ದೀಪಾವಳಿಗೆ ಸೂಪರ್ ಗಿಫ್ಟ್ ಐಡಿಯಾ

ದೀಪಾವಳಿ ಅಂದರೆ ಮನೆ ಮಂದಿಯೆಲ್ಲಾ ಜೊತೆ ಸೇರಿ, ದೀಪಗಳನ್ನು ಹಚ್ಚಿ ಆಚರಿಸುವ ಬೆಳಕಿನ ಹಬ್ಬ. ಈ ಹಬ್ಬಕ್ಕೆ ದೂರದ ಊರಿನಲ್ಲಿ ದುಡಿಯುತ್ತಿರುವ ಮಕ್ಕಳು ಮನೆಗೆ ಬರುತ್ತಾರೆ, ಮದುವೆ ಮಾಡಿ ಕೊಟ್ಟ ಹೆಣ್ಣು ಮಕ್ಕಳು ತವರಿಗೆ ಹೋಗುವ ಸಂಭ್ರಮದಲ್ಲಿ ಇರುತ್ತಾರೆ. ಇನ್ನು ನವ ದಂಪತಿಗಳಿಗೆ ಮೊದಲ ದೀಪಾವಳಿ ಅಂದರೆ ವಿಶೇಷವೇ.

ದೀಪಾವಳಿಗೆ ಪಟಾಕಿಗಳ ಶಬ್ದ ಮಾತ್ರವಲ್ಲ, ಉಡುಗೊರೆಗಳ ಕಾರುಬಾರು ಕೂಡ ಜೋರಾಗಿಯೇ ಇರುತ್ತದೆ. ಕೆಲವೊಮ್ಮೆ ಯಾರಿಗಾದರೂ ಉಡುಗೊರೆ ಕೊಡಬೇಕೆಂದೇ ಹೊಳೆಯುವುದಿಲ್ಲ. ನಾನು ಕೊಡು ಉಡುಗೊರೆ ಅವರಿಗೆ ಇಷ್ಟವಾಗದಿದ್ದರೆ? ಎಂಬ ಸಂದೇಹ ಕೂಡ ಬರುವುದು, ಆದ್ದರಿಂದ ಇಲ್ಲಿ ನಾವು ಕೆಲವು ಗಿಫ್ಡ್ ಐಡಿಯಾ ನೀಡಿದ್ದೇವೆ, ಈ ಗಿಫ್ಟ ನಿಮ್ಮಿಂದ ಪಡೆದುಕೊಂಡವರು ಖಂಡಿತ ಖುಷಿಯಾಗುತ್ತಾರೆ, ಈಗ ಯಾರಿಗೆ ಯಾವ ರೀತಿಯ ಗಿಫ್ಟ್ ಕೊಡಬಹುದೆಂದು ನೋಡೋಣವೇ?

ಪಟಾಕಿ
ಮಕ್ಕಳಿಗೆ ಪಟಾಕಿ ಹೊಡೆಯುವುದೆಂದರೆ ಪ್ರಾಣ. ಈ ದೀಪಾವಳಿಗೆ ಪರಿಸರ ಸ್ನೇಹಿಯಾದ, ಸರಳವಾದ ಪಟಾಕಿಗಳನ್ನು ಕೊಂಡು ಮಕ್ಕಳಿಗೆ ಕೊಡಬಹುದು.

ಡ್ರೈ ಫ್ರೂಟ್ಸ್
ಸ್ನೇಹಿತರಿಗೆ ಗಿಫ್ಟ್ ಕೊಡ ಬಯಸುವುದಾದರೆ ಡ್ರೈ ಫ್ರೂಟ್ಸ್ ಕೊಡಬಹುದು. ಇದು ಕೂಡ ಮಕ್ಕಳಿಂದ ಹಿಡಿದು ದೊಡ್ಡವರವರೆಗೆ ಇಷ್ಟ ಪಡುವ ಸ್ವೀಟ್ಸ್ ಆಗಿದೆ.

ಮೇಕಪ್
ಗರ್ಲ್ ಫ್ರೆಂಟ್, ಅಕ್ಕ, ತಂಗಿ ಇವರಿಗೆ ಗಿಫ್ಟ್ ಕೊಡ ಬಯಸುವುದಾದರೆ ಮೇಕಪ್ ಕಿಟ್ಸ್ ಕೊಡಬಹುದು. ಇದನ್ನು ಕೊಡುವ ಮುಂಚೆ ಅವರು ಯಾವ ಬ್ರ್ಯಾಂಡ್ ಪ್ರಾಡಕ್ಟ್ ಬಳಸುತ್ತಿದ್ದಾರೆ ಎಂದು ತಿಳಿದು ಅದನ್ನು ಕೊಡುವುದು ಒಳ್ಳೆಯದು.

ಬಟ್ಟೆ
ನಿಮಗಿಷ್ಟವಾದ ಬಟ್ಟೆಯನ್ನು ಕೊಡುವ ಬದಲು ಅವರಿಗೆ ಯಾವ ಬಣ್ಣದ ಬಟ್ಟೆ ಇಷ್ಟ, ಇನ್ನು ಹೆಣ್ಣು ಮಕ್ಕಳಿಗಾದರೆ ಯಾವ ಫ್ಯಾಷನ್ ನ ಡ್ರೆಸ್ ಬೇಕೆಂದು ಬಯಸುತ್ತಿದ್ದಾರೆ ಅದನ್ನು ಉಪಾಯದಿಂದ ತಿಳಿದುಕೊಂಡು ಆ ದಿನ ಕೊಡಿ, ಖಂಡಿತ ಖುಷಿಯಾಗುತ್ತಾರೆ.

ಆಭರಣ, ಮೊಬೈ,ಲ್
ಇನ್ನು ದುಬಾರಿ ಗಿಫ್ಟ್ ಕೊಡ ಬಯಸುವುದಾದರೆ ಜ್ಯೂವೆಲರಿ, ಮೊಬೈಲ್ ಇವುಗಳನ್ನು ಗಿಫ್ಟ್ ಆಗಿ ಕೊಡಬಹುದು.