ಗುರು ಗೋಚಾರ ಫಲ: ಮೇಷ ರಾಶಿಗೆ ಗುರು ಸಂಚಾರ ದ್ವಾದಶ ರಾಶಿಗಳ ಮೇಲೆ ಬೀರುವ ಪ್ರಭಾವವೇನು?

ಏಪ್ರಿಲ್‌ನಲ್ಲಿ ಪ್ರಮುಖ ಗ್ರಹವಾದ ಗುರು ಮೇಷ ರಾಶಿಗೆ ಸಂಚರಿಸಲಿದೆ. ವೈದಿಕ ಶಾಸ್ತ್ರದ ದೃಷ್ಟಿಯಿಂದ ನೋಡುವುದಾರೆ ಈ ಸಂಚಾರ ತುಂಬಾನೇ ಮುಖ್ಯವಾಗಿದೆ.ಈ ಸಂಚಾರ ಪ್ರತಿಯೊಂದು ರಾಶಿಯ ಮೇಲೂ ಪ್ರಭಾವ ಬೀರಲಿದೆ. ಏಪ್ರಿಲ್‌ 22ಕ್ಕೆ ಮೇಷ ರಾಶಿಗೆ ಸಂಚರಿಸುವ ಗುರು ಅಕ್ಟೋಬರ್‌ 30ರವರೆಗೆ ಇದೇ ರಾಶಿಯಲ್ಲಿ ಇರಲಿದೆ.ಮೇಷ ರಾಶಿಯಲ್ಲಿ ಗುರುವಿದ್ದಾಗ 12 ರಾಶಿಗಳ ಮೇಲೆ ಗುರು ಗೋಚಾರ ಫಲ ಹೇಗಿದೆ, ಯಾವ ರಾಶಿಯವರಿಗೆ ಅದೃಷ್ಟ ಎಂದು ನೋಡೋಣ ಬನ್ನಿ:

ಮೇಷ ರಾಶಿ
ನಿಮ್ಮ 9ನೇ ಮನೆಯ ಅಧಿಪತಿಯಾಗಿದ್ದ ದೇವಗುರುವು ನಿಮ್ಮ 9ನೇ ಮನೆಯ ಅಧಿಪತಿ, ಆದರೆ ಏಪ್ರಿಲ್ 22ಕ್ಕ ನಿಮ್ಮ ರಾಶಿಗೆ ಸಂಚರಿಸುವುದರಿಂದ ಮೊದಲ ಮನೆಯಲ್ಲಿ ಇರಲಿದೆ. ಆದ್ದರಿಂದ ಗುರುವಿನ ಈ ಸಾಗಣೆಯು ಹೆಚ್ಚು ಮಹತ್ವದ್ದಾಗಿದೆ. ಈ ಸಂಚಾರ ನಿಮಗೆ ಅನೇಕ ಶುಭ ಫಲಿತಾಂಶಗಳನ್ನು ನೀಡುತ್ತದೆ, ಆದರೆ ಇಲ್ಲಿ ಗುರುವಿನ ರಾಹುವಿನ ಮೈತ್ರಿಯು ಗುರು ಚಂಡಾಲ ಯೋಗದ ಪರಿಣಾಮವನ್ನು ತೋರಿಸುತ್ತದೆ.

