ಇಷ್ಟಪಡದೆ ಕೆಲಸ ಮಾಡಿದರೆ ಸಾಧನೆ ಸಾಧ್ಯವಿಲ್ಲ!

Insync

oi-Reena

By Hema S

Published: Monday, April 16, 2012, 10:57 [IST]

ತಾವು ಬಯಸಿದಂತಹ ಉದ್ಯೋಗ ದೊರೆಯುವ ಅದೃಷ್ಟ ಸಿಗುವುದು ಕೆಲವೆ ಜನರಿಗೆ ಮಾತ್ರ. ಓದುತ್ತಿರುವಾಗ ಏನೆಲ್ಲಾ ಅಗಬೇಕೆಂಬ ಕನಸು ಇರುತ್ತದೆ, ಆದರೆ ಅದು ಕನಸಾಗಿಯೆ ಉಳಿದಾಗ ತುಂಬಾ ಬೇಜಾರಾಗುತ್ತದೆ. ಸಿಕ್ಕಿರುವ ಕೆಲಸದ ಮೇಲೆ ಪ್ರೀತಿ ಇರುವುದಿಲ್ಲ.

ಕೆಲಸ ಮಾಡಬೇಕಾದ ಅನಿವಾರ್ಯತೆ ಇರುವುದರಿಂದ ಕೆಲಸ ಮಾಡುತ್ತಿರುತ್ತಾರೆ. ಆದರೆ ಇಷ್ಟಪಟ್ಟ ಕೆಲಸ ಸಿಗಲಿಲ್ಲ ಎಂಬ ಕೊರಗು ಮಾತ್ರ ಇದ್ದೆ ಇರುತ್ತದೆ. ಆದರೆ ಹಾಗೆ ಕೊರಗುವುದರಿಂದ ಏನೂ ಪ್ರಯೋಜನವಿಲ್ಲ. ಸಿಕ್ಕಿದ ಕೆಲಸವನ್ನು ಇಷ್ಟಪಡುವುದು ಜಾಣರ ಲಕ್ಷಣ. ಇಷ್ಟಪಟ್ಟು ಕೆಲಸ ಮಾಡಿದರೆ ಮಾತ್ರ ಏನಾದರು ಸಾಧಿಸಲು ಸಾಧ್ಯ.

ಈ ಕೆಳಗೆ ಹೇಳಿರುವ ಅಂಶಗಳನ್ನು ಓದಿ ಅದರ ಬಗ್ಗೆ ಕೆಲ ನಿಮಿಷ ಯೋಚಿಸಿ, ಇಷ್ಟವಿಲ್ಲದ ಕೆಲಸವನ್ನು ಮುಂದೆ ಇಷ್ಟಪಟ್ಟು ಮಾಡಲಾರಂಭಿಸುವಿರಿ.

ಕೆಲಸದ ಅವಶ್ಯಕತೆ: ನಿಮ್ಮ ಕಷ್ಟಕಾಲದಲ್ಲಿ ನೆರವಿಗೆ ಬಂದಿರುವುದು ಈ ಇಷ್ಟವಿಲ್ಲದ ಕೆಲಸ ಹೊರತು ಇಷ್ಟ ಪಟ್ಟ ಕೆಲಸವಲ್ಲ. ಯಾವುದೇ ಕೆಲಸವಾಗಿರಲಿ ಅದರ ಬಗ್ಗೆ ಗೌರವಿದ್ದರೆ ಮಾತ್ರ ಆ ಕೆಲಸದಲ್ಲಿ ಯಶಸ್ವು ಕಾಣಬಹುದು.

ಭವಿಷ್ಯದ ಬಗ್ಗೆ: ಭವಿಷ್ಯದ ಬಗ್ಗೆ ಭದ್ರತೆ ಬೇಕೆಂದರೆ ಈಗ ಇರುವ ಕೆಲಸವನ್ನು ಇಷ್ಟಪಡಲು ಪ್ರಾರಂಭಿಸಬೇಕು. ಆದರೆ ಮಾತ್ರ ಏನಾದರೂ ಸಾಧಿಸಲು ಸಾಧ್ಯ. ಇರುವ ಕೆಲಸದಲ್ಲಿ ಹಂತ ಹಂತವಾಗಿ ಮೇಲೆ ಬರಲು ಪ್ರಯತ್ನಿಸಬೇಕು.

ಅಡಚಣೆ: ಕೆಲಸ ಜಾಗದಲ್ಲಿ ಸಹೋದ್ಯೋಗಿಗಳು ನಿಮ್ಮೊಡನೆ ಸರಿಯಿಲ್ಲದದ್ದರೆ, ಹೊಟ್ಟೆಕಿಚ್ಚು ಸ್ವಭಾವದವರಾದರೆ ಅಂತಹವರನ್ನು ದೂರವಿಡುವುದು ಒಳ್ಳೆಯದು. ಏಕೆಂದರೆ ಇಂತಹವರಿಂದ ನಾವು ಮಾಡುವ ಕೆಲಸಕ್ಕೆ ಅಡಚಣೆ ಉಂಟಾಗುವುದು. ಅಂತಹವರ ಜೊತೆ ನೇರವಾಗಿ ಹೇಳದೆ ಎಷ್ಟು ಬೇಕೊ ಅಷ್ಟು ಮಾತ್ರ ಮಾತನಾಡಿದರೆ ಒಳ್ಳೆಯದು.

ಹಣ: ಯಾವುದೇ ಕೆಲಸವಾಗಿರಲಿ, ಎಲ್ಲರು ದುಡಿಯುವುದು ಹಣಕ್ಕಾಗಿ. ಇಷ್ಟ ಪಟ್ಟಿದ್ದ ಕೆಲಸದಿಂದ ಸಿಗುವುದು ಹಣ, ಇದರಿಂದ ಸಿಗುತ್ತಿರುವುದು ಹಣ ಎಂದು ಯೋಚಿಸಿ ಮನಸ್ಸಿಗೆ ಸಮಧಾನ ತಂದುಕೊಳ್ಳಬೇಕು.

ಉತ್ತಮ ಸಂಬಂಧ ಬೆಳೆಸಿಕೊಳ್ಳಬೇಕು: ಎಲ್ಲರೊಡನೆ ಬೆರೆಯುವ ಸ್ವಭಾವ ಬೆಳೆಸಿಕೊಳ್ಳಬೇಕು. ಎಲ್ಲರೊಂದಿಗೆ ಉತ್ತಮವಾಗಿ ವರ್ತಿಸಿದರೆ ಅದರಿಂದ ಸಿಗುವ ಪ್ರತಿಫಲ ಕೂಡ ಉತ್ತಮವಾಗಿರುತ್ತದೆ.