ಸೂಚನೆಯಲ್ಲ. ಇದು ನಿಮ್ಮ ಭವಿಷ್ಯದ ದಾಂಪತ್ಯ ಜೀವನ ಸುಖಕರವಾಗಿರುವುದಿಲ್ಲ ಹಾಗೂ ವಿಚ್ಛೇಧನ ನೀಡುವ ಲಕ್ಷಣ ಇದೆ ಎಂಬುದನ್ನು ಸೂಚಿಸುತ್ತದೆ.

ಪ್ರತಿಯೊಂದು ಕನಸಿಗೂ ಕನಸಿನ ವಿಜ್ಞಾನದಲ್ಲಿ ಒಂದೊಂದು ಸೂಚನೆಯಿದೆ. ಕೆಲವೊಂದು ಕನಸುಗಳು ಶುಭ ಸೂಚನೆಯಾದರೆ ಇನ್ನೂ ಕೆಲವು ಕನಸುಗಳು ಅಶುಭದ ಸಂಕೇತವಾಗಿದೆ.