ಮೇ ನಿಂದ ಆಗಸ್ಟ್ ನಡುವೆ ಗುರು ಚಂಡಾಲ ಯೋಗದ ಪ್ರಭಾವಬಿದೆ. ಈ ಸಮಯದಲ್ಲಿ ನಿಮ್ಮ ಆರೋಗ್ಯವು ಕ್ಷೀಣಿಸಬಹುದು. ಮಾಡುವ ಕೆಲಸದಲ್ಲಿ ಅಡೆತಡೆಗಳು ಇರುವುದರಿಂದ ನಿಮ್ಮ ಮಾನಸಿಕ ಉದ್ವೇಗ ಹೆಚ್ಚುತ್ತದೆ, ನಿಮ್ಮ ಮನೋಬಲವೂ ಕಡಿಮೆಯಾಗಬಹುದು. ಏಪ್ರಿಲ್ 22 ರಂದು ಗುರುವು ನಿಮ್ಮ ರಾಶಿಗೆ ಪ್ರವೇಶಿಸಿದಾಗ, ರಾಹುವನ್ನು ಹೊರತುಪಡಿಸಿ, ಸೂರ್ಯನು ಸಹ ಅಲ್ಲಿಯೇ ಇರುತ್ತಾನೆ, ಆದ್ದರಿಂದ ಮಾನನಷ್ಟ, ದೈಹಿಕ ಸಮಸ್ಯೆ ಇವುಗಳ ಬಗ್ಗೆ ಎಚ್ಚರವಾಗಿರಿ.

ಸೂರ್ಯನು ಮೇಷದಿಂದ ವೃಷಭಕ್ಕೆ ಹೋದ ಬಳಿಕ ಪರಿಸ್ಥಿತಿ ಚೆನ್ನಾಗಿರಲಿದೆ. ಗುರು ಮೇಷ ರಾಶಿಯಲ್ಲಿ ಇರುವಾಗ ಅನೇಕ ಪ್ರಯೋಜನಗಳನ್ನು ಪಡೆಯುವಿರಿ. ವುವಾಹ ತಡವಾಗಿದ್ದರೆ ಈ ಅವಧಿಯಲ್ಲಿ ವಿವಾಹ ಯೋಗ ಕೂಡಿ ಬರಬಹುದು.
ಪರಿಹಾರ: ಗುರುವಾರ ನೀವು ಬೆಲ್ಲದಲ್ಲಿ ಕಪ್ಪು ಎಳ್ಳನ್ನು ಬೆರೆಸಿ ಉಂಡೆ ಮಾಡಿ ಹಸುವಿಗೆ ನೀಡಿ.

ವೃಷಭ ರಾಶಿ
ದೇವ ಗುರು ಮೇಷ ರಾಶಿಗೆ ಸಂಚರಿಸಿದಾಗ ನಿಮ್ಮಲ್ಲಿ 12ನೇ ಮನೆಯಲ್ಲಿ ಇರಲಿದೆ. ಗುರು 12ನೇ ಮನೆಯಲ್ಲಿದ್ದಾಗ ಖರ್ಚುಗಳು ಹೆಚ್ಚಾಗುತ್ತವೆ. ಏಪ್ರಿಲ್‌ನಲ್ಲಿ ನಿಮ್ಮ ಹನ್ನೆರಡನೇ ಮನೆಯಲ್ಲಿ ಸೂರ್ಯನೊಂದಿಗೆ ರಾಹು ಮತ್ತು ಗುರುಗಳು ಆರೋಗ್ಯ ಸಂಬಂಧಿತ ಸಮಸ್ಯೆಗಳನ್ನು ಹೆಚ್ಚಿಸಬಹುದು.

ಈ ಸಮಯದಲ್ಲಿ ಒಂದು ಪ್ರಯೋಜನವೆಂದರೆ ನೀವು ಉದ್ಯೋಗ ಅಥವಾ ವ್ಯವಹಾರದ ಉದ್ದೇಶಕ್ಕಾಗಿ ವಿದೇಶಕ್ಕೆ ಹೋಗುವಲ್ಲಿ ಯಶಸ್ವಿಯಾಗಬಹುದು. ಗುರುವಿನ ಈ ಸಾಗಣೆಯು ಖರ್ಚು ಹೆಚ್ಚಿಸಲಿದೆ. ಕುಟುಂಬದಲ್ಲಿ ಈ ಸಮಯದಲ್ಲಿ ಕೆಲವು ಸಮಸ್ಯೆಗಳಿರಬಹುದು. ಧಾರ್ಮಿಕ ಕಾರ್ಯಗಳಿಗೆ ಅಧಿಕ ಖರ್ಚು ಮಾಡುವಿರಿ. ತುಂಬಾ ತೀರ್ಥಯಾತ್ರೆಗೆ ಹೋಗುವಿರಿ.
ಪರಿಹಾರ: ಗುರುವಾರದಂದು ಕಂದು ಕಪ್ಪು ಎಳ್ಳು ಮತ್ತು ಬೆಲ್ಲವನ್ನು ಹಿಟ್ಟಿನಲ್ಲಿ ಬೆರೆಸಿ ಹಸುವಿಗೆ ತಿನಿಸಿ.

