For Quick Alerts
ALLOW NOTIFICATIONS  
For Daily Alerts

ನೋರೋವೈರಸ್‌ ಎಂದರೇನು? ಇದರ ಲಕ್ಷಣಗಳೇನು, ತಡೆಗಟ್ಟುವುದು ಹೇಗೆ?

|

ಇಂಗ್ಲೆಂಡ್‌ನಲ್ಲಿ ನೋರೋವೈರಸ್‌ ಕಂಡು ಬಂದಿದ್ದು, ಇದರ ಬಗ್ಗೆ ಎಚ್ಚರವಹಿಸುವಂತೆ ಪಬ್ಲಿಕ್ ಹೆಲ್ತ್‌ ಇಂಗ್ಲೆಂಡ್‌ ತನ್ನ ನಾಗರಿಕರಿಗೆ ಎಚ್ಚರಿಕೆ ನೀಡಿದೆ. ಕಳೆದ 4-5 ವಾರಗಳಿಂದ ಈ ವೈರಸ್‌ ಹೆಚ್ಚಾಗಿ ಕಂಡು ಬಂದಿದ್ದು, ಬೇಸಿಗೆಯಲ್ಲಿ ಈ ವೈರಸ್‌ ಹೆಚ್ಚಾಗಿ ಹರಡುವುದು ಎಂಬುವುದಾಗಿ PHE(Public Health England)ಹೇಳಿದೆ.

ಪ್ರೀಸ್ಕೂಲ್‌ ಹಾಗೂ ನರ್ಸರಿ ಮಕ್ಕಳ ಮೂಲಕ ಇದು ವೇಗವಾಗಿ ಹರಡುತ್ತಿದ್ದು ಅವರಿಂದಲೇ ಇತರ ವಯಸ್ಸಿನವರಿಗೂ ಹರಡುತ್ತಿದೆ. ಈ ನೋರೋವೈರಸ್‌ ತಡೆಗಟ್ಟಲು ಮುನ್ನೆಚ್ಚರಿಕೆ ಕ್ರಮ ಅನುಸರಿಸುವಂತೆ PHE ತನ್ನ ನಾಗರಿಕರಿಗೆ ಸೂಚಿಸಿದೆ. ನೋರೋವೈರಸ್‌ ಎಂದರೇನು? ಇದು ಹೇಗೆ ಹರಡುತ್ತಿದೆ? ತಡೆಗಟ್ಟುವುದು ಹೇಗೆ ಎಂದು ನೋಡೋಣ ಬನ್ನಿ:

ನೋರೋವೈರಸ್ ಎಂದರೇನು?

ನೋರೋವೈರಸ್ ಎಂದರೇನು?

ಇದು ತುಂಬಾ ಬೇಗನೆ ಹರಡುವ ಸೋಂಕು ಆಗಿದ್ದು ಇದು ತಾಗಿದರೆ ವಾಂತಿ-ಬೇಧಿ ಸಮಸ್ಯೆ ಕಂಡು ಬರುವುದು. ಇದು ಒಬ್ಬ ವ್ಯಕ್ತಿಗೆ ಬಂದರೆ ಕೆಲವೇ ದಿನಗಳಲ್ಲಿ ಆ ವ್ಯಕ್ತಿಯಿಂದ ಇತರ ಜನರಿಗೆ ಹರಡುವುದು. ಈ ಸೋಂಕು ತಗುಲಿ ವಾಂತಿ ಕಂಡು ಬಂದರೆ ಸ್ವಲ್ಪ ಅಪಾಯಕಾರಿ, ಕೂಡಲೇ ಚಿಕಿತ್ಸೆ ನೀಡಬೇಕಾಗುವುದು.

ಇದು ಹರಡುವುದು ಹೇಗೆ?

ಇದು ಹರಡುವುದು ಹೇಗೆ?

ನೋರೋವೈರಸ್‌ ಪ್ರಮುಖವಾಗಿ ನೀರು ಮತ್ತು ಆಹಾರದ ಮೂಲಕ ಹರಡುತ್ತದೆ ಎಂದು ಸಿಡಿಸಿ ಹೇಳಿದೆ.

* ಸೋಂಕು ತಗುಲಿದ ವ್ಯಕ್ತಿ ಆಹಾರವನ್ನು ಬರಿಗೈಯಿಂದ ಮುಟ್ಟಿದಾಗ ಆ ಸೋಂಕು ಆಹಾರಕ್ಕೆ ಹರಡುವುದು, ಅವುಗಳನ್ನು ಬೇರೆಯವರು ತಿಂದಾಗ ಅವರಿಗೆ ಈ ಸೋಂಕು ಹರಡುವುದು.

