ವಿಶ್ವ ಕಾರ್-ಫ್ರೀ ಡೇ: ಟ್ರಾಫಿಕ್ ಬಿಟ್ಟು 20 ನಿಮಿಷದ ಈ ಸಿಂಪಲ್ ರೂಟೀನ್ ಫಾಲೋ ಮಾಡಿ!

ಇಂದು (ಸೆಪ್ಟೆಂಬರ್ 22) 'ವರ್ಲ್ಡ್ ಕಾರ್-ಫ್ರೀ ಡೇ' (ವಿಶ್ವ ಕಾರು ರಹಿತ ದಿನ). ಈ ದಿನದಂಗವಾಗಿ ನಿಮ್ಮ ಸಣ್ಣಪುಟ್ಟ ಕಾರು ಪ್ರಯಾಣವನ್ನು ಬದಿಗಿಟ್ಟು, ಕೇವಲ 20 ನಿಮಿಷ ವಾಕಿಂಗ್ ಅಥವಾ ಸೈಕ್ಲಿಂಗ್ ಮಾಡಿ ನೋಡಿ! ಬೆಂಗಳೂರು, ಮುಂಬೈ ಮತ್ತು ದೆಹಲಿಯಂತಹ ಮೆಟ್ರೋ ನಗರಗಳಲ್ಲಿ ಟ್ರಾಫಿಕ್ ಕಿರಿಕಿರಿ ಇಲ್ಲದೆ ನೆಮ್ಮದಿಯ ಬೆಳಗನ್ನು ನಿಮ್ಮದಾಗಿಸಿಕೊಳ್ಳಲು, ಮಳೆಗಾಲಕ್ಕೆ ಸೂಕ್ತವಾದ ಸೇಫ್ ರೂಟಿನ್ ಮತ್ತು ಉಪಯುಕ್ತ ಟಿಪ್ಸ್‌ ಇಲ್ಲಿವೆ.

ಮೊದಲು 5 ನಿಮಿಷಗಳ ಕಾಲ ಸಿಂಪಲ್ ವಾರ್ಮ್-ಅಪ್ ಮಾಡಿ. ಒಂದೇ ಕಡೆ ನಿಂತು ಹೆಜ್ಜೆ ಹಾಕುವುದು, ಆಂಕಲ್ ರೊಟೇಷನ್, ಹಿಪ್ ಹಾಗೂ ಕೈಗಳನ್ನು ಸ್ಟ್ರೆಚ್ ಮಾಡುವುದರಿಂದ ದೇಹ ಹುರುಪುಗೊಳ್ಳುತ್ತದೆ. ನಂತರ 10 ನಿಮಿಷಗಳ ಕಾಲ ವೇಗವಾಗಿ ಹೆಜ್ಜೆ ಹಾಕಿ ಅಥವಾ ನಿಧಾನವಾಗಿ ಸೈಕಲ್ ಚಾಲನೆ ಮಾಡಿ. ಹೆಜ್ಜೆಗಳು ಚಿಕ್ಕದಿರಲಿ, ಹೆಗಲು ಸಡಿಲವಾಗಿರಲಿ ಮತ್ತು ಉಸಿರಾಟ ಸಾಮಾನ್ಯ ಸ್ಥಿತಿಯಲ್ಲಿರಲಿ. ಕೊನೆಯ 5 ನಿಮಿಷ ಹಗುರವಾದ ವಾಕಿಂಗ್/ಸೈಕ್ಲಿಂಗ್ ಹಾಗೂ ಸಣ್ಣ ಸ್ಟ್ರೆಚಿಂಗ್ ಮೂಲಕ ಮುಕ್ತಾಯಗೊಳಿಸಿ. ಜೊತೆಯಲ್ಲಿ ನೀರಿನ ಬಾಟಲಿ ಇರಲಿ, ಪಕ್ಕದವರ ಜೊತೆ ಮಾತನಾಡುತ್ತಾ ಸಾಗುವಷ್ಟು ಹಗುರವಾದ ವೇಗ ಕಾಯ್ದುಕೊಳ್ಳಿ.

ಕಾರ್‌-ಫ್ರೀ ಡೇ: 20 ನಿಮಿಷಗಳ ಕಮ್ಯೂಟ್ ರೂಟಿನ್

ನೀವು ಸೈಕಲ್‌ನಲ್ಲಿ ಹೋಗುತ್ತಿದ್ದರೆ, ರಸ್ತೆಯ ಎಡಭಾಗದಲ್ಲೇ ಸಾಗಿ. ಉಳಿದ ವಾಹನ ಸವಾರರಿಗೆ ಸ್ಪಷ್ಟವಾಗಿ ಕಾಣಿಸುವಂತೆ ಜಾಗರೂಕರಾಗಿರಿ. ತಿರುವುಗಳು ಮತ್ತು ವೇಗ ನಿಯಂತ್ರಣಕ್ಕಾಗಿ ಮೂರು ಪ್ರಮುಖ ಕೈ ಸಂಕೇತಗಳನ್ನು ನೆನಪಿಡಿ: ತಿರುಗುವಾಗ ಕೈಯನ್ನು ನೇರವಾಗಿ ಚಾಚಿ. ವೇಗ ಕಡಿಮೆ ಮಾಡುವಾಗ ಅಥವಾ ನಿಲ್ಲಿಸುವಾಗ ಅಂಗೈಯನ್ನು ಕೆಳಮುಖವಾಗಿ ಸರಿಸಿ. ಸಂಜೆಯ ವೇಳೆ ಪ್ರಯಾಣಿಸುತ್ತಿದ್ದರೆ ಸೈಕಲ್‌ಗೆ ಫ್ರಂಟ್ ಲೈಟ್, ಹಿಂಭಾಗದಲ್ಲಿ ಕೆಂಪು ಲೈಟ್ ಮತ್ತು ರಿಫ್ಲೆಕ್ಟರ್‌ಗಳನ್ನು ಕಡ್ಡಾಯವಾಗಿ ಬಳಸಿ.