ಮಿಥುನ ರಾಶಿ
ಮಿಥುನ ರಾಶಿಯವರಲ್ಲಿ ಬುಧ 11ನೇ ಮನೆಯಲ್ಲಿ ಇರಲಿದೆ. ಈ ಅವಧಿಯಲ್ಲಿ ಮಿಶ್ರಫಲ. ಹಣವನ್ನು ಗಳಿಸಲು ನೀವು ಸ್ವಲ್ಪ ಹೆಚ್ಚು ಪ್ರಯತ್ನವನ್ನು ಮಾಡಬೇಕಾಗುತ್ತದೆ, ಆದರೆ ಗುರುವಿನ ಈ ಸಂಕ್ರಮಣವು ನಿಮಗೆ ವೃತ್ತಿ ಕ್ಷೇತ್ರದಲ್ಲಿ ಅದ್ಭುತ ಯಶಸ್ಸನ್ನು ನೀಡುತ್ತದೆ.

ಪ್ರೀತಿಯ ಜೀವನ ಚೆನ್ನಾಗಿರಲಿದೆ, ವೈವಾಹಿಕ ಜೀವನದಲ್ಲಿ ಸಮಸ್ಯೆಗಳು ಕಡಿಮೆಯಾಗಲಿದೆ. ವ್ಯಾಪಾರದಲ್ಲಿ ಹೆಚ್ಚಳ ಕಂಡುಬರುತ್ತದೆ.ವಿದ್ಯಾರ್ಥಿಗಳು ವಿದ್ಯಾಭ್ಯಾಸದಲ್ಲಿ ಅಡೆತಡೆಗಳ ನಡುವೆಯೂ ಮುನ್ನಡೆಯುವ ಅವಕಾಶವನ್ನು ಪಡೆಯುತ್ತಾರೆ.
ಪರಿಹಾರ: ಗುರುವಾರದಂದು ಒಬ್ಬ ಬಡ ವಿದ್ಯಾರ್ಥಿಗೆ ಅಧ್ಯಯನ ಸಾಮಗ್ರಿಗಳನ್ನು ನೀಡಿ.

ಕರ್ಕ ರಾಶಿ
ದೇವ ಗುರು ನಿಮ್ಮ 10ನೇ ಮನೆಯಲ್ಲಿ ಇರಲಿದೆ. ಈ ಸಮಯದಲ್ಲಿ ದೀರ್ಘಕಾಲದಿಂದ ನೀವು ಬಯಸುತ್ತಿದ್ದ ಬದಲಾವಣೆಯನ್ನು ಪಡೆಯಬಹುದು, ಆದರೆ ನೀವು ಸ್ವಲ್ಪ ತಾಳ್ಮೆಯಿಂದಿರಬೇಕು. ಕೆಲಸದ ಕ್ಷೇತ್ರದಲ್ಲಿ ಬದಲಾವಣೆಗಳಾಗಬಹುದು. ಕೌಟುಂಬಿಕ ಜೀವನದಲ್ಲಿ ಸಂತೋಷ ಮತ್ತು ಶಾಂತಿ ಇರುತ್ತದೆ.

