ಜ್ಯೋತಿಷ್ಯಶಾಸ್ತ್ರ: ನಿಮಗೆ ಸರ್ಕಾರಿ ಕೆಲ್ಸ ಬೇಕಂದ್ರೆ ತಪ್ಪದೇ ಹೀಗೆ ಮಾಡಿ…

ಈಶ್ವರ ದೇವರನ್ನು ಪೂಜಿಸಿ

ಪ್ರತೀ ಸೋಮವಾರದಂದು ನೀವು ಶಿವಲಿಂಗಕ್ಕೆ ನೀರಿನಿಂದ ಅಭಿಷೇಕ ಮಾಡಿ. ಇಷ್ಟು ಮಾತ್ರವಲ್ಲದೆ ಅಕ್ಕಿ ಮತ್ತು ಹಸಿ ಹಾಲನ್ನು ಸಮರ್ಪಿಸಿ. ಇದರಿಂದ ಸರ್ಕಾರಿ ಕೆಲಸಕ್ಕೆ ನಿಮಗೆ ಏನೇ ಅಡೆತಡೆಯಿದ್ದರೂ ಅದು ನಿವಾರಣೆಯಾಗುವುದು. ಈಶ್ವರ ದೇವರ ಹೃದಯವು ಬೇಗನೆ ಕರಗುವುದು ಎಂದು ಹೇಳಲಾಗುತ್ತದೆ. ಇದರಿಂದ ನಿಮಗೆ ಸರ್ಕಾರಿ ಕೆಲಸ ಬೇಕಿದ್ದರೆ ಶಿವ ದೇವರಲ್ಲಿ ಬೇಡಿಕೊಳ್ಳಬಹುದು.

ಹನುಮಂತ ದೇವರಿಗೆ ಗುಲಾಬಿ ಮತ್ತು ಕುಂಕುಮ ಸಮರ್ಪಿಸಿ

ಮಂಗಳವಾರದಂದು ನೀವು ಆಂಜನೇಯ ದೇವರ ಮಂದಿರಕ್ಕೆ ಭೇಟಿ ನೀಡಿ. ದೇವರ ಮೂರ್ತಿಗೆ ಗುಲಾಬಿ ಮತ್ತು ಕುಂಕುಮ ಸಮರ್ಪಣೆ ಮಾಡಿ. ಆಂಜನೇಯ ದೇವರು ಆಕಾಶದಲ್ಲಿ ಹಾರುತ್ತಿರುವ ಫೋಟೊದ ಮುಂದೆ ನಿಂತು ನೀವು ಪ್ರಾರ್ಥನೆ ಮಾಡಿ. ಪ್ರತಿನಿತ್ಯ ಹನುಮಾನ್ ಚಾಲೀಸ ಪಠಿಸಿ. ಒಂದು ಹನುಮಾನ್ ಯಂತ್ರವನ್ನು ನೀವು ಇಟ್ಟುಕೊಳ್ಳಬಹುದು.

ಗಣೇಶ ದೇವರನ್ನು ಪೂಜಿಸಿ

ಗಣಪತಿ ದೇವರ ಸೊಂಡಿಲು ಬಲಕ್ಕೆ ತಿರುಗಿರುವಂತಹ ಮೂರ್ತಿಯನ್ನು ಇಟ್ಟು ನೀವು ಪೂಜೆ ಮಾಡಿ. ಇದನ್ನು ನೀವು ಚತುರ್ಥಿ ಯಂದು ಮಾಡಬೇಕಾಗಿದೆ. ಪ್ರತಿನಿತ್ಯ ನೀವು ಈ ಮೂರ್ತಿ ಎದುರು ಪ್ರಾರ್ಥನೆ ಮಾಡಿಕೊಳ್ಳಿ.