ಭಾರತದ ರಸ್ತೆಗಳಿಗೆ ಸುರಕ್ಷತಾ ಸಲಹೆಗಳು ಮತ್ತು ಮಾನ್ಸೂನ್ ಗೇರ್

ಮಳೆಗಾಲದಲ್ಲಿ ಎದ್ದು ಕಾಣಿಸುವ ಬ್ರೈಟ್ ಬಣ್ಣದ ರಿಫ್ಲೆಕ್ಟಿವ್ ರೇನ್‌ಕೋಟ್ ಧರಿಸಿ. ಆಂಕಲ್ ರಿಫ್ಲೆಕ್ಟರ್‌ಗಳು, ಮಡ್‌ಗಾರ್ಡ್, ಹೆಲ್ಮೆಟ್ ಒಳಗೆ ಧರಿಸಲು ಕ್ಯಾಪ್ ಮತ್ತು ಕ್ವಿಕ್-ಡ್ರೈ ಸಾಕ್ಸ್ ಬಳಸಿ. ಸೈಕಲ್ ಚಾಲನೆ ಮುಗಿದ ತಕ್ಷಣ ಚೈನ್‌ಗೆ ಲ್ಯೂಬ್ ಹಾಕಿ. ನಿಮ್ಮ ಬ್ಯಾಗ್‌ನಲ್ಲಿ ಮೈಕ್ರೋಫೈಬರ್ ಟವೆಲ್, ಡಿಯೋಡರೆಂಟ್, ವೆಟ್ ವೈಪ್ಸ್, ಹೆಚ್ಚುವರಿ ಮಾಸ್ಕ್ ಮತ್ತು ORS ಪ್ಯಾಕೆಟ್ ಇಟ್ಟುಕೊಳ್ಳಿ. ವಾರ್ಮ್-ಅಪ್, ಟ್ರಾಫಿಕ್ ಸಿಗ್ನಲ್‌ಗಳು ಮತ್ತು ರೇನ್ ಚೆಕ್‌ಲಿಸ್ಟ್‌ಗಾಗಿ ಈ ಸಿಂಪಲ್ ಗೈಡ್ ಅನ್ನು ಸೇವ್ ಮಾಡಿಕೊಳ್ಳಿ.

ಬೆಂಗಳೂರಿನ ಕಬ್ಬನ್ ಪಾರ್ಕ್, ದೆಹಲಿಯ ಲೋಧಿ ಗಾರ್ಡನ್ ಅಥವಾ ಮುಂಬೈನ ಮೆರೀನ್ ಡ್ರೈವ್‌ನಂತಹ ಹಸಿರಿನಿಂದ ಕೂಡಿದ, ಬೆಳಕಿರುವ ರಸ್ತೆಗಳನ್ನು ಆಯ್ಕೆ ಮಾಡಿಕೊಳ್ಳಿ. ನಮ್ಮ ಮೆಟ್ರೋ, ದೆಹಲಿ ಅಥವಾ ಮುಂಬೈ ಮೆಟ್ರೋ ಸ್ಟೇಷನ್‌ಗಳಿಂದ ಕೊನೆಯ ಮೈಲಿ ತಲುಪಲು ವಾಕಿಂಗ್ ಮಾಡುವುದು ಉತ್ತಮ. ಒಂದೊಮ್ಮೆ ಜೋರು ಮಳೆ ಅಥವಾ ಗಾಳಿಯಿದ್ದರೆ ಅಥವಾ ವಾಯು ಮಾಲಿನ್ಯ ಹೆಚ್ಚಿದ್ದರೆ ಹೊರಗಿನ ಪ್ರಯಾಣವನ್ನು ತಪ್ಪಿಸಿ. CPCB ಪ್ರಕಾರ ಗಾಳಿಯ ಗುಣಮಟ್ಟ (AQI) 301-400 ಇದ್ದರೆ 'ಅತ್ಯಂತ ಕಳಪೆ' (Very Poor) ಹಾಗೂ 400ಕ್ಕಿಂತ ಹೆಚ್ಚಿದ್ದರೆ 'ತೀವ್ರ' (Severe) ಎನಿಸುತ್ತದೆ. ಇಂತಹ ಸಮಯದಲ್ಲಿ ಮನೆಯೊಳಗೇ ಸಿಂಪಲ್ ವ್ಯಾಯಾಮ ಮಾಡಿ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.