ಈ ಸಂಚಾರದ ಆರಂಭದಲ್ಲಿ, ಏಪ್ರಿಲ್ ನಿಂದ ಆಗಸ್ಟ್ ವರೆಗೆ ನಿಮ್ಮ ತಂದೆಗೆ ಆರೋಗ್ಯ ಸಂಬಂಧಿತ ಸಮಸ್ಯೆಗಳು ಇರುತ್ತದೆ ನಂತರ ಎಲ್ಲವೂ ಸರಿಯಾಗುವುದು. ನಿಮ್ಮ ಆರ್ಥಿಕ ಸ್ಥಿತಿ ಬಲವಾಗಿರುತ್ತದೆ. ಕುಟುಂಬದಲ್ಲಿ ಸೌಕರ್ಯಗಳು ಸಹ ಹೆಚ್ಚಾಗುತ್ತವೆ.
ಪರಿಹಾರ: ಗುರುವಾರದಂದು ಆಲದ ಮರವನ್ನು ಮುಟ್ಟದೆ ಮರಕ್ಕೆ ನೀರು ಹಾಕಿ.

ಸಿಂಹ ರಾಶಿ
ದೇವಗುರು ಏಪ್ರಿಲ್ 22ರಿಂದ ಅಕ್ಟೋಬರ್‌ 30ರವರೆಗೆ ನಿಮ್ಮ 9ನೇ ಮನೆಯಲ್ಲಿ ಇರಲಿದೆ. ಈ ಅವಧಿ ಸ್ವಲ್ಪ ಕಷ್ಟಕರವಾಗಿರುತ್ತದೆ ಆದರೆ ನೀವು ಕಠಿಣ ಪರಿಶ್ರಮದಿಂದ ಎಲ್ಲವನ್ನೂ ಸಾಧಿಸುವಂತೆ ಮಾಡುತ್ತದೆ. ನೀವು ಉತ್ತಮ ಯಶಸ್ಸನ್ನು ಪಡೆಯುತ್ತೀರಿ. ಏಪ್ರಿಲ್ ಮತ್ತು ಆಗಸ್ಟ್ ನಡುವಿನ ದೀರ್ಘ ಪ್ರಯಾಣವನ್ನು ತಪ್ಪಿಸುವುದು ಉತ್ತಮ.

ನಿಮ್ಮ ಆರ್ಥಿಕ ಸ್ಥಿತಿಯು ಸುಧಾರಿಸುತ್ತದೆ. ನಿಮ್ಮ ಕೆಲಸದಲ್ಲಿ ಒಡಹುಟ್ಟಿದವರ ಸಹಕಾರ ಇರುತ್ತದೆ. ಅವರೊಂದಿಗೆ ನಿಮ್ಮ ಪ್ರೀತಿ ಹೆಚ್ಚಾಗುತ್ತದೆ . ಈ ಗುರು ಸಂಕ್ರಮಣ 2023 ನಿಮಗೆ ಉತ್ತಮ ಯಶಸ್ಸನ್ನು ನೀಡಬಹುದು
ಪರಿಹಾರ: ನೀವು ಗುರುವಾರದಂದು ಗುರು ಬೀಜ ಮಂತ್ರ ಪಠಿಸಿ.

ಕನ್ಯಾ ರಾಶಿ
ಕನ್ಯಾ ರಾಶಿಯವರಲ್ಲಿ 8ನೇ ಮನೆಯಲ್ಲಿ ಇರಲಿದೆ. ಈ ಸಾಗಣೆ ಸಮಯದಲ್ಲಿ ಮಿಶ್ರ ಫಲಿತಾಂಶಗಳನ್ನು ಪಡೆಯುತ್ತೀರಿ. ವೈವಾಹಿಕ ಜೀವನದಲ್ಲಿ ಸಮಸ್ಯೆ ಹೆಚ್ಚಾಗಬಹುದು, ಮನೆಯಲ್ಲಿ ಒತ್ತಡದ ವಾತಾವರಣ ಇರಲಿದೆ. ಈ ಅವಧಿಯಲ್ಲಿ ಯಾವುದೇ ದೊಡ್ಡ ಹೂಡಿಕೆ ಮಾಡಲು ಹೋಗಬೇಡಿ, ಇಲ್ಲದಿದ್ದರೆ ಹಣ ನಷ್ಟವಾಗಬಹುದು.

