ಖ್ಯಾತ ಪಾಪ್ ಸ್ಟಾರ್ ಜಸ್ಟೀನ್‌ ಬೀಬರ್‌ಗೆ ರ‍್ಯಾಂಸೇ ಹಂಟ್‌ ಸಿಂಡ್ರೋಮ್‌ ಕಾಯಿಲೆ, ಏಕೆ ಬರುತ್ತದೆ, ಲಕ್ಷಣಗಳೇನು?

ಶೋ ಕ್ಯಾನ್ಸಲ್‌ ಮಾಡಿದ್ದಕ್ಕೆ ಕಾರಣ ತಿಳಿಸಿದ ಜಸ್ಟಿನ್ ಬೀಬರ್‌ಗೆ

ಜಸ್ಟಿನ್‌ ಬೀಬರ್‌ ಅವರ ಶೋಗಳನ್ನು ಕ್ಯಾನ್ಸಲ್‌ ಮಾಡಲಾಗಿತ್ತು, ಇದು ಅವರ ಅಭಿಮಾನಿಗಳಲ್ಲಿ ಅಸಮಧಾನ ಉಂಟು ಮಾಡಿತ್ತು, ಆದರೆ ತಾನು ಏಕೆ ಶೋಗಳನ್ನು ಕ್ಯಾನ್ಸಲ್‌ ಮಾಡಿದೆ ಎಂಬುವುದರ ಬಗ್ಗೆ ತಮ್ಮ ಅಭಿಮಾನಿಗಳಿಗೆ ಸ್ಪಷ್ಟಪಡಿಸಿದ್ದಾರೆ. ಈಗ ಅವರಿಗೆ ದೈಹಿಕವಾಗಿ ಶೋ ನೀಡಲು ಸಾಧ್ಯವಾಗದೇ ಇರುವ ಕಾರಣದಿಂದಾಗಿ ಕ್ಯಾನ್ಸಲ್ ಮಾಡಲಾಯಿತು ಎಂದು ತಿಳಿಸಿದ್ದಾರೆ.

ಮುಖದ ಒಂದು ಭಾಗದಲ್ಲಿ ಯಾವುದೇ ಚಲನೆ ಇಲ್ಲದಿರುವುದು ಕೂಡ ಆ ವೀಡಿಯೋದಲ್ಲಿ ತೋರಿಸಿದ್ದಾರೆ.

ಜಸ್ಟಿನ್ ಬೀಬರ್‌ಗೆ ಕಾಣಿಸಿರುವ ಆರೋಗ್ಯ ಸಮಸ್ಯೆಗೆ ವೇರಿಸೆಲ್ಲಾ ಜೋಸ್ಟರ್ ವೈರಸ್ (varicella zoster virus) ಕಾರಣವಾಗಿದೆ. ಹರ್ಪೀಸ್‌ ಹಾಗೂ ಚಿಕನ್‌ಪಾಕ್ಸ್‌ಗೂ ಇದೇ ವೈರಸ್ ಕಾರಣವಾಗಿದೆ.

ಚಿಕ್ಕಂದಿನಲ್ಲಿ ಚಿಕನ್‌ಪಾಕ್ಸ್ ಬಂದಿದ್ದರೆ ವ್ಯಕ್ತಿಯಲ್ಲಿ ಈ ವೈರಸ್ ಮತ್ತೆ ಪಾರ್ಷಿಯಲ್‌ ಫೇಶಿಯಲ್‌ ಪ್ಯಾರಲಿಸಿಸ್ ಉಂಟು ಮಾಡುವ ಸಾಧ್ಯತೆ ಇದೆ.

ಪಾರ್ಷಿಯಲ್‌ ಫೇಶಿಯಲ್‌ ಪ್ಯಾರಲಿಸಿಸ್ ಲಕ್ಷಣಗಳು

ಈ ಕಾಯಿಲೆ ಬಂದವರಿಗೆ ಮುಖದ ಒಂದು ಭಾಗ ಚಲನೆ ಇಲ್ಲವಾಗುವುದು. ತಿನ್ನಲು, ಕಣ್ಣು ಮುಚ್ಚಲು ತೊಂದರೆ ಉಂಟಾಗುವುದು. ಈ ವೈರಸ್‌ನಿಂದಾಗಿ ಕಿವಿ, ನಾಲಗೆ , ಬಾಯಿಯಲ್ಲಿ ಗುಳ್ಳೆಗಳು ಕಂಡು ಬರುವುದು, ಕಿವಿ ನೋವು, ವರ್ಟಿಗೋ ಸಮಸ್ಯೆ ಕೂಡ ಉಂಟಾಗುತ್ತದೆ.

ಕೆಲವರಿಗೆ ಕಣ್ಣು ಒಣಗುವುದು, ರುಚಿ ಗೊತ್ತಾಗದೇ ಇರುವುದು ಕೂಡ ಉಂಟಾಗುತ್ತೆ.

ಪಾರ್ಷಿಯಲ್‌ ಫೇಶಿಯಲ್‌ ಪ್ಯಾರಲಿಸಿಸ್ ಪತ್ತೆ ಹೇಗೆ?

* ಇದನ್ನು ರಕ್ತ ಪರೀಕ್ಷೆ ಮೂಲಕ ಕಂಡು ಹಿಡಿಯಬಹುದು. MRI ಸ್ಕ್ಯಾನ್‌ ಕೂಡ ಮಾಡಲಾಗುವುದು.

ಚಿಕಿತ್ಸೆಯೇನು?

ರೋಗಿಗೆ ಆ್ಯಂಟಿ ಇನ್‌ಫ್ಲೇಮಟರಿ ಹಾಗೂ ಆ್ಯಂಟಿವೈರಲ್‌ ಔಷಧಿಗಳನ್ನು ನೀಡಲಾಗುವುದು. ಕಾರ್ನಿಯಲ್‌ ಸಮಸ್ಯೆ ಉಂಟಾಗದಿರಲು ಐ ಪ್ಯಾಚಸ್‌ ಬಳಸಲು ಸಲಹೆ ನೀಡಲಾಗುವುದು.