ಡಿಸೆಂಬರ್‌ನಲ್ಲಿ ಈ 12 ದಿನಗಳು ಹಿಂದೂಗಳಿಗೆ ತುಂಬಾ ಪವಿತ್ರವಾದುದು

1ನೇ ಡಿಸೆಂಬರ್ : ರಾಮವಿವಾಹ

ನೀವು ನಿರ್ವಹಿಸಬಹುದಾದ ಅತ್ಯಂತ ಪ್ರಮುಖ ಮತ್ತು ಪವಿತ್ರವಾದ ಧಾರ್ಮಿಕ ಕಾರ್ಯವಾಗಿದೆ. ವಿಶೇಷವಾಗಿ ಸೂಕ್ತ ಸಂಗಾತಿಯನ್ನು ಪಡೆಯುವ ಪ್ರಯತ್ನದಲ್ಲಿರುವವರಿಗೆ ಈ ದಿನದಂದು ರಾಮವಿವಾಹ ಕಾರ್ಯವನ್ನು ನಡೆಸುವ ಮೂಲಕ ಉತ್ತಮ ಸಂಗಾತಿ ದೊರಕುವ ಸಾಧ್ಯತೆಗಳು ಹೆಚ್ಚುತ್ತವೆ. ಅವಿವಾಹಿತರಿಗೆ ಕಂಕಣಬಲ ಕೂಡಿ ಬರಲು ಮತ್ತು ವಿದ್ಯಾರ್ಥಿಗಳ ಜ್ಞಾನಾರ್ಜನೆಗೆ ನೆರವು ಮತ್ತು ಅಧ್ಯಯನದಲ್ಲಿ ಹೆಚ್ಚಿನ ಸಾಫಲ್ಯ ದೊರಕಲೂ ಈ ಕಾರ್ಯ ಹೆಚ್ಚಿನ ಫಲ ನೀಡುತ್ತದೆ.

2ನೇ ಡಿಸೆಂಬರ್: ಸುಬ್ರಹ್ಮಣ್ಯ ಷಷ್ಠಿ

ಭಯ, ಉದ್ವೇಗ, ಆತಂಕ ಮೊದಲಾದ ಮಾನಸಿಕ ತೊಂದರೆಗಳಿಂದ ಬಳಲುತ್ತಿರುವ ವ್ಯಕ್ತಿಗಳು ಈ ದಿನದಂದು ಸುಬ್ರಹ್ಮಣ್ಯ ಷಷ್ಠಿಯನ್ನು ನಡೆಸುವ ಮೂಲಕ ತಮ್ಮ ಭಯದ ಮೇಲೆ ನಿಯಂತ್ರಣ ಸಾಧಿಸಲು ಸಾಧ್ಯವಾಗುತ್ತದೆ. ಈ ಧಾರ್ಮಿಕ ಕಾರ್ಯದ ಮೂಲಕ ಮನೆದೇವರನ್ನು ಪೂಜಿಸಿದರೆ ಮಾನಸಿಕ ಶಾಂತಿ, ಶಕ್ತಿ ಮತ್ತು ಒಟ್ಟಾರೆ ಪ್ರಗತಿ ಪಡೆಯಲು ಸಾಧ್ಯವಾಗುತ್ತದೆ.

4ನೇ ಡಿಸೆಂಬರ್: ಮಾಸಿಕ ದುರ್ಗಾಷ್ಟಮಿ

ನಿಮ್ಮ ಮನೋಭಿಲಾಶೆಯ ಕೆಲಸವನ್ನು ಪ್ರಾರಂಭಿಸಲು ಈ ಪೂಜೆ ಉತ್ತಮವಾಗಿದ್ದು ಇದನ್ನು ನಿರ್ವಹಿಸಲು ಈ ತಿಂಗಳ ಈ ದಿನ ಅತ್ಯುತ್ತಮವಾಗಿದೆ. ಅಷ್ಟೇ ಅಲ್ಲ, ಬಳಲುತ್ತಿರುವ ಕಾಯಿಲೆಯಿಂದ ಶೀಘ್ರ ಉಪಶಮನ ಪಡೆಯಲು, ವಿದ್ಯಾಭ್ಯಾಸದಲ್ಲಿ ಹೆಚ್ಚಿನ ಯಶಸ್ಸು ಪಡೆಯಲು ಸಹಾ ಈ ಪೂಜೆ ನೆರವಾಗುತ್ತದೆ. ಈ ದಿನದ ಮುಂಜಾನೆ ಪೂಜೆ ನಿರ್ವಹಿಸಿ ತೆರಳುವ ವ್ಯಕ್ತಿಗಳಿಗೆ ಯಶಸ್ಸು ಮತ್ತು ಮಾನಸಿಕ ಶಾಂತಿ ದೊರಕುತ್ತದೆ.