ನಿಮ್ಮ ಹಾಗೂ ಸಂಗಾತಿಯ ಆರೋಗ್ಯದ ಕಡೆಗೆ ಗಮನಹರಿಸಬೇಕಾಗುತ್ತದೆ. ಏಪ್ರಿಲ್‌-ಆಗಸ್ಟ್ ನಡುವೆ ತುಂಬಾ ಜಾಗ್ರತೆಯಿಂದಿರಿ. ಅಕ್ಟೋಬರ್ ನಂತರ ಪರಿಸ್ಥಿತಿ ಸಾಮಾನ್ಯವಾಗಲು ಪ್ರಾರಂಭವಾಗುತ್ತದೆ, ನಂತರ ನೀವು ಉತ್ತಮ ಪ್ರಯೋಜನ ಪಡೆಯಬಹುದು.
ಪರಿಹಾರ: ಗುರುವಾರ ಶ್ರೀ ವಿಷ್ಣುವನ್ನು ಆರಾಧಿಸಿ.

ತುಲಾ ರಾಶಿ
ಗುರು ಮೇಷ ರಾಶಿಗೆ ಪ್ರವೇಶಿಸಿದಾಗ ನಿಮ್ಮ ರಾಶಿಯಲ್ಲಿ 7ನೇ ಮನೆಯಲ್ಲಿ ಇರಲಿದೆ. ಈ ಮನೆಯಲ್ಲಿ ಗುರುವಿನ ಸ್ಥಾನ ನಿಮ್ಮ ಜೀವನದಲ್ಲಿ ಗಮನಾರ್ಹ ಬದಲಾವಣೆಗಳನ್ನು ತರುತ್ತದೆ. ನೀವು ಯಾವುದೇ ವ್ಯವಹಾರದಲ್ಲಿ ತೊಡಗಿಸಿಕೊಂಡಿದ್ದರೆ ಅದು ವ್ಯಾಪಕವಾಗಿ ವಿಸ್ತರಿಸುತ್ತದೆ. ಆದರೆ , ಏಪ್ರಿಲ್ ಮತ್ತು ಆಗಸ್ಟ್ ನಡುವೆ, ಗುರು ಚಂಡಾಲ ದೋಷ ಮತ್ತು ಇತರ ಗ್ರಹಗಳ ಪ್ರಭಾವದಿಂದಾಗಿ, ನೀವು ವ್ಯವಹಾರದಲ್ಲಿ ಕೆಲವು ಪ್ರಮುಖ ಸಮಸ್ಯೆಗಳನ್ನು ಎದುರಿಸಬಹುದು.

ಆದರೆ ಆಗಸ್ಟ್‌ ನಂತರ ಸಮಯ ಉತ್ತಮವಾಗಿದೆ. ನಿಮ್ಮ ವ್ಯವಹಾರ ಮತ್ತಷ್ಟು ಬೆಳೆಯಲಿದೆ. ಸೆಪ್ಟೆಂಬರ್ ಮತ್ತು ಡಿಸೆಂಬರ್ ನಡುವೆ ನಿಮ್ಮ ಆರ್ಥಿಕ ಸ್ಥಿತಿಯಲ್ಲಿ ಸುಧಾರಣೆ ಕಂಡುಬರುತ್ತದೆ.
ಪರಿಹಾರ: ದೀಪಕ್ಕೆ ತುಪ್ಪ ಹಾಕಿ ಅರಿಶಿಣದಲ್ಲಿ ಮಿಕ್ಸ್ ಮಾಡಿ ಅಕ್ಕಿ ಹಾಕಿ ಶ್ರೀ ವಿಷ್ಣುವಿಗೆ ದೀಪ ಬೆಳಗಿ.

