ಜೋಡಿ ಮೀನಿಗೆ ಫಿಶ್ ಬೌಲೇ ಏಕೆ?

Decor

oi-Reena

By Hema S

Published: Saturday, February 4, 2012, 11:41 [IST]

ಮನೆಯ ಹಾಲ್ ನಲ್ಲಿ ಫಿಶ್ ಬೌಲ್ ಇದ್ದರೆ ಅದನ್ನು ನೋಡುವುದೇ ಒಂದು ಚೆಂದ. ನೀರಿನಲ್ಲಿ ಈಜಾಡುವ ಬಣ್ಣ-ಬಣ್ಣದ ಮೀನುಗಳನ್ನು ನೋಡಿದಾಗ ಮಸ್ಸಿನಲ್ಲಿರುವ ಒತ್ತಡ, ದುಗುಡವೆಲ್ಲಾ ಮಾಯವಾಗುತ್ತದೆ. ಆದರೆ ಅಕ್ವೇರಿಯಂ ಅಥವಾ ಫಿಶ್ ಬೌಲ್ ನಲ್ಲಿ ಮೀನುಗಳನ್ನು ಸರಿಯಾದ ರೀತಿಯಲ್ಲಿ ಆರೈಕೆ ಮಾಡದಿದ್ದರೆ ಮೀನುಗಳು ಬದುಕುವುದಿಲ್ಲ.

ಮೀನುಗಳನ್ನು ಸಾಕುವಾಗ ಎಷ್ಟು ಮೀನುಗಳನ್ನು ಒಂದೇ ಅಕ್ವೇರಿಯಂನಲ್ಲಿ ಹಾಕಬಹುದು ಎಂಬುದೆಲ್ಲಾ ಇರುತ್ತದೆ. ಅದರಲ್ಲೂ ಜೋಡಿ ಮೀನುಗಳನ್ನು ಫಿಶ್ ಬೌಲ್ ನಲ್ಲಿಟ್ಟರೇನೆ ನೋಡಲು ಚೆಂದ ಮತ್ತು ನಿರ್ವಹಣೆಯೂ ಕೂಡ ಸುಲಭ. ಈ ರೀತಿ ಫಿಶ್ ಬೌಲ್ ನಲ್ಲಿ ಜೋಡಿ ಮಾಡಬಹುದಾದ ಸೂಕ್ತವಾದ ಮೀನುಗಳ ಬಗ್ಗೆ ಮಾಹಿತಿಯನ್ನು ಈ ಕೆಳಗೆ ನೀಡಲಾಗಿದೆ. ಮುಂದೆ ಓದಿ.

1. ಫಿಶ್ ಟ್ಯಾಂಕ್ ಅಥವಾ ಅಕ್ವೇರಿಯಂ ಬದಲು ಜೋಡಿ ಮೀನುಗಳನ್ನು ದುಂಡನೆಯಾಕಾರದ ಫಿಶ್ ಬೌಲ್ ನಲ್ಲಿಡಿ.

2. ದುಂಡನೆಯ ಬೌಲ್ ನಲ್ಲಿ ಹಾಕಿದಾಗ ಅವುಗಳು ಅದರಲ್ಲಿಯೆ ಸುತ್ತುತ್ತಾ ಪರಸ್ಪರ ಅಟ್ಟಿಸಿಕೊಂಡು ಆಡುವುದನ್ನು ನೋಡಲು ತುಂಬಾ ಸುಂದರವಾಗಿರುತ್ತದೆ.

3. ಜೋಡಿ ಫಿಶ್ ಆಯ್ಕೆ ಮಾಡುವವರು ಗೋಲ್ಡ್ ಫಿಶ್ ಗಳನ್ನು ಆಯ್ಕೆ ಮಾಡಬಹುದು. ಈ ಗೋಲ್ಡ್ ಫಿಶ್ ಒಂದನ್ನು ಬಿಟ್ಟು ಮತ್ತೊಂದು ಜೀವಿಸುವುದಿಲ್ಲ.

4. ಮತ್ತೊಂದು ಬಗೆಯ ಜೋಡಿ ಫಿಶ್ ಅಂದರೆ ಬೆಟ್ಟಾ ಫಿಶ್. ಬೆಟ್ಟಾ ಫಿಶ್ ಗೆ ಜೀವಿಸಲು ಸ್ವಲ್ಪ ನೀರು ಸಾಕು. ಈ ಮೀನುಗಳು ಆಕರ್ಷಕ ಬಣ್ಣವನ್ನು ಹೊಂದಿರುವುದರಿಂದ ಬೌಲ್ ನಲ್ಲಿ ಮತ್ತಷ್ಟು ಸುಂದವಾಗಿ ಕಾಣುವುದು.

5. ಒಂದೇ ರೀತಿಯ ಮೀನುಗಳನ್ನಷ್ಟೇ ಅಲ್ಲ ಬೇರೆ-ಬೇರೆ ರೀತಿಯ ಮೀನುಗಳನ್ನು ಕೂಡ ಜೊತೆ ಮಾಡಿ ಬಿಡಬಹುದು.
ಆದರೆ ಆ ಮೀನುಗಳು ಪರಸ್ಪರ ಸಮಬಲವನ್ನು ಹೊಂದಿರುವ ಮತ್ತು ಕೂಡಿಕೊಂಡು ಬಾಳುವಂತಹ ಮೀನು ಆಗಿರಬೇಕು ಅಷ್ಟೇ.

6. ಪಿರಾನ್ಹಾದಂತಹ ಕೆಲವೊಂದು ಒಂದೇ ಜಾತಿಯ ಮೀನುಗಳನ್ನು ಕೂಡ ಜೊತೆಯಲ್ಲಿ ಬಿಟ್ಟರೆ ಅವು ಕಚ್ಚಾಡಿಕೊಂಡು ಸತ್ತು ಹೋಗುತ್ತವೆ. ಆದ್ದರಿಂದ ಅಂತಹ ಮೀನುಗಳನ್ನು ಜೊತೆಯಲ್ಲಿ ಬಿಡಬಾರದು.

ಮೀನುಗಳಿಗೆ ಆಹಾರ ಹಾಕುವಾಗ ತುಂಬಾ ಆಹಾರವನ್ನು ಹಾಕಬೇಡಿ. ಆಗಾಗ ಹಾಕುವುದಕ್ಕಿಂತ ಮೀನು ಕೊಳ್ಳುವಾಗ ಅದರ ಆಹಾರದ ಬಗ್ಗೆ ಸರಿಯಾಗಿ ಕೇಳಿ ತಿಳಿದುಕೊಳ್ಳಿ.