ಜೀವನದಲ್ಲಿ ಸುಖ-ಸಮೃದ್ಧಿಗಾಗಿ ರಾಮನವಮಿಯಂದು ಈ ರೀತಿ ಮಾಡಿ

ರಾಮನ ಕೃಪೆಗೆ ಪಾತ್ರರಾಗಲು ನೀವು ಮಾಡಬೇಕಾದ ಕೆಲಸಗಳು ಹೀಗಿವೆ:

• ಬೆಳಿಗ್ಗೆ ಎದ್ದು ಸ್ನಾನ ಮಾಡಿದ ನಂತರ ಸೂರ್ಯ ದೇವರಿಗೆ ನೀರನ್ನು ಅರ್ಪಿಸಬೇಕು. ಈ ದಿನದಂದು ಅಯೋಧ್ಯೆಯ ಪವಿತ್ರ ಸರಯೂ ನದಿಯಲ್ಲಿ ಸ್ನಾನ ಮಾಡುವುದು ಧಾರ್ಮಿಕ ಮಹತ್ವವನ್ನು ಹೊಂದಿದೆ.
• ರಾಮಚರಿತ ಮಾನಸದ ಜೊತೆಗೆ, ಶ್ರೀ ರಾಮ ಚಾಲೀಸಾ, ಶ್ರೀ ರಾಮ ರಕ್ಷಾ ಸ್ತೋತ್ರ ಇತ್ಯಾದಿಗಳನ್ನು ಸಹ ಪಠಿಸಬೇಕು.
• ಈ ದಿನ ಹನುಮಾನ್ ಚಾಲೀಸಾವನ್ನು ಪಠಿಸಬೇಕು.
• ಈ ದಿನದಂದು ಶ್ರೀರಾಮನನ್ನು ಪೂರ್ಣ ಭಕ್ತಿಯಿಂದ ಆರಾಧಿಸಿ.
• ಅನೇಕ ಸ್ಥಳಗಳಲ್ಲಿ, ಭಗವಾನ್ ಶ್ರೀರಾಮನ ವಿಗ್ರಹವನ್ನು ಸಹ ಉಯ್ಯಾಲೆಯಲ್ಲಿಟ್ಟು ತೂಗಲಾಗುವುದು.
• ರಾಮ ನವಮಿಯಂದು ಉಪವಾಸವನ್ನು ಆಚರಿಸಲಾಗುವುದು, ಏಕೆಂದರೆ ಉಪವಾಸವು ಸಂತೋಷ, ಸಮೃದ್ಧಿಯನ್ನು ನೀಡುತ್ತದೆ ಮತ್ತು ಪಾಪಗಳನ್ನು ನಾಶಪಡಿಸುತ್ತದೆ ಎಂದು ನಂಬಲಾಗಿದೆ.
• ಈ ದಿನದಂದು ದಾನ ಮಾಡುವುದು ಧಾರ್ಮಿಕ ಮಹತ್ವವನ್ನು ಹೊಂದಿದೆ.
• ಭಗವಾನ್ ರಾಮನು ಮಧ್ಯಾಹ್ನದ ಸಮಯದಲ್ಲಿ ಜನಿಸಿದನೆಂದು ನಂಬಲಾಗಿದೆ ಮತ್ತು ಆದ್ದರಿಂದ ರಾಮನವಮಿ ಪೂಜೆಯನ್ನು ಮಾಡಲು ಇದು ಅತ್ಯಂತ ಮಂಗಳಕರ ಸಮಯವಾಗಿದೆ. ಈ ಸಮಯದಲ್ಲಿ ದೇವಾಲಯಗಳಲ್ಲಿ ವಿಶೇಷ ಪೂಜೆಗಳು ಮತ್ತು ಯಾಗಗಳನ್ನು ನಡೆಸಲಾಗುತ್ತದೆ. ಜೊತೆಗೆ ಶ್ರೀರಾಮನ ಹೆಸರು ಮತ್ತು ಮಂತ್ರಗಳು ಮತ್ತು ಸ್ತೋತ್ರಗಳ ಪಠಣವನ್ನು ಮಾಡಲಾಗುತ್ತದೆ.