* ಸೋಂಕಿತರು ವಾಂತಿ ಮಾಡಿದಾಗ ವೈರಸ್‌ನ ಚಿಕ್ಕ ಕಣ ಗಾಳಿಯಲ್ಲಿರುತ್ತದೆ, ನಂತರ ಅದು ಆಹಾರ ಅಥವಾ ನೀರಿನ ಮೇಲೆ ಕೂರುತ್ತದೆ.

* ಸೋಂಕಿತ ವ್ಯಕ್ತಿ ನೀರಿನಲ್ಲಿ ವಾಂತಿ ಮಾಡಿದಾಗ ಅಥವಾ ಮಲ ವಿಸರ್ಜಿಸಿದಾಗ ಆ ನೀರಿನಲ್ಲಿಯೂ ಇರುವುದು

* ನೀರಿಗೆ ಕ್ಲೋರಿನ್‌ ಹಾಕದೇ ಇದ್ದರೆ ಆ ನೀರಿನ ಮೂಲಕ ಕೂಡ ಹರಡುವುದು.

ನೋರೋವೈರಸ್ ಲಕ್ಷಣಗಳು

ನೋರೋವೈರಸ್ ಲಕ್ಷಣಗಳು

* ಬೇಧಿ

*ವಾಂತಿ

*ಹೊಟ್ಟೆ ನೋವು

ಇದರ ಜೊತೆಗೆ

*ಜ್ವರ

* ತಲೆನೋವು

*ಮೈಕೈ ನೋವು ಕಂಡು ಬರುವುದು.

ವೈರಸ್‌ ಸೋಂಕಿ 12-48 ಗಂಟೆಗಳ ಒಳಗಾಗಿ ರೋಗ ಲಕ್ಷಣಗಳು ಕಂಡು ಬರುವುದು, ಕೆಲವರು 1-3 ದಿನಗಲಲ್ಲಿ ಚೇತರಿಸಿದರೆ ಇನ್ನು ಕೆಲವರಿಗೆ ದೇಹದಲ್ಲಿ ನೀರಿನಂಶ ಕಡಿಮೆಯಾಗಿ ನಿತ್ರಾಣವಿರುತ್ತದೆ.

ತಡೆಗಟ್ಟುವುದು ಹೇಗೆ

ತಡೆಗಟ್ಟುವುದು ಹೇಗೆ

* ಆಹಾರ ಹಾಗೂ ನೀರಿನ ಸ್ವಚ್ಛತೆ ಕಡೆಗೆ ಗಮನ ಹರಿಸಬೇಕು

* ಬಿಸಿ -ಬಿಸಿಯಾದ ಆಹಾರ ಸೇವಿಸಿ

* ನಿಮಗೆ ಅನಾರೋಗ್ಯವಿದ್ದಾಗ ಬೇರೆಯವರಿಗೆ ಆಹಾರ ತಯಾರಿಸಬೇಡಿ ಅಥವಾ ಆರೈಕೆ ನಾಡಬೇಡಿ

* ನೆಲವನ್ನು ಡಿಸ್‌ಇನ್‌ಫೆಕ್ಟ್ ಬಳಸಿ ಸ್ವಚ್ಛವಾಗಿಡಿ

* ಬಟ್ಟೆಗಳು ಶುಭ್ರವಾಗಿರಲಿ.

ನೋರೋವೈರಸ್‌ಗೆ ಚಿಕಿತ್ಸೆ

ನೋರೋವೈರಸ್‌ಗೆ ಚಿಕಿತ್ಸೆ

* ಸಿಡಿಸಿ ಪ್ರಕಾರ ನೋರೋವೈರಸ್‌ಗೆ ಅಂತಲೇ ಪ್ರತ್ಯೇಕ ಚಿಕಿತ್ಸೆಯಿಲ್ಲ. ವಾಂತಿ-ಬೇಧಿಗೆ ನೀಡುವ ಚಿಕಿತ್ಸೆಯನ್ನೇ ನೀಡಲಾಗುವುದು.

* ಸೋಂಕಿತ ವ್ಯಕ್ತಿ ಸಾಕಷ್ಟು ನೀರು ಕುಡಿಯಬೇಕು ಇದರಿಂದ ದೇಹದಲ್ಲಿ ನೀರಿನಂಶ ಕಡಿಮೆಯಾಗುವುದನ್ನು ತಡೆಗಟ್ಟಬಹುದು.

* ತುಂಬಾ ನಿತ್ರಾಣದಲ್ಲಿರುವವರಿಗೆ ಗ್ಲೂಕೋಸ್ ಡ್ರಿಪ್ ನೀಡಲಾಗುವುದು.

English summary

Norovirus Outbreak: Know Norovirus Symptoms, How It Is Transmitted, Treatment And Prevention In kannada

Norovirus Outbreak: Know norovirus symptoms, how it is transmitted, treatment and prevention in kannada,
X