8ನೇ ಡಿಸೆಂಬರ್: ಮೋಕ್ಷದ ಏಕಾದಶಿ

ಒಂದು ವೇಳೆ ನಿಮ್ಮಲ್ಲಿ ದುಃಖ ಮತ್ತು ತೊಡಕುಗಳು ಆವರಿಸಿದ್ದರೆ ಈ ದಿನದಂದು ನಡೆಸುವ ಮೋಕ್ಷದ ಏಕಾದಶಿ ಪೂಜೆ ನಿಮ್ಮ ತೊಂದರೆಗಳನ್ನು ನಿವಾರಿಸಲು ನೆರವಾಗುತ್ತದೆ. ಭಕ್ತರಿಗೆ ಹೆಚ್ಚಿನ ಜ್ಞಾನ ಮತ್ತು ಆಧ್ಯಾತ್ಮಿಕ ಪ್ರಗತಿಯೂ ಲಭ್ಯವಾಗುತ್ತದೆ.

9ನೇ ಡಿಸೆಂಬರ್: ಸೋಮ ಪ್ರದೋಶ

ಭಗವಂತ ಶಿವನನ್ನು ಆರಾಧಿಸಿ ಆತನ ಕೃಪೆ, ಆರೋಗ್ಯಕರ ಧನಾತ್ಮಕ ಶಕ್ತಿ ಮತ್ತು ಜೀವನದಲ್ಲಿ ಸಂತೋಷವನ್ನು ಪಡೆಯಲು ಈ ದಿನ ಅತ್ಯಂತ ಸೂಕ್ತವಾಗಿದೆ. ತಮ್ಮ ಕಾರ್ಯಗಳು ಮುಂದುವರೆಯಲು ತೊಡಕನ್ನು ಅನುಭವಿಸುತ್ತಿರುವ ವ್ಯಕ್ತಿಗಳಿಗೆ ಈ ಪೂಜೆ ಉತ್ತಮವಾಗಿದೆ. ಆದ್ದರಿಂದ ತೊಡಕುಗಳಿರುವ ಯಾವುದೇ ವ್ಯಕ್ತಿ ಈ ದಿನವನ್ನು ತಪ್ಪಿಸಿಕೊಳ್ಳದೇ ಪೂಜೆ ನಿರ್ವಹಿಸಿದರೆ ಕಷ್ಟಗಳು ಶೀಘ್ರವೇ ನಿವಾರಣೆಯಾಗುತ್ತವೆ.

12ನೇ ಡಿಸೆಂಬರ್: ಮಾರ್ಗಶಿರ ಪೂರ್ಣಿಮಾ

ಮಕ್ಕಳಿಲ್ಲದ ದಂಪತಿಗಳು ಈ ದಿನದಂದು ನಡೆಸುವ ಮಾರ್ಗಶಿರ ಪೂರ್ಣಿಮಾ ಪೂಜೆಯಿಂದ ದೇವರ ಅನುಗ್ರಹ ಪಡೆಯಲು ಸಾಧ್ಯವಾಗುತ್ತದೆ ಹಾಗೂ ಸಂತಾನಭಾಗ್ಯ ಪಡೆಯುವ ಸಾಧ್ಯತೆಗಳು ಹೆಚ್ಚುತ್ತವೆ. ಇದಕ್ಕಾಗಿ ವಿಶೇಷವಾಗಿ ಸಂತಾನರಹಿತ ದಂಪತಿಗಳು ಈ ದಿನವನ್ನು ಖಂಡಿತಾ ತಪ್ಪಿಸಿಕೊಳ್ಳಬಾರದು. ಅಷ್ಟೇ ಅಲ್ಲ, ಮಕ್ಕಳಿರುವ ದಂಪತಿಗಳು ತಮ್ಮ ಮಕ್ಕಳ ಆರೋಗ್ಯಕ್ಕಾಗಿ ಈ ದಿನ ಪ್ರಾರ್ಥಿಸಿದರೆ ಮಕ್ಕಳು ಆರೋಗ್ಯವಂತರಾಗಿ ಹಾಗೂ ಉತ್ತಮ ವ್ಯಕ್ತಿಗಳಾಗಿ ರೂಪುಗೊಳ್ಳಲು ಸಾಧ್ಯವಾಗುತ್ತದೆ. ಅಲ್ಲದೇ ಆಧ್ಯಾತ್ಮಿಕ ಪ್ರಗತಿಯೂ ಲಭ್ಯವಾಗುತ್ತದೆ.

