ನಿಯತ್ತಿನ ನಾಯಿಗೆ ನಾವು ತೋರುವ ಕೃತಜ್ಞತೆ

Pet Care

oi-Reena

By Hema S

Published: Friday, March 2, 2012, 15:25 [IST]

ಮನುಷ್ಯನ ಆಯಸ್ಸು ನೂರು ವರ್ಷ( ಈ ಪೀಳಿಗೆಯವರಾದ ನಾವು ಅಷ್ಟು ಕಾಲ ಬದುಕುತ್ತೀವಾ?). ನಾವು ಸಾಕುವ ಮುದ್ದಿನ ನಾಯಿಯ ಆಯುಷ್ಯ 13 ವರ್ಷ. ತುಂಬಾ ಆರೈಕೆಯಿಂದ ಬೆಳೆಸಿದರೆ 15 ವರ್ಷ ಬದುಕಬಹುದು. ಅದರಲ್ಲಿ ದೊಡ್ಡ ಜಾತಿಯ ನಾಯಿಗಳು, ಬಾಕ್ಸರ್ ಇವುಗಳ ಆಯುಷ್ಯ ಹೆಚ್ಚೆಂದರೆ 8-9ವರ್ಷ.

ನಾಯಿಗಳು ವಯಸ್ಸಾದಾಗ ಹೆಚ್ಚಾಗಿ ಶ್ವಾಸಕೋಶದ ತೊಂದರೆ, ಕಿಡ್ನಿ ಸಮಸ್ಯೆ ಮತ್ತು ಮೂಳೆಯ ಸಮಸ್ಯೆಯಿಂದ ಬಳಲುತ್ತದೆ. ಪೌಷ್ಠಿಕ ಆಹಾರದ ಕೊರತೆ ಇದ್ದರೆ 8-9 ವರ್ಷಕಕ್ಕೆ ಇಂತಹ ತೊಂದರೆಗಳು ಕಾಣಿಸಿಕೊಳ್ಳುತ್ತದೆ.

ಮುದ್ದಿನ ನಾಯಿ ಕಾಯಿಲೆ ಬಿದ್ದರೆ ನೋಡಿಕೊಳ್ಳುವುದು ಕಷ್ಟ. ಹಾಗಂತ ಅದನ್ನು ಹಾಗೇ ಬಿಡಲು ಸಾಧ್ಯವಿಲ್ಲ. ಆದ್ದರಿಂದ ಈಕೆಳಗಿನ ಸಲಹೆಗಳು ನಿಮಗೆ ಸಹಕಾರಿಯಾದೀತು:

1.ನಾಯಿಯಲ್ಲಿ ಕಿಡ್ನಿ ಸಮಸ್ಯೆ ಕಾಣಿಸಿಕೊಂಡರೆ ಕಡಿಮೆ ಮಲವಿಸರ್ಜನೆ ಉಂಟು ಮಾಡುವ ಆಹಾರಗಳನ್ನು ನೀಡುವುದು ಒಳ್ಳೆಯದು.

2. ನಾಯಿಯಲ್ಲಿ ಹೃದಯದಲ್ಲಿ ಏನಾದರೂ ಸಮಸ್ಯೆ ಇದ್ದರೆ ಕಡಿಮೆ ಸೋಡಿಯಂ ಇರುವ ಆಹಾರ ಕೊಡಬೇಕು. ಹೀಗೆ ಮಾಡಿದರೆ ನಾಯಿಗಳು ವಿಪರೀತ ಜೊಲ್ಲು ಸುರಿಸುವುದಿಲ್ಲ.

3. ಹಾಮ್ ಬರ್ಗರ್ , ಕುಚಲಕ್ಕಿ, ಕುರಿ ಕಾಲುಗಳನ್ನು ಬೇಯಿಸಿಕೊಡಬಹುದು.

ಮನೆಯಲ್ಲಿ ಒಬ್ಬ ಸದಸ್ಯನಾಗಿ ನಿಯತ್ತಿನಿಂದ ಸೇವೆ ಸಲ್ಲಿಸಿದ ನಾಯಿಗೆ, ಅದರ ಕೊನೆಗಾಲದಲ್ಲಿ ಹೆಚ್ಚಿನ ಆರೈಕೆ ಮಾಡುವುದು ನಾವು ಅದಕ್ಕೆ ತೋರುವ ಕೃತಜ್ಞತೆ.