ನವರಾತ್ರಿಯಲ್ಲಿ ಪಾಲಿಸುವ ಕೆಲ ಪದ್ಧತಿಗಳು

ದೀಪ ಉರಿಸುವುದು

9 ದಿನಗಳ ಕಾಲ ನಿರಂತರವಾಗಿ ದೀಪವನ್ನು ಉರಿಸಲಾಗುವುದು. ದೀಪ ನಮ್ಮ ಸುತ್ತ ಇರುವ ದುಷ್ಟಶಕ್ತಿಯನ್ನು ನಾಶ ಪಡಿಸುತ್ತದೆ, ದೇವಿ ನಮ್ಮಲ್ಲಿ ಧನಾತ್ಮಕ ಶಕ್ತಿಯನ್ನು ತುಂಬುತ್ತದೆ ಎಂಬ ನಂಬಿಕೆ ನಮ್ಮಲ್ಲಿದೆ.

ಉಪವಾಸ

ನವರಾತ್ರಿಯಲ್ಲಿ ಉಪವಾಸ ಮಾಡುವ ಪದ್ಧತಿ ಕೂಡ ನಮ್ಮಲ್ಲಿ ಇದೆ. ಕೆಲವರು 9 ದಿನ ಉಪವಾಸ ಮಾಡಿದರೆ ಮತ್ತೆ ಕೆಲವರು ನವರಾತ್ರಿಯ ಮೊದಲ ಮತ್ತು ಕೊನೆಯ ದಿನದಲ್ಲಿ ಮಾತ್ರ ಉಪವಾಸಮಾಡುತ್ತಾರೆ. ಉಪವಾಸವೆಂದರೆ ಸಂಪೂರ್ಣ ಖಾಲಿ ಹೊಟ್ಟೆಯಲ್ಲಿ ಇರುವುದಲ್ಲ, ಕೆಲವು ಆಹಾರಗಳನ್ನು ತಿನ್ನದೇ ಇರುವುದು, ಹಣ್ಣುಗಳನ್ನು ಉಪವಾಸ ಮಾಡುವ ಸಮಯದಲ್ಲಿ ತಿನ್ನಬಹುದು.

ಜಾಗರಣೆ ಇರುವುದು

ಉತ್ತರ ಭಾರತದ ಕಡೆ 9 ದಿನಗಳ ಕಾಲ ಜಾಗರಣೆ ಮಾಡುತ್ತಾರೆ. ರಾತ್ರಿಯಲ್ಲಿ ಪುರಾಣ ಕಥೆಗಳನ್ನು ಹೇಳುವುದು, ನಾಟಕ, ಹಾಡು, ನೃತ್ಯ ಹೀಗೆ ನಿದ್ದೆ ಮಾಡದೆ ದೇವಿಯ ಸ್ಮರಣೆಯಲ್ಲಿರುತ್ತಾರೆ. ಹಗಲಿನಲ್ಲಿ ನಿದ್ದೆ ಮಾಡಬಹುದು.

ಹೆಣ್ಣುಮಕ್ಕಳನ್ನು ಪೂಜೆ ಮಾಡುವುದು

ಉತ್ತರಭಾರತದ ಕಡೆ ನವರಾತ್ರಿಯನ್ನು ದುರ್ಗಾಪೂಜೆಯೆಂದು ಆಚರಿಸಲಾಗುವುದು. ಈ ಹಬ್ಬದ ಸಮಯದಲ್ಲಿ ಚಿಕ್ಕ ಹೆಣ್ಣು ಮಕ್ಕಳಿಗೆ ದೇವಿಯ ರೀತಿಯಲ್ಲಿ ಅಲಂಕಾರ ಮಾಡಿ ಪೂಜಿಸಲಾಗುವುದು.

ಜಾನಪದ ನೃತ್ಯ

ಗುಜರಾತ್ ನಲ್ಲಿ ರಾಸ್ ಗರ್ಬ ಎಂಬ ಜಾನಪದ ನೃತ್ಯ ಮಾಡುತ್ತಾರೆ. ದೇವರ ಗೀತೆಗಳನ್ನು ಆಡುತ್ತಾ ಚಪ್ಪಳೆ ತಟ್ಟುತ್ತಾ ಈ ನೃತ್ಯ ಮಾಡಲಾಗುವುದು.