ರಾಮನವಮಿಯಂದು ಮಾಡಬಾರದ ಕೆಲಸಗಳು ಹೀಗಿವೆ:

ಇತರರನ್ನು ನೋಯಿಸಬೇಡಿ:

ಶ್ರೀರಾಮ ನವಮಿಯಂದು ನಾವು ಮಾಡಬಾರದ ಕೆಲವು ಕೆಲಸಗಳಿವೆ. ಮುಖ್ಯ ವಿಷಯವೆಂದರೆ ಇತರರನ್ನು ನೋಯಿಸಬಾರದು. ಇದರ ಜೊತೆಗೆ ಶ್ರೀರಾಮನ ನಾಮವನ್ನು ಜಪಿಸುವಾಗ ತಪ್ಪಾಗದಂತೆ ಎಚ್ಚರಿಕೆ ವಹಿಸಬೇಕು. ಏಕೆಂದರೆ ಇದು ನಿಮ್ಮ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರುತ್ತದೆ.



ಕೆಟ್ಟ ಅಭ್ಯಾಸಗಳಿಂದ ದೂರವಿರಿ:

ಶ್ರೀರಾಮನ ಜನ್ಮ ದಿನದಂದು ಕೆಟ್ಟ ಅಭ್ಯಾಸಗಳಿಂದ ದೂರವಿರಬೇಕು. ಏಕೆಂದರೆ ಅದು ನಿಮ್ಮಲ್ಲಿ ನಕಾರಾತ್ಮಕ ಶಕ್ತಿಯನ್ನು ಹೆಚ್ಚಿಸುತ್ತದೆ. ನಿಮ್ಮ ಜೀವನದಲ್ಲಿ ಉತ್ತಮ ಫಲಿತಾಂಶಗಳನ್ನು ನಿರೀಕ್ಷಿಸುತ್ತಿದ್ದರೆ, ಮದ್ಯಪಾನ ಮಾಡದಂತೆ ಮತ್ತು ಮಾಂಸಾಹಾರ ಸೇವಿಸದಂತೆ ಎಚ್ಚರಿಕೆ ವಹಿಸಿ. ಜೊತೆಗೆ, ಈರುಳ್ಳಿ ಮತ್ತು ಬೆಳ್ಳುಳ್ಳಿ ತಿನ್ನಬಾರದು. ಈ ಎರಡು ಪದಾರ್ಥಗಳಿಲ್ಲದೆ ಒಗ್ಗರಣೆ ಮಾಡಲು ಪ್ರಯತ್ನಿಸಿ.



ಇವುಗಳನ್ನು ಮಾಡಬೇಡಿ:

ನವಮಿ ಆಚರಣೆಯ ಸಮಯದಲ್ಲಿ ನಿಮ್ಮ ಕೂದಲನ್ನು ಕತ್ತರಿಸಬೇಡಿ ಅಥವಾ ಕ್ಷೌರ ಮಾಡಬೇಡಿ. ಜೊತೆಗೆ, ಇತರರ ಬಗ್ಗೆ ದೂಷಣೆ, ಟೀಕೆ ಅಥವಾ ಗಾಸಿಪ್ ಮಾಡದಂತೆ ಎಚ್ಚರಿಕೆ ವಹಿಸಿ. ಅಲ್ಲದೆ ಸ್ನಾನ ಮಾಡದೆ ಊಟ ಮಾಡಬೇಡಿ. ಒಂಬತ್ತನೆಯ ದಿನ ರಾಮನನ್ನು ಮಗುವಿನ ರೂಪದಲ್ಲಿ ಪೂಜಿಸಲಾಗುತ್ತದೆ. ಭಕ್ತರು ಈ ದಿನವನ್ನು ವಿಶೇಷ ಉಪವಾಸ ಮತ್ತು ನಾಮಕರಣ ಸಮಾರಂಭದೊಂದಿಗೆ ಆಚರಿಸುತ್ತಾರೆ.