ವೃಶ್ಚಿಕ ರಾಶಿ
ಗುರು ಮೇಷ ರಾಶಿಗೆ ಸಂಚರಿಸಿದಾಗ ನಿಮ್ಮ ರಾಶಿಯಲ್ಲಿ 6ನೇ ಮನೆಯಲ್ಲಿ ಇರಲಿದೆ. ಆರನೇ ಮನೆಯಲ್ಲಿ ಗುರುವಿನ ಈ ಸಂಕ್ರಮವು ನಿಮಗೆ ತುಂಬಾ ಅನುಕೂಲಕರವಾಗಿದೆ ಎಂದು ಹೇಳಲಾಗುವುದಿಲ್ಲ, ಆದರೂ ನೀವು ಖಂಡಿತವಾಗಿಯೂ ಕೆಲವು ಉತ್ತಮ ಫಲಿತಾಂಶಗಳನ್ನು ಪಡೆಯುತ್ತೀರಿ. ಈ ಅವಧಿಯಲ್ಲಿ ನೀವು ಆರೋಗ್ಯದ ಕಡೆಗೆ ಗಮನಹರಿಸಬೇಕು.

ಆರ್ಥಿಕವಾಗಿ, ಗುರು ಸಾಗಣೆ 2023 ಏರಿಳಿತಗಳಿಂದ ತುಂಬಿರುತ್ತದೆ. ನಿಮಗೆ ಖರ್ಚುಗಳು ಹೆಚ್ಚು ಇರುತ್ತದೆ. ಸೆಪ್ಟೆಂಬರ್‌ನಿಂದ, ಕ್ರಮೇಣ ಪರಿಸ್ಥಿತಿಯು ನಿಮ್ಮ ಪರವಾಗಿ ತಿರುಗುತ್ತದೆ ಮತ್ತು ನವೆಂಬರ್-ಡಿಸೆಂಬರ್‌ನಲ್ಲಿ ನಿಮ್ಮ ವೃತ್ತಿಜೀವನದಲ್ಲಿ ಸ್ವಲ್ಪ ಉತ್ತಮ ಸಮಯವನ್ನು ನೀವು ನೋಡುತ್ತೀರಿ.
ಪರಿಹಾರ: ನೀವು ಪ್ರತಿದಿನ ಶ್ರೀ ವಿಷ್ಣು ಸಹಸ್ತ್ರನಾಮ ಸ್ತೋತ್ರವನ್ನು ಪಠಿಸಬೇಕು.

ಧನು ರಾಶಿ
ಗುರು ಮೇಷ ರಾಶಿಗೆ ಸಂಚರಿಸಿದಾಗ ಧನು ರಾಶಿಯವರಲ್ಲಿ 5ನೇ ಮನೆಯಲ್ಲಿ ಇರಲಿದೆ. ಐದನೇ ಮನೆಯಲ್ಲಿ ನಡೆಯುತ್ತಿರುವ ಗುರುವಿನ ಈ ಸಂಕ್ರಮಣವು ನಿಮಗೆ ಮಿಶ್ರ ಫಲಿತಾಂಶಗಳನ್ನು ನೀಡಲಿದೆ. ಈ ಅವಧಿಯಲ್ಲಿ ಪಿತೃದೋಷಕ್ಕೆ ಪರಿಹಾರ ಮಾಡುವುದು ಒಳ್ಳೆಯದು. ಹಣಕಾಸಿನ ಸಮಸ್ಯೆಗಳು ಕ್ರಮೇಣ ದೂರವಾಗುತ್ತವೆ.

ಈ ಗುರು ಸಂಕ್ರಮಣ 2023 ಪ್ರೇಮ ವ್ಯವಹಾರಗಳಿಗೆ ಅನುಕೂಲಕರವಾಗಿರುವುದಿಲ್ಲ. ವಿದ್ಯಾರ್ಥಿಗಳು ಅಧ್ಯಯನದಲ್ಲಿ ಗಮನ ಕೊರತೆಯಿಂದಾಗಿ, ನೀವು ಶಿಕ್ಷಣಕ್ಕೆ ಸಂಬಂಧಿಸಿದ ಸಮಸ್ಯೆಗಳನ್ನು ಎದುರಿಸಬೇಕಾಗಬಹುದು. ಕೆಲಸದಲ್ಲೂ ಸಮಸ್ಯೆ ಎದುರಾಗುವುದು.
ಪರಿಹಾರ: ನೀವು ಕುಲದೇವತೆಯನ್ನು ಆರಾಧಿಸಿ.