15ನೇ ಡಿಸೆಂಬರ್: ಸಂಕಷ್ಟಿ ಚತುರ್ದಶಿ

ಒಂದು ವೇಳೆ ಕೆಲಸವೊಂದು ಮುಂದುವರೆಯದೇ ಕೊನೆಗೊಳ್ಳಲು ಹೆಚ್ಚಿನ ಸಮಯ ಕಬಳಿಸುತ್ತಿದ್ದಲ್ಲಿ, ಈ ಪೂಜೆಯನ್ನು ನಿರ್ವಹಿಸುವ ಮೂಲಕ ಕಾರ್ಯ ಪೂರ್ಣಗೊಳ್ಳಲು ನೆರವು ದೊರಕುತ್ತದೆ. ಈ ಮೂಲಕ ಮಾನಸಿಕ ಭಯಗಳನ್ನು ಗೆಲ್ಲಲು ಸಾಧ್ಯವಾಗುತ್ತದೆ. ತಮ್ಮ ಕಾರ್ಯಸಾಧನೆಗಳಲ್ಲಿ ಅಡ್ಡಿ ಎದುರಿಸುತ್ತಿರುವ ವ್ಯಕ್ತಿಗಳಿಗೂ ಈ ಪೂಜೆ ಸೂಕ್ತವಾಗಿದೆ. ದಾಂಪತ್ಯದಲ್ಲಿ ಕಲಹ ಅಥವಾ ವಿರಸ ಹೊಂದಿರುವ ದಂಪತಿಗಳು ಈ ಪೂಜೆಯನ್ನು ನೆರವೇರಿಸಿದರೆ ಕಲಹ ನಿವಾರಣೆಯಾಗಿ ಪ್ರೀತಿ ವಿಶ್ವಾಸ ಹಾಗೂ ಮನೆಯಲ್ಲಿ ಶಾಂತಿ ನೆಲೆಸುತ್ತದೆ.

19ನೇ ಡಿಸೆಂಬರ್: ಮಾಸಿಕ ಕಲಾಷ್ಠಮಿ

ಅಸಾಧ್ಯ ಎಂದೆನಿಸಿದ್ದ ಕಾರ್ಯವೂ ಈ ದಿನದಂದು ಪಾರ್ಥಿಸಿ ಪ್ರಾರಂಭಿಸುವ ಮೂಲಕ ಸುಲಭವಾಗಿ ನೆರವೇರುತ್ತದೆ. ಗಾಯ ಅಥವಾ ಕಾಯಿಲೆಯಿಂದ ಬಳಲುತ್ತಿರುವ ವ್ಯಕ್ತಿಗಳಿಗೂ ಈ ಪೂಜೆ ಶ್ರೇಯಸ್ಕರವಾಗಿದೆ. ಒಂದು ವೇಳೆ ಕೆಲಸವೊಂದು ನಡುವಿನಲ್ಲಿ ನಿಂತುಹೋಗಿದ್ದರೆ ಈ ಪೂಜೆ ನಿರ್ವಹಿಸಿ ಮತ್ತೊಮ್ಮೆ ಕೈಗೆತ್ತಿಕೊಳ್ಳುವ ಮೂಲಕ ಈ ಕೆಲಸವೂ ಸಾಂಗವಾಗಿ ನೆರವೇರುತ್ತದೆ ಹಾಗೂ ಆತ್ಮೀಯರಿಂದ ಹೆಚ್ಚಿನ ಸಹಕಾರ ದೊರಕುತ್ತದೆ. ಅಲ್ಲದೇ ನಿಮ್ಮ ಕೆಲಸಗಳಿಗೆ ಎದುರಾಗುವ ಕಂಟಕಗಳು ನಿವಾರಣೆಗೊಡು ದಿನದಲ್ಲಿ ನಡೆಸುವ ನಿಮ್ಮ ಪ್ರಯತ್ನಗಳು ಹೆಚ್ಚಿನ ಫಲವನ್ನು ನೀಡುತ್ತವೆ.