ಗೋವಿಗೆ ಆಹಾರ ನೀಡಿ

ಹಿಂದೂ ಧರ್ಮದಲ್ಲಿ ಗೋವಿಗೆ ಆಹಾರ ನೀಡುವುದು ಅತೀ ದೊಡ್ಡ ಪುಣ್ಯದ ಕೆಲಸವೆಂದು ಪರಿಗಣಿಸಲಾಗುತ್ತದೆ. ಸಂದರ್ಶನಕ್ಕೆ ಹೋಗುವ ಮೊದಲು ಗೋವಿಗೆ ಚಪಾತಿ ಮತ್ತು ಬೆಲ್ಲವನ್ನು ನೀಡಿ. ಗೋಧಿ ಹಿಟ್ಟಿನಿಂದ ಮಾಡಿರುವಂತಹ ಆಹಾರ ನೀಡಿದರೆ ಅದು ತುಂಬಾ ಲಾಭಕಾರಿಯಾಗಿರಲಿದೆ. ಇದರಿಂದಾಗಿ ನೀವು ಸಂದರ್ಶನದಲ್ಲಿ ಯಶಸ್ಸು ಪಡೆಯುವ ಸಾಧ್ಯತೆಯು ಹೆಚ್ಚಾಗಿ ಇರುವುದು.

ಶನಿ ದೇವರನ್ನು ಪ್ರಾರ್ಥಿಸಿ

ಶನಿ ದೇವರನ್ನು ಪ್ರತೀ ಶನಿವಾರದಂದು ಪೂಜೆ ಮಾಡಿ. ಶನಿ ದೇವರಿಗೆ ಪ್ರಾರ್ಥನೆ ಸಲ್ಲಿಸುವ ವೇಳೆ ನೀವು ಶನಿ ಮಂತ್ರವಾಗಿರುವ `ಓಂ ಶಾಂ ಶನೈಶ್ಚರಾಯ ನಮಃ'ವನ್ನು 108 ಸಲ ಪಠಿಸಿ. ಇದರಿಂದ ನಿಮ್ಮ ಜನ್ಮ ಕುಂಡಲಿಯಲ್ಲಿ ಇರುವಂತಹ ಕೆಲವೊಂದು ನಕಾರಾತ್ಮಕ ಶಕ್ತಿಗಳು ದೂರವಾಗಿ ಅದೃಷ್ಟವು ಬರುವುದು.

ಸಂದರ್ಶನಕ್ಕೆ ಮೊದಲು

ಸಂದರ್ಶನಕ್ಕೆ ಹೋಗುವ ಮೊದಲು ನೀವು ಏನಾದರೂ ಸಿಹಿಯಾಗಿರುವುದನ್ನು ಸೇವಿಸಬೇಕು. ಮೊಸರು ಮತ್ತು ಸಕ್ಕರೆ ಸೇವಿಸಿ ಹೋಗುವುದು ತುಂಬಾ ಶುಭವೆಂದು ಪರಿಗಣಿಸಲಾಗಿದೆ.

ಓಂ ಮಂತ್ರ

`ಓಂ ನಮೋ ಭಗವತಿ ಪದ್ಮಾವತಿ ರಿಧಿ ಸಿದ್ಧಿ ದಾಯಿನಿ' ಎನ್ನುವ ಮಂತ್ರವನ್ನು ನೀವು 108 ಸಲ ಪಠಿಸಿದ ಬಳಿಕ ಸಂದರ್ಶನಕ್ಕೆ ಹೋಗಿ. ಇದರಿಂದ ನಿಮಗೆ ಸರ್ಕಾರಿ ಕೆಲಸವು ಸಿಗಲು ನೆರವಾಗುವುದು.

ಅಶ್ವತ್ಥ ಮರವನ್ನು ಪೂಜಿಸಿ

ಭಾನುವಾರ ಹೊರತಾಗಿ ನೀವು ಪ್ರತಿನಿತ್ಯ ಅಶ್ವತ್ಥ ಮರವನ್ನು ಪೂಜಿಸಬೇಕು. ಈ ಮರದಲ್ಲಿ ಎಲ್ಲಾ ದೇವದೇವತೆಗಳು ಹಾಗೂ ನಿಮ್ಮ ಪೂರ್ವಜರು ನೆಲೆಸಿರುತ್ತಾರೆ ಎಂದು ನಂಬಲಾಗಿದೆ. ಶನಿವಾರದಂದು ಕೆಲವು ಮಂದಿ ಅಶ್ವತ್ಥ ಮರದ ಸಮೀಪ ದೀಪವನ್ನು ಕೂಡ ಹಚ್ಚಿಡುವರು.