ಮಕರ ರಾಶಿ
ಗುರು ಮೇಷ ರಾಶಿಗೆ ಸಂಚರಿಸಿದಾಗ ಮಕರ ರಾಶಿಯವರಲ್ಲಿ 4ನೇ ಮನೆಯಲ್ಲಿ ಇರಲಿದೆ. ನಾಲ್ಕನೇ ಮನೆಯಲ್ಲಿ ಗುರುವಿನ ಸಾಗಣೆಯನ್ನು ಹೆಚ್ಚು ಅನುಕೂಲಕರವೆಂದು ಪರಿಗಣಿಸಲಾಗುವುದಿಲ್ಲ. ಈ ಸಮಯದಲ್ಲಿ ಆರೋಗ್ಯದ ಬಗ್ಗೆ ಕಾಳಜಿ ವಹಿಸಬೇಕು. ಕೌಟುಂಬಿಕ ಜೀವನದಲ್ಲಿ ಸ್ವಲ್ಪ ಏರುಪೇರು ಉಂಟಾಗುವುದು. ಉದ್ಯೋಗದ ವಿಷಯದಲ್ಲಿ ಈ ಸಮಯ ಉತ್ತಮವಾಗಿದೆ. ನಿಮ್ಮ ತಾಯಿಯ ಆರೋಗ್ಯದ ಕಡೆಗೆ ಗಮನಹರಿಸಿ. ಅಕ್ಟೋಬರ್‌ನಿಂದ, ಕುಟುಂಬ ಜೀವನದಲ್ಲಿ ಸಂತೋಷ ಮತ್ತು ಶಾಂತಿ ಮರಳಲು ಪ್ರಾರಂಭಿಸುತ್ತದೆ.
ಪರಿಹಾರ: ಪ್ರತಿದಿನ ಗುರು ಬೀಜ ಮಂತ್ರ ಪಠಿಸಿ.

ಕುಂಭ ರಾಶಿ
ದೇವಗುರು ಮೇಷ ರಾಶಿಗೆ ಸಂಚರಿಸಿದಾಗ ಕುಂಭ ರಾಶಿಯಲ್ಲಿ 3ನೇ ಮನೆಯಲ್ಲಿ ಇರಲಿದೆ. ಈ ಅವಧಿಯಲ್ಲಿ ಗುರು ಮಿಶ್ರಫಲ ನೀಡಲಿದ್ದಾನೆ. ಈ ಅವಧಿಯಲ್ಲಿ ನೀವು ಶ್ರಮವಹಿಸಿ ಕೆಲಸ ಮಾಡಬೇಕಾಗುತ್ತದೆ. ನೀವು ಕನಿಷ್ಟ ಅಕ್ಟೋಬರ್ ವರೆಗೆ ಅನಗತ್ಯ ಪ್ರವಾಸಗಳಿಂದ ದೂರವಿರಬೇಕು . ಈ ಸಮಯದಲ್ಲಿ ನೀವು ಕೀಲು ನೋವು ಅಥವಾ ಭುಜದ ನೋವಿನ ಸಮಸ್ಯೆಯನ್ನು ಸಹ ಎದುರಿಸಬೇಕಾಗಬಹುದು.

