ವೇಗವಾಗಿ ಹರಡುವ C.1.2 ರೂಪಾಂತರ : ಇದರ ಲಕ್ಷಣಗಳೇನು? ಭಾರತದಲ್ಲಿ ಈ ವೈರಸ್ ಹರಡಿದೆಯೇ?

ಏನಿದು C.1.2 ರೂಪಾಂತರ?

ಈ ರೂಪಾಂತರ ದಕ್ಷಿಣ ಆಫ್ರಿಕದಲ್ಲಿ ಮೇ ತಿಂಗಳಿನಲ್ಲಿ ಪತ್ತೆಯಾಯಿತು. ಇದು C.1ರಿಂದ ರೂಪಾಂತರವಾದ ವೈರಸ್‌ ಆಗಿದೆ. ದಕ್ಷಿಣ ಅಮೆರಿಕದಲ್ಲಿ ಕೊರೊನಾ ಮೊದಲನೇ ಅಲೆಗೆ ಈ ವೈರಸ್‌ ಕಾರಣವಾಗಿತ್ತು.

ಯಾವೆಲ್ಲಾ ದೇಶಗಳಲ್ಲಿ ಈ ವೈರಸ್‌ ಪತ್ತೆಯಾಗಿದೆ?

C.1.2 ವೈರಸ್‌ ಮೊದಲಿಗೆ ದಕ್ಷಿಣ ಆಫ್ರಿಕದ ಎಪುಮಲಂಗ ಮತ್ತು ಗೌಟೆಂಗ್ ಪ್ರಾಂತ್ಯಗಳಲ್ಲಿ ಕಂಡು ಬಂತು. ಈ ವೈರಸ್ ಪತ್ತೆಯಾದ ಕೆಲವೇ ದಿನಗಳಲ್ಲಿ ದಕ್ಷಿಣ ಆಫ್ರಿಕದ ಬಹುತೇಕ ಭಾಗಗಳಲ್ಲಿ ಕಂಡು ಬಂತು. ನಂತರ ಈ ವೈರಸ್ ಚೀನಾದಲ್ಲಿ ಪತ್ತೆಯಾಯಿತು. ಕಾಂಗೋ, ಮಾರಿಷಸ್, ಇಂಗ್ಲೆಂಡ್, ನ್ಯೂಜಿಲ್ಯಾಂಡ್, ಪೋರ್ಚುಗಲ್ ಮತ್ತು ಸ್ವಿಜರ್ಲ್ಯಾಂಡ್‌ಗಳಲ್ಲಿ ಕಂಡು ಬಂದಿದೆ.

ಈ ರೂಪಾಂತರ ಎಷ್ಟು ಅಪಾಯಕಾರಿ?

ಇತರ ರೂಪಾಂತರಗಳಿಗೆ ಹೋಲಿಸಿದರೆ ಇದು ಸ್ವಲ್ಪ ಅಪಾರಿಯಾದ ವೈರಸ್‌ ಆಗಿದೆ. ಈ ರೂಪಾಂತರ ವೈರಸ್‌ನಿಂದ ಉಂಟಾಗುವ ಬೇರೆ ರೂಪಾಂತರದಿಂದ ತೊಂದರೆಯಾಗಬಹುದೇ ಎಂಬುವುದರ ಬಗ್ಗೆ ಆತಂಕವಿದ್ದು ಈ ಕುರಿತು ಸಂಶೋಧನೆಗಳು ನಡೆಯುತ್ತಿವೆ.

ಇದು ಎಷ್ಟು ವೇಗವಾಗಿ ರೂಪಾಂತರವಾಗುವುದು?

C.1.2 ವೈರಸ್‌ 41.8 ರೂಪಾಂತರವಾಗುವುದು ಎಂದು ಅಧ್ಯಯನ ಹೇಳಿದೆ. ಈಗಿರುವ ರೂಪಾಂತರಕ್ಕಿಂತ 1.7 ಪಟ್ಟು ವೇಗವಾಗಿ, ಮೊದಲು ಪತ್ತೆಯಾದ ಕೊರೊನಾ ವೈರಸ್‌ಗಿಂತ 1.8 ಪಟ್ಟು ವೇಗವಾಗಿ ಹರಡುವುದು. ಆಲ್ಫಾ, ಬೇಟಾ, ಗಾಮ ಇವುಗಳಿಗಿಂತಲೂ ವೇಗವಾಗಿ ಈ ವೈರಸ್ ಹರಡುವುದು.

ಲಕ್ಷಣಗಳೇನು?

C.1.2 ವೈರಸ್‌ ತಗುಲಿದಾಗ ಇತರ ಕೊರೊನಾ ಲಕ್ಷಣಗಳಿಗಿಂತ ಭಿನ್ನವಾದ ಯಾವೆಲ್ಲಾ ರೋಗ ಲಕ್ಷಣಗಳು ಕಾಣುತ್ತಿವೆ ಎಂಬುವುದರ ಬಗ್ಗೆ ಅಧ್ಯಯನ ನಡೆಯುತ್ತಿದೆ, ಇದು ತಗುಲಿದಾಗ ಶೀತ, ವಿಪರೀತ ಕೆಮ್ಮು, ಸ್ನಾಯು ಸೆಳೆತ, ಕಣ್ಣು ಕೆಂಪಾಗುವುದು, ಬೇಧಿ ಮುಂತಾದ ಸಮಸ್ಯೆ ಕಂಡು ಬರುವುದು.

ಭಾರತದಲ್ಲಿ ಈ ರೂಪಾಂತರ ವೈರಸ್‌ ಹರಡಿದೆಯೇ?

ಭಾರತದಲ್ಲಿ C.1.2 ರೂಪಾತರ ಇದುವರೆಗೆ ಕಂಡು ಬಂದಿಲ್ಲ. ಭಾರತದಲ್ಲಿ ಈಗ ಕಂಡು ಬರುತ್ತಿರುವುದು ಡೆಲ್ಟಾ ಪ್ಲಸ್‌ ರೂಪಾಂತರವಾಗಿದೆ.