ಫೆ.1 ಮೌನಿ ಅಮಾವಾಸ್ಯೆ: ಚಂದ್ರದೋಷ ನಿವಾರಣೆಗೆ ಹೀಗೆ ಮಾಡಿ

ಮೌನಿ ಅಮವಾಸ್ಯೆ 2022 : ದಿನಾಂಕ ಮತ್ತು ತಿಥಿ

ಹಿಂದೆ ಮಾಡಿದ ದುಷ್ಕೃತ್ಯಗಳನ್ನು ನಿವಾರಿಸಲು ಭಕ್ತರು ಪವಿತ್ರ ಗಂಗೆಯಲ್ಲಿ ಸ್ನಾನ ಮಾಡುತ್ತಾರೆ. ಜೊತೆಗೆ ದಿನವಿಡೀ ಉಪವಾಸವನ್ನು ಆಚರಿಸುತ್ತಾರೆ. ಕೆಲವರು ದಿನವಿಡೀ ಒಂದು ಮಾತನ್ನೂ ಆಡದೇ 'ಮೌನ ವ್ರತ'ವನ್ನು ಸಹ ಆಚರಿಸುತ್ತಾರೆ.

ದಿನಾಂಕ: ಫೆಬ್ರವರಿ 1 (ಮಂಗಳವಾರ)

ಅಮವಾಸ್ಯೆ ತಿಥಿ ಪ್ರಾರಂಭ - ಜನವರಿ 31, 2022 ರಂದು ಮಧ್ಯಾಹ್ನ 02:18 ಕ್ಕೆ

ಅಮವಾಸ್ಯೆಯ ತಿಥಿ ಅಂತ್ಯ - ಫೆಬ್ರವರಿ 1, 2022 ರಂದು 11:15ಕ್ಕೆ

ಮೌನಿ ಅಮವಾಸ್ಯೆ ಮಹತ್ವ:

ಹಿಂದೂ ನಂಬಿಕೆಯಂತೆ ಎರಡು ದಿನಗಳ ಕಾಲ ಅಮವಾಸ್ಯೆಯನ್ನು ಆಚರಿಸುವಾಗ ಮೊದಲ ದಿನ ಶ್ರಾದ್ಧ ಅಮವಾಸ್ಯೆ ಮತ್ತು ಮೌನಿ ಅಮವಾಸ್ಯೆ ಎಂದು ಗುರುತಿಸಲಾಗುತ್ತದೆ. ಎರಡನೇ ದಿನ ಪವಿತ್ರ ನೀರಿನಲ್ಲಿ ಸ್ನಾನ ಮಾಡುತ್ತಾರೆ, ದಾನ ಮಾಡುತ್ತಾರೆ. ಈ ದಿನವನ್ನು ಅಮೃತ ಯೋಗದ ದಿನ ಮತ್ತು ಕುಂಭಪರ್ವದ ದಿನ ಎಂದು ಕರೆಯಲಾಗುತ್ತದೆ. ಈ ದಿನ ಬ್ರಾಹ್ಮಿ ಮುಹೂರ್ತದಲ್ಲಿ ಎದ್ದು, ಗಂಗಾ ಸ್ನಾನವನ್ನು ಮಾಡುವುದರಿಂದ ಪಾಪಗಳೆಲ್ಲವೂ ಕಳೆದು, ಮೋಕ್ಷ ದೊರಕುವುದು ಎಂಬ ನಂಬಿಕೆಯಿದೆ.

ಮೌನಿ ಅಮವಾಸ್ಯೆ ಪೂಜಾ ವಿಧಿ:

ಈ ದಿನ ಬ್ರಾಹ್ಮಿ ಮುಹೂರ್ತದಲ್ಲಿ ಎದ್ದು ಸ್ನಾನ ಮಾಡಬೇಕು.

ಸ್ನಾನ ಇತ್ಯಾದಿಗಳಿಂದ ನಿವೃತ್ತರಾದ ನಂತರ ಚಂದ್ರ ಕವಚವನ್ನು ಪಠಿಸಬೇಕು.

ದಿನವಿಡೀ ಹಣ್ಣುಹಂಪಲು ಸೇವಿಸಿ ಉಪವಾಸ ಮಾಡಿ, ರಾತ್ರಿ ಚಂದ್ರನಿಗೆ ಹಾಲಿನೊಂದಿಗೆ ಅರ್ಘ್ಯವನ್ನು ನೀರು ಬೆರೆಸಿ ಅರ್ಪಿಸಬೇಕು. ಹೀಗೆ ಮಾಡುವುದರಿಂದ ಜಾತಕದಲ್ಲಿ ಚಾಲ್ತಿಯಲ್ಲಿರುವ ಚಂದ್ರದೋಷದಿಂದ ಮುಕ್ತಿ ಸಿಗುತ್ತದೆ.