ನಿಮಗೆ ಕಿವಿಗೆ ಸಂಬಂಧಿಸಿದ ಯಾವುದೇ ಸಮಸ್ಯೆ ಇದ್ದರೆ, ಈ ಸಮಯದಲ್ಲಿ ಅದು ಸ್ವಲ್ಪ ಹೆಚ್ಚಾಗಬಹುದು. ಈ ಗುರು ಗೋಚಾರ 2023 ವೈವಾಹಿಕ ಜೀವನದಲ್ಲಿ ನಿಮಗೆ ಪ್ರಯೋಜನಗಳನ್ನು ನೀಡುತ್ತದೆ ಮತ್ತು ನಿಮ್ಮ ಜೀವನ ಸಂಗಾತಿಯೊಂದಿಗೆ ನಿಮ್ಮ ಸ್ಥಾನವನ್ನು ಸುಧಾರಿಸುತ್ತದೆ. ನಿಮ್ಮ ಆರ್ಥಿಕ ಸ್ಥಿತಿಯಲ್ಲಿ ಸ್ವಲ್ಪ ಹೆಚ್ಚಳವಾಗುವ ಸಾಧ್ಯತೆಗಳಿವೆ. ವ್ಯವಹಾರದಲ್ಲಿ ಯಶಸ್ಸಿನ ಸಾಧ್ಯತೆ ಇರುತ್ತದೆ.
ಪರಿಹಾರ: ಯಾವಾಗಲೂ ಹಳದಿ ಕರವಸ್ತ್ರವನ್ನು ನಿಮ್ಮ ಜೇಬಿನಲ್ಲಿ ಇಟ್ಟುಕೊಳ್ಳಿ.

ಮೀನ ರಾಶಿ
ಗುರು ಮೇಷ ರಾಶಿಗೆ ಸಂಚರಿಸಿದಾಗ ಮೀನ ರಾಶಿಯಲ್ಲಿ 2ನೇ ಮನೆಯಲ್ಲಿ ಇರಲಿದೆ. ಈ ಅಧಿಯಲ್ಲಿ ನೀವು ದೈಹಿಕ ಸಮಸ್ಯೆಗಳನ್ನು ಎದುರಿಸಬೇಕಾಗಿರುವುದರಿಂದ ನೀವು ಆಹಾರ ಸಂಬಂಧಿತ ಸಮಸ್ಯೆಗಳಿಗೆ ಗಮನ ಕೊಡಬೇಕು. ಅಲ್ಲದೆ ಈ ಅವಧಿಯಲ್ಲಿ ನಿಮ್ಮ ಮಾತಿನ ಬಗ್ಗೆ ಗಮನ ಹರಿಸಬೇಕಾದ ಅಗತ್ಯವಿರುತ್ತದೆ . ಆರ್ಥಿಕವಾಗಿ, ಈ ಸಮಯವು ಆರಂಭದಲ್ಲಿ ತುಂಬಾ ತೊಂದರೆಗೊಳಗಾಗುತ್ತದೆ.

ನವೆಂಬರ್ ಮತ್ತು ಡಿಸೆಂಬರ್ ತಿಂಗಳುಗಳು ಆರ್ಥಿಕವಾಗಿ ಉತ್ತಮ ಪರಿಸ್ಥಿತಿಗಳನ್ನು ಒದಗಿಸುತ್ತವೆ. ನೀವು ಹಣವನ್ನು ಉಳಿಸಲು ಸಾಧ್ಯವಾಗುತ್ತದೆ. ನಿಮ್ಮ ಕೆಲಸದ ಕ್ಷೇತ್ರದಲ್ಲಿ ನೀವು ಕಷ್ಟಪಟ್ಟು ಕೆಲಸ ಮಾಡಬೇಕಾಗುತ್ತದೆ. ಗುರು ಸಂಚಾರ 2023 ನಿಮ್ಮನ್ನು ಆರ್ಥಿಕವಾಗಿ ಸಮೃದ್ಧಗೊಳಿಸುತ್ತದೆ. ಕುಟುಂಬಕ್ಕೆ ಹೊಸ ಅತಿಥಿ ಆಗಮಿಸಬಹುದು ಅಥವಾಮನೆ ಸದಸ್ಯರ ಮದುವೆ ನಡೆಯಬಹುದು, ಇದು ಮನೆಯಲ್ಲಿ ಸಂತೋಷವನ್ನು ತರುತ್ತದೆ.
ಪರಿಹಾರ: ಗುರುವಾರ ಶ್ರೀವಿಷ್ಣುವನ್ನು ಆರಾಧಿಸಿ.