23ನೇ ಡಿಸೆಂಬರ್: ಸೋಮ ಪ್ರದೋಶ

ಈ ಪೂಜೆ ಆಧ್ಯಾತ್ಮಿಕ ಮತ್ತು ಮಾನಸಿಕ ಪ್ರಗತಿಗೆ ಅಗತ್ಯವಾಗಿದೆ. ನಷ್ಟ ಅನುಭವಿಸಿರುವ ಮತ್ತು ಅನಗತ್ಯ ತೊಡಕುಗಳಿಗೆ ಒಡ್ಡಿಕೊಂಡಿರುವ ವ್ಯಕ್ತಿಗಳಿಗೆ ಈ ಪೂಜೆ ಹೆಚ್ಚಿನ ನೆರವು ಒದಗಿಸುತ್ತದೆ ಹಾಗೂ ಆತ್ಮೀಯರಿಂದ ಧನಾತ್ಮಕ ನೆರವು ಒದಗುವ ಮೂಲಕ ಹೆಚ್ಚಿನದನ್ನು ಸಾಧಿಸಲು ಸಾಧ್ಯವಾಗುತ್ತದೆ. ಅಲ್ಲದೇ ಭಕ್ತರಿಗೆ ನೆಮ್ಮದಿ ಮತ್ತು ಆರೋಗ್ಯಗಳೂ ಲಭಿಸುತ್ತವೆ.

24 ನೇ ಡಿಸೆಂಬರ್: ಮಾಸಿಕ ಶಿವರಾತ್ರಿ

ಭಗವಾನ್ ಶಿವನನ್ನು ಆರಾಧಿಸುವ ಭಕ್ತರು ಈ ದಿನದಂದು ನೆರವೇರಿಸುವ ಶಿವಪೂಜೆಯ ಮೂಲಕ ಆರೋಗ್ಯ ಮತ್ತು ಸಂಪತ್ತನ್ನು ಗಳಿಸುತ್ತಾರೆ. ದಾಂಪತ್ಯದಲ್ಲಿ ಕಲಹ ಹೊಂದಿರುವ ವ್ಯಕ್ತಿಗಳು ಈ ಪೂಜೆಯ ಮೂಲಕ ತಮ್ಮ ತೊಂದರೆಯನ್ನು ನಿವಾರಿಸಲು ಪ್ರಯತ್ನಿಸಿದರೆ ಹೆಚ್ಚಿನ ಫಲ ದೊರಕುತ್ತದೆ.

30ನೇ ಡಿಸೆಂಬರ್: ವಿನಾಯಕಿ ಚತುರ್ಥಿ

ಜೀವನದಲ್ಲಿ ಎದುರಾಗಿರುವ ಯಾವುದೇ ವಿಘ್ನಗಳನ್ನು ತೊಡೆದು ನಿಮ್ಮ ಪ್ರಯತ್ನಗಳು ಹೆಚ್ಚಿನ ಫಲ ನೀಡುವಂತಾಗಲು ಈ ದಿನ ವಿನಾಯಕನನ್ನು ಆರಾಧಿಸಲು ಅತಿ ಸೂಕ್ತವಾದ ದಿನವಾಗಿದೆ. ಒಂದು ವೇಳೆ ಅಸಹಜ ಕಾರಣದಿಂದ ನಿಮ್ಮ ಕೆಲಸವೊಂದು ಮುಂದುವರೆಯದೇ ನಿಂತಲ್ಲೇ ಇದ್ದರೆ ಈ ಪೂಜೆಯ ಮೂಲಕ ಈ ತಡೆ ನಿವಾರಣೆಗೊಂಡು ಕೆಲಸ ಪೂರ್ಣಗೊಳ್ಳಲು ನೆರವಾಗುತ್ತದೆ. ಈ ದಿನದಂದು ವಿದ್ಯಾರ್ಥಿಗಳು ಹೆಚ್ಚಿನ ಅಭ್ಯಾಸ ನಡೆಸಿದ್ದೇ ಆದಲ್ಲಿ ಹೆಚ್ಚಿನ ಜ್ಞಾನ ಮತ್ತು ವಿದ್ಯೆಯನ್ನು ಪಡೆಯಲು ಸಾಧ್ಯವಾಗುತ್ತದೆ.

31ನೇ ಡಿಸೆಂಬರ್: ಸ್ಕಂದ ಷಷ್ಟಿ

ಇದು ವರ್ಷದ ಕೊನೆಯ ದಿನವಾಗಿದ್ದು ವಿಶೇಷವಾಗಿ ಭಯ ಮತ್ತು ಚಿಂತೆಗೆ ಒಳಗಾಗಿರುವ ವ್ಯಕ್ತಿಗಳಿಗೆ ಹೆಚ್ಚಿನ ಮಹತ್ವದ್ದಾಗಿದೆ. ಸತತ ಭಯದಿಂದ ನರಳುತ್ತಿರುವ ವ್ಯಕ್ತಿಗಳಿಗೆ ಈ ದಿನ ಈ ಭಯವನ್ನು ಹೋಗಲಾಡಿಸಲು ಮತ್ತು ಕಾರ್ಯ ಯಶಸ್ವಿಗೊಳ್ಳಲು ಸಾಧ್ಯವಾಗುತ